ខេត្តកំពង់ចាម ៖ នារីម្នាក់បានស្លាប់ភ្លាមៗនៅនឹងកន្លែងកើតហេតុ ក្នុងគ្រោះថ្នាក់ចរាចរណ៍រវាងម៉ូតូបុកជាមួយគោយន្តកែច្នៃ ដែលបានកើតឡើងវេលាម៉ោង១១និង២០នាទីព្រឹកថ្ងៃទី ២៨ កញ្ញា ឆ្នាំ២០១៨ នៅលើផ្លូវកំពង់ចាម-តៃនិញ ស្ថិតនៅភូមិកៀនជ្រៃក្រៅ ឃុំកៀនជ្រៃ ស្រុកកំពង់សៀម ។
នគរបាលចរាចរ ប្រាប់ឱ្យដឹងថា : ជនរងគ្រោះដែលស្លាប់ឈ្មោះ កុយ សុភក្រ័ ភេទស្រី អាយុ ២១ឆ្នាំ មានទីលំនៅភូមិកៀនជ្រៃ ឃុំកៀនជ្រៃ ស្រុកកំពង់សៀម ជាអ្នកបើកបរម៉ូតូម៉ាកហុងដា ធុនC125 ពណ៌ខ្មៅ ពាក់ស្លាកលេខ កំពង់ចាម ១N-៣៤០២ ។ ចំណែកគោយន្តកែច្នៃ ពណ៌ខៀវ បើកបរដោយឈ្មោះ នាង ភេទប្រុស អាយុ៣៥ឆ្នាំ រស់នៅភូមិកោល ឃុំសូភាស ស្រុកស្ទឹងត្រង់ ។
នគរបាលចរាចរប្រាប់ឱ្យដឹងថា : គោយន្តកែច្នៃ បើកបរដោយបុរសម្នាក់ ធ្វើដំណើរក្នុងទិសដៅពីជើងទៅត្បូងបានបុកជាមួយម៉ូតូម៉ាកហុងដាដែលបើកបរក្នុងទិសដៅស្របគ្នា បណ្តាលឱ្យអ្នកបើកបរម៉ូតូស្លាប់នៅនឹងកន្លែងកើតហេតុ រីឯម៉ូតូខូចខាតកំរិតស្រាល ចំណែកគោយន្តរងការខូចខាតស្រាល ។
ករណីនេះ កំលាំងជំនាញបានសហការជាមួយកំលាំងប៉ុស្តិ៍ បាននាំយកគោយន្តកែច្នៃមករក្សាទុកនៅអធិការ
ដ្ឋាននគរបាលស្រុកដោះស្រាយតាមច្បាប់ ។ ចំណែកសពក្រោយបានវាស់វែងរួច បានប្រគល់អោយគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ