ខេត្តកំពង់ចាម ៖ សេចក្តីរាយការណ៍ឱ្យដឹងថា នារីម្នាក់ត្រូវស្លាប់ភ្លាមៗយ៉ាងអាណោចអាធ័មបំផុត ខណៈកំពុងជិះម៉ូតូក៏ត្រូវរថយន្តកិនខ្ទេចក្បាល កើតឡើងកាលពីវេលាម៉ោង១១ និង២០នាទីថ្ងៃទី២៨ កញ្ញា ស្ថិតលើផ្លូវកំពង់ចាម-តៃនិញ ក្នុងភូមិកៀនជ្រៃក្រៅ…
ខេត្តកំពង់ចាម ៖ សេចក្តីរាយការណ៍ឱ្យដឹងថា នារីម្នាក់ត្រូវស្លាប់ភ្លាមៗយ៉ាងអាណោចអាធ័មបំផុត ខណៈកំពុងជិះម៉ូតូក៏ត្រូវរថយន្តកិនខ្ទេចក្បាល កើតឡើងកាលពីវេលាម៉ោង១១ និង២០នាទីថ្ងៃទី២៨ កញ្ញា ស្ថិតលើផ្លូវកំពង់ចាម-តៃនិញ ក្នុងភូមិកៀនជ្រៃក្រៅ ឃុំកៀនជ្រៃ ស្រុកកំពង់សៀម ។
សេចក្តីរាយការណ៍បន្តថា បើតាមនគរបាលចរាចរថា គ្រោះថ្នាក់កើតឡើងរវាងគោយន្តកែច្នៃ(បុកស័រ) និង ម៉ូតូ ។ រីឯគោយន្តកែច្នៃ ពណ៌ខៀវ អ្្នកបើកបរគេចខ្លួនបាត់ តែបានស្គាល់ឈ្មោះនាង ភេទប្រុស អាយុ៣៥ឆ្នាំ រស់នៅភូមិកោល ឃុំសូភាស ស្រុកស្ទឹងត្រង់ ក្នុងទិសដៅពីជើងទៅត្បូង ។
ប្រភពបន្តថា ខណៈគោយន្តបើកមកដល់ចំណុចកើតហេតុ ក៏បានជ្រុលបុកជាមួយម៉ូតូម៉ាក ហុងដា C125 ពណ៌ខ្មៅ ពាក់ស្លាកលេខកំពង់ចាម 1N-3402 ជិះដោយនារីឈ្មោះ កុយ សុភក្រ័ អាយុ២១ឆ្នាំ រស់នៅភូមិកៀនជ្រៃ ឃុំកៀនជ្រៃ ស្រុកកំពង់សៀម (គ្មានពាក់មួកសុវត្ថិភាព) ។
ករណីនេះ កំលាំងជំនាញបានរកឃើញគោយន្តទុកនៅក្នុងទឹកដីភូមិល្ពាក ឃុំស្រក ស្រុកកំពង់សៀម ខេត្តកំពង់ចាម វត្ថុតាងត្រូវបាននាំមករក្សាទុកនៅអធិការដ្ឋាននគរបាលស្រុកដោះស្រាយតាមច្បាប់ ។
ចែករំលែកព័តមាននេះ