កាលពីថ្ងៃសុក្រ សារព័ត៌មានក្នុងស្រុកបានឱ្យដឹងថា មេដោះម្នាក់ ឈ្មោះ Mo Huanjing បានដុតផ្ទះសម្លាប់ជីវិតមនុស្សអស់បួននាក់ ដោយសារតែចង់ឡើងប្រាក់ខែ ខណៈនាងគឺជាអ្នកមើលថែក្មេងក្នុង អាផាតមិនមួយនោះ…
កាលពីថ្ងៃសុក្រ សារព័ត៌មានក្នុងស្រុកបានឱ្យដឹងថា មេដោះម្នាក់ ឈ្មោះ Mo Huanjing បានដុតផ្ទះសម្លាប់ជីវិតមនុស្សអស់បួននាក់ ដោយសារតែចង់ឡើងប្រាក់ខែ ខណៈនាងគឺជាអ្នកមើលថែក្មេងក្នុង
អាផាតមិនមួយនោះ ហើយក៏ត្រូវបានតុលាការកាត់ទោសប្រហារជីវិតដែរ ។
ក្នុងកំឡុងពេលកាត់ក្តី រដ្ឋអាជ្ញាបាននិយាយថា នាង Mo គឺជាអ្នកងប់ងល់នឹងការលេងល្បែង ដែលធ្វើឲ្យខ្លួនជាប់ជំពាក់បំណុលជាច្រើន ។ នាងបានសង្ឃឹមថា ចៅហ្វាយអាចនឹងឲ្យរង្វាន់ជាថវិកា ប្រសិនបើនាងអាចពន្លត់ភ្លើង និងជួយសង្គ្រោះគ្រួសារចៅហ្វាយបាន ទើបបានជាបង្កអគ្គិភ័យនេះ ។
ផ្ទុយមកវិញ នាងមិនអាចគ្រប់គ្រងភ្លើងដែលឆាបឆេះបានឡើយ និងបានរត់ចេញពីអាផាតមិន ដោយទុកក្មេងទាំងបីរួមទាំងម្តាយឈ្មោះ Zhu Xiaozhen ចោល។ បុរសជាប្តី គឺលោក Lin Shengbin មិនបាននៅអាផាតមិនទេ ក្នុងពេលមានហេតុការណ៍នេះកើតឡើង។
នាង Mo បានប្តឹងឧទ្ធរណ៍ កាលពីខែកុម្ភៈ ខណៈដែលមានការទាមទារឱ្យពង្រឹងស្តង់ដារសុវត្ថិភាពតាម
អាផាតមិន និងការរិះគន់លើក្រុមជួយសង្គ្រោះ ប៉ុន្តែបណ្តឹងនេះ មិនបានសម្រេចទេ។ ករណីនេះ បានបង្កើតឲ្យមានការសន្ទនាទូទាំងប្រទេសពីចម្លោះប្រាក់ចំណូលក្នុងប្រទេសចិន និងពលករអន្តោប្រវេសន៍ជាដើម ។
ចែករំលែកព័តមាននេះ