ខេត្តកណ្តាល ៖ នគរបាលនៃអធិការដ្ឋានក្រុងតាខ្មៅ ដឹកនាំដោយលោក សរ កែវពិសិដ្ឋ អធិការក្រុងតាខ្មៅ សហការជាមួយនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានសហការជាមួយកម្លាំងសាខាគយខេត្តដោយមានការសម្របសម្រួលនីតិវិធីពីលោក…
ខេត្តកណ្តាល ៖ នគរបាលនៃអធិការដ្ឋានក្រុងតាខ្មៅ ដឹកនាំដោយលោក សរ កែវពិសិដ្ឋ អធិការក្រុងតាខ្មៅ សហការជាមួយនគរបាលការិយាល័យប្រឆាំងបទល្មើសសេដ្ឋកិច្ច នៃស្នងការដ្ឋាននគរបាលខេត្ត បានសហការជាមួយកម្លាំងសាខាគយខេត្តដោយមានការសម្របសម្រួលនីតិវិធីពីលោក ហេង ផេង ព្រះរាជអាជ្ញារងអមសាលាដំបូងខេត្ត បានចុះធ្វើការត្រួតពិនិត្យទីតាំងកាត់តរថយន្តខុសច្បាប់មួយកន្លែងនៅព្រឹកថ្ងៃទី២៨ ខែកញ្ញា ស្ថិតក្នុងភូមិស្ទឹងជ្រៅ សង្កាត់ដើមមៀន ក្រុងតាខ្មៅ ។
មន្ត្រីនគរបាលការិយាល័យប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលខេត្តបានឲ្យដឹងថា ដោយមានបទបញ្ជាពីលោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្ត និងមានការសម្របសម្រួលនីតិវិធីពីព្រះរាជអាជ្ញាអមសាលាដំបូង កម្លាំងជំនាញបានចុះធ្វើការបង្ក្រាបទីតាំងកាត់តរថយន្តខុសច្បាប់មួយកន្លែង និងធ្វើការដកហូតរថយន្ត៩គ្រឿង ក្នុងនោះរថយន្តម៉ាក TOYOTA CAMRY ២គ្រឿង (ស៊េរីឆ្នាំ២០០២ មួយគ្រឿង និងស៊េរីឆ្នាំ២០១៣ មួយគ្រឿង),រថយន្ត TOYOTA PRUS ២គ្រឿង (ស៊េរីឆ្នាំ២០០៦ មួយគ្រឿង និងស៊េរីឆ្នាំ២០១០ មួយគ្រឿង),រថយន្ត Highlander ១គ្រឿង,រថយន្ដ TOYOTA HYBRIDS ១គ្រឿង និងរថយន្ដ LEXUS ៣គ្រឿង (RX៣៥០ ស៊េរីឆ្នាំ២០១៥ មួយគ្រឿង,RX៣៥០ ស៊េរីឆ្នាំ២០០៨ មួយគ្រឿង និងRX៣៥០ ស៊េរីឆ្នាំ២០០៦ មួយគ្រឿង) ។
បច្ចុប្បន្ន រថយន្ដ៩គ្រឿងខាងលើកម្លាំងជំនាញបានធ្វើការដកហូតបញ្ជូនមកកាន់ស្នងការដ្ឋាននគរបាលខេត្ដ ដើម្បីកសាងសំណុំរឿងចាត់ការតាមនីតិវិធីច្បាប់ ។ចំណែកម្ចាស់ទីតាំងមានឈ្មោះ ហូ ច្រុង ភេទប្រុស អាយុ៤៤ឆ្នាំ មានទីលំនៅភូមិស្ទឹងជ្រៅ សង្កាត់ដើមមៀន ក្រុងតាខ្មៅ មិនត្រូវបានសមត្ថកិច្ចឃាត់ខ្លួនទេ ។
សមត្ថកិច្ចជំនាញបានខ្សឹបប្រាប់ឱ្យដឹងថា ការកាត់តរថយន្ត គឺជាអំពើខុសច្បាប់ធ្ងន់ធ្ងរបំផុតជាងនេះទៅទៀត បើពិនិត្យជាក់ស្តែងនៅតាមតួរថយន្តនីមួយៗ ដែលជាងធ្វើការកាត់តរួចហើយនោះ គឺមានលក្ខណៈខុសបច្ចេកទេសទាំងអស់ ដែលបញ្ហានេះគឺបានធ្វើឱ្យមានការប្រឈមនឹងគ្រោះថ្នាក់ដល់អតិថិជន ដែលបានជាវរថយន្តកាត់តយកទៅជិះ ។
ម្យ៉ាងទៀតរថយន្តដែលធ្វើការកាត់តហើយនេះ សុទ្ធសឹងតែជារថយន្តអត់មានពន្ធ សង្ស័យឡានចោរព្រមទាំងមានស្លាកលេខមិនពិតប្រាកដ ដែលធ្វើឱ្យជួបបញ្ហាដល់អ្នកដែលបានទិញរថយន្តនេះយកទៅប្រើប្រាស់ផងដែរ ។សង្ស័យណាស់មានមុខជំនាញរបៀបនេះ មិនប្រាកដថាមានភាពសុច្ចរិតទេ ។សង្ស័យឡានចោរយកទៅកាប់សាច់ រួចកាត់ត ក៏មិនប្រាកដដែរ ព្រោះចាប់យកតែឡានមិនចាប់ម្ចាស់ ៕
ចែករំលែកព័តមាននេះ