រាជធានីភ្នំពេញ ៖ ក្នុងឱកាសខួបលើកទី៦៥ រវាងកម្ពុជា-ជប៉ុនគណៈកម្មាការគម្រោងអូពេរ៉ាកម្ពុជា និងសមាគមតន្ត្រីបុរាណជប៉ុន-កម្ពុជា បានរៀបចំកម្មវិធីដ៏ពិសេសមួយ គឺការសម្តែងល្ខោនអូពេរ៉ាកម្ពុជា២០១៨។ នេះជាកម្មវិធីអូពេរ៉ាលើកដំបូងរបស់កម្ពុជាដែលបានរៀបចំធ្វើឡើងកាលពីរសៀលថ្ងៃទី២៨ កញ្ញា ឆ្នាំ២០១៨ នាសណ្ឋាគារសូហ្វីតែលភូគីត្រារាជធានីភ្នំពេញ។
គម្រោងអូពេរ៉ាកម្ពុជា២០១៨បានសម្រេចលើកយកល្ខោនអូពេរ៉ាក្រោមចំណងជើង«Cavalleria Rusticana» (Rustic Chivalry) ជាស្នាដៃដ៏ល្អឯករបស់អ្នកនិពន្ឋជនជាតិអ៊ីតាលី លោក Pierrot Mascagni។ ល្ខោននេះបានបង្កប់នូវរយលានរសជាតិដែលមានដូចជាការលួងលោម ភាពច្រណែនឈ្នានីស សេចក្តីស្រឡាញ់ប្រតិព័ទ្ធដោយមិនដឹងខ្លួន ការចងគំនុំសងសឹក។ ល្ខោនអូពេរ៉ា បានចាប់ផ្តើមតាំងពីឆ្នាំ១៩៨០ នៅទីក្រុងរ៉ូម «Cavalleria»ដែលមានភាពល្បីល្បាញដោយសារតែភាពអស្ចារ្យ នៃអត្ថន័យល្ខោនអូពេរ៉ា។
គម្រោងអូពេរ៉ាកម្ពុជា២០១៨ ត្រូវបានចូលរួមសម្តែងដោយលោក ខួន សិទ្ធិស័ក្ត ជាអ្នកចម្រៀងអូពេរ៉ា នៅក្នុងស្រុកតែម្នាក់គត់ដែលចេះច្រៀងអូពេរ៉ា ស្ទាត់ជំនាញ រួមជាមួយអ្នកស្រីអៃ អ៊ិវ៉ាសាគិ ព្រមទាំងអ្នកចម្រៀងអន្តរជាតិល្បីៗផ្សេងៗទៀត មានវត្តមាននៅក្នុងកម្មវិធី។
កម្មវិធីដំណើរការទៅបានគឺក្រោមកិច្ចសម្របសម្រួលនិងទំនាក់ទំនងរបស់ព្រះបាទស៊ីសុវត្ថិ រ៉ាវីវឌ្ឍនា មុនីពង្សដែលទ្រង់មានគម្រោងបង្កើតក្រុមហ៊ុនអូពេរ៉ានិងវង់តន្ត្រី Orchestra នៅកម្ពុជាក្នុងកិច្ចខិតខំប្រឹងប្រែងដែលជាផ្នែកមួយដើម្បីចូលរួមលើកកម្ពស់បទដ្ឋាននៃតន្ត្រីបុរាណនិងសិល្បៈសម្តែងនៅក្នុងប្រទេសកម្ពុជា។
ព្រះអង្គម្ចាស់ស៊ីសុវត្ថិ រ៉ាវីវឌ្ឍនា បានមានបន្ទូលថា «ប្រធានបទរបស់ល្ខោនអូពេរ៉ាពេលនេះ គឺសាច់រឿងមួយដែលបានពិពណ៌នាអំពីសេចក្តីស្រឡាញ់ផ្អែមល្ហែម និងការបញ្ចប់ទៅវិញដោយសោកនាដកម្មដ៍កាចសាហាវ»។
សាច់រឿងទាំងមូល គឺកើតឡើងនៅក្នុង «Cavalleria Rusticana» តាមរយៈស្នាដៃនេះពួកយើងហាក់ដូចជាត្រូវបានអញ្ជើញឲទៅទីក្រុងស៊ីស៊ីលី ក្នុងដំណើរកម្សាន្តដ៏ពិសេសមួយដែលមានរយៈពេល១ថ្ងៃ។ ពេលវេលានោះគឺជាពេលវេលាមួយដើម្បីចូលរួមពិធីបុណ្យអ៊ីស្ទើរ៍។
ប៉ុន្តែពិធីបុណ្យនេះយើងបានភ្លករសជាតិភាពចលាចលដែលកើតចេញពីមោទនភាព ការស្អប់ ភាពច្រណែនឈ្នានីស កំហុសឆ្គងដែលបង្កពីតួអង្គបុរស និងស្ត្រីនៅក្នុងសាច់រឿង។
ការប្រមូលផ្តុំក្រុមសិល្បករអន្តរជាតិមកពីប្រទេសនានាលើពិភពលោកដូចជា កម្ពុជា ជប៉ុន បារាំង ហូឡង់ និងអ៊ីតាលី គឺជាការប្រកួតប្រជែងដ៏ពិតប្រាកដមួយដែលនេះជាអ្វីៗដែលផុសចេញពីដួងចិត្តរបស់យើងខ្ញុំគ្រប់គ្នា។ ពួកយើងបានស្នើឲ្យមានផ្ទាំងទស្សនីយភាពនេះកើតឡើងជាលើកដំបូងដែលមិនអាចបំភ្លេចបានដល់ទស្សនិកជន៕
ចែករំលែកព័តមាននេះ