ខេត្តកំពង់ធំ ៖ ខ្សែភ្លើងឆក់យកជីវិតនារីម្នាក់ស្លាប់ទាំងវ័យក្មេង ហេតុការណ៍ខ្សែភ្លើងឆក់ស្លាប់យុវតីម្នាក់ទាំងវ័យក្មេងនេះបានបង្កឲ្យមានការភ្ញាក់ផ្អើលមួយបានកើតឡើងកាលពីវេលាម៉ោង២និង២០នាទីរសៀលថ្ងៃទី២៨ ខែកញ្ញា ឆ្នាំ២០១៨ ស្ថិតនៅលើផ្ទះជនរងគ្រោះ នៅក្នុងភូមិប្រាំងសំរោង ឃុំច្រនៀង ស្រុកបារាយណ៍…
ខេត្តកំពង់ធំ ៖ ខ្សែភ្លើងឆក់យកជីវិតនារីម្នាក់ស្លាប់ទាំងវ័យក្មេង ហេតុការណ៍ខ្សែភ្លើងឆក់ស្លាប់យុវតីម្នាក់ទាំងវ័យក្មេងនេះបានបង្កឲ្យមានការភ្ញាក់ផ្អើលមួយបានកើតឡើងកាលពីវេលាម៉ោង២និង២០នាទីរសៀលថ្ងៃទី២៨ ខែកញ្ញា ឆ្នាំ២០១៨ ស្ថិតនៅលើផ្ទះជនរងគ្រោះ នៅក្នុងភូមិប្រាំងសំរោង ឃុំច្រនៀង ស្រុកបារាយណ៍ ខេត្តកំពង់ធំ ។
លោកវរសេនីយ៍ទោ កែ កញ្ចនា អធិការរងនគរបាលស្រុកបារាយណ៍បានឲ្យដឹងថា ករណីគ្រោះថ្នាក់ឆក់ខ្សែភ្លើងខាងលើនេះបណ្តាលអោយក្មេងស្រីម្នាក់ស្លាប់យ៉ាងអាណោចអាធ័មដោយជនរងគ្រោះមានឈ្មោះ ហូ លីហួ ភេទស្រី អាយុ១៥ឆ្នាំ មានឪពុកឈ្មោះ ខៀ លី អាយុ៤៨ឆ្នាំ និងម្តាយឈ្មោះ សៅ សុផល អាយុ៤៧ឆ្នាំ រស់នៅភូមិកើតហេតុខាងលើ ។
បើយោងតាមសាច់ញាតិនិយាយថា នៅមុនពេលកើតហេតុ ខណៈដែលមេឃកំពុងភ្លៀងជនរងគ្រោះនាងក៏បានឡើងទៅលើផ្ទះដើម្បីបិតបង្អួចដោយមិនបានប្រយ័ត្នហើយក៏បានប៉ះនឹងខ្សែភ្លេើងដែលមិនបានរុំស្គត់ឲ្យបានត្រឹមត្រូវនោះបណ្តាលឲ្យឆក់ស្លាប់តែម្តង ។
ក្រោយពេលកើតហេតុកម្លាំងសមត្ថកិច្ចបានចុះទៅពិនិត្យនៅកន្លែងកើតហេតុឃើញថា ជនរងគ្រោះពិតជាស្លាប់ដោយឆក់ខ្សែភ្លើងពិតប្រាកដមែន ក៏ឲ្យសាច់ញាតិចាត់ចែងធ្វើបុណ្យតាមប្រពៃណី និងបានផ្តាំដល់អាណាព្យាបាលត្រូវតែមានការប្រុងប្រយ័ត្នចំពោះមុខដំណខ្សែភ្លើង ឬក៏ខ្សែភ្លើងដាច់រលាត់ស្រោមអាចបណ្តាលឲ្យឆក់ស្លាប់បាន ៕
ចែករំលែកព័តមាននេះ