រាជធានីភ្នំពេញ ៖ មន្ត្រីនគរបាលជាតិបម្រើការងារនៅអធិការដ្នាននគរបាលខណ្ឌដូនពេញ កាលពីព្រឹកថ្ងៃទី២៩ កញ្ញា ម្នាក់ៗមានភាពសប្បាយរីករាយជាខ្លាំងដែលនឹកស្មានមិនដល់នោះ គឺសម្តេចក្រឡាហោម ស ខេង ឧបនាយករដ្ឋមន្ត្រី…
រាជធានីភ្នំពេញ ៖ មន្ត្រីនគរបាលជាតិបម្រើការងារនៅអធិការដ្នាននគរបាលខណ្ឌដូនពេញ កាលពីព្រឹកថ្ងៃទី២៩ កញ្ញា ម្នាក់ៗមានភាពសប្បាយរីករាយជាខ្លាំងដែលនឹកស្មានមិនដល់នោះ គឺសម្តេចក្រឡាហោម ស
ខេង ឧបនាយករដ្ឋមន្ត្រី និងជារដ្នមន្ត្រីក្រសួងមហាផ្ទៃ បានជូននូវអគារអធិការដ្ឋាននគរបាលខណ្ឌដូនពេញថ្មីសន្លាងមួយខ្នង ដែលជាប្រវត្តិសាស្ត្រមិនធ្លាប់មាន ។
នាព្រឹកថ្ងៃបិណ្ឌ៥ សម្តេចក្រឡាហោម ស ខេង បានអញ្ជើញទៅរាប់បាតកាន់បិណ្ឌនៅវត្តសារ៉ាវន្ត ស្ថិតក្នុងសង្កាត់ជ័យជំនះ ខណ្ឌដូនពេញ ដែលអមដំណើរដោយមន្ត្រីជាន់ខ្ពស់ជាច្រើនរូប រួមមានទាំងលោក សុខ ពេញវុធ អភិបាលខណ្ឌផងដែរ ។
ក្រោយចប់កិច្ចបង្ហើយបុណ្យសម្តេចក្រឡាហោម ស ខេង បាន និង អញ្ជើញវិលទៅកាន់ភូមិគ្រឹះសម្តេចវិញ ខណៈពេលធ្វើដំណើរឆ្លងកាត់អគារអធិការដ្ឋាននគរបាលខណ្ឌដូនពេញ ដែលមានសភាពចាស់ទ្រុឌទ្រោមនោះ សម្តេចក្រឡាហោមបានចុះពិនិត្យមើល ហើយបានមានប្រសាសន៍ភ្លាមៗទៅកាន់មន្ត្រីនគរបាលម្រើការងារនៅទីនោះថា លោក និង ឲ្យអ្នកបច្ចេកទេសទៅសិក្សាជាបន្ទាន់ដើម្បីសាងសង់អគារ.នៃអធិការដ្ឋាននគរបាលខណ្ឌដូនឲ្យថ្មីសន្លាងមួយខ្នង ដែលកំពស់ច្រើនជាន់ឡើងវិញ ។
ប្រសាសន៍ដ៏ថ្លៃថ្លានេះបានធ្វើឲ្យលោកអធិការដែលទើប និង ផ្ទេរមកកាន់ទីនោះ រួមទាំងមន្ត្រីក្រោមឧិ៍វាទទាំងអស់រំភើបស្លុតចិត្ត ដូចបានត្រូវឆ្នោតគ្រប់គ្នា ដែលមានអគារថ្មីអង្គុយធ្វើការក្នុងឆាប់ខាងមុខនេះ ។ ក្នុងនោះដែរលោកវរៈសេនីយ៍ឯក ទៀង ចន្ទ័សារ អធិការទើបមកកាន់តំណែងថ្មី បានថ្លែងឲ្យដឹងថា ជាប្រវត្តិសាស្ត្រហើយ ក្នុងនគរបាលខណ្ឌដូនពេញ ដែលសម្តេចក្រឡាហោម ស ខេង ជាថ្នាក់ដឹកនាំមន្ត្រីនគរបាលទូទាំងប្រទេស បានអញ្ជើញមកកាន់ទីនេះ ហើយបានផ្តល់នូវកាដូរថ្មី(អគារអធិការដ្ឋានថ្មី)ក្រោយការបោះឆ្នោត ។
ដូច្នេះសម្រាប់ខ្ញុំផ្ទាល់ក៏ដូចជាមន្ត្រីក្រោមឧិ៍វាទមានចិត្តសប្បាយរីករាយរំភើប អស់ពីដួងហរទ័យ នូវ ការដឹកនាំ និងសណ្តានចិត្តរបស់លោក បានចុះមកសំណោះសំណាល ថែមពីនោះលោកបានណែនាំលើវិស័យការងារចខុវិស័យការងារជំនាញ ព្រមទាំងកាដូនូវអគារសាងសង់ថ្មីសម្រាប់ឲ្យមន្ត្រីនគរបាលក្នុងខណ្ឌដូនពេញ បំពេញភារកិច្ច បម្រើប្រទេសជាតិ សន្តិសុខ សុវត្តិភាព ជូនភ្ញៀវទេសចរណ៍ ក៏ដូចប្រជាពលរដ្ឋដែលរស់នៅក្នុងខណ្ឌដូនពេញ ។
លោកអធិការបន្តថា នេះជាសាក្ខីភាពមួយដែលមិនអាចកាត់ថ្លៃបាន យើងខ្ញុំទាំងអស់គ្នា និងចងចាំមិនភ្លេច នូវគុណូបការៈចំពោះសម្តេចក្រឡាហោមអស់មួយជីវិត ។ ជាវិសេសវិសាលណាស់អគារអធិការដ្ឋាននគរបាលខណ្ឌដូនពេញ ដែលមានអធិការ៧ជំនាន់ហើយ អង្គុយបម្រើការងារលើអគារចាស់ទ្រុឌទ្រោមរហូតមកដល់ពេលនេះ ៕
ចែករំលែកព័តមាននេះ