ខេត្តកំពង់ស្ពឺ ៖ រថយន្តកុងតឺន័រមានសណ្តោងកន្ទុយ១គ្រឿង នបុកជាមួយម៉ូតូ១គ្រឿង បណ្តាលឲ្យអ្នកម៉ូតូរងរបួសធ្ងន់ ចំណែកម្ចាស់រថយន្តបានរត់គេចខ្លួន។ គ្រោះថ្នាក់ចរាចរណ៍នេះ បានកើតឡើងកាលពីម៉ោង៣និង៣០នាទីទៀបភ្លឺចូលថ្ងៃទី២៨ ខែកញ្ញា ឆ្នាំ២០១៨ ស្ថិតតាមបណ្តោយផ្លូវជាតិលេខ៤ចន្លោះគីឡូម៉ែត្រលេខ៥០-៥១ ក្នុងភូមិញរ សង្កាត់កណ្តោលដុំ ក្រុងច្បារមន។
ជនរងគ្រោះខាងលើឈ្មោះ អុី អួង ភេទប្រុស អាយុ៤៣ឆ្នាំ រស់នៅភូមិផ្សារសាមគ្គី សង្កាត់កណ្តោល
ដុំ ក្រុងច្បារមន បើកម៉ូតូម៉ាកសេដេ ពណ៌ខ្មៅ គ្មានស្លាកលេខ។ រថយន្តបង្កម៉ាកហ៊ីយ៉ាន ពណ៌ក្រហម ពាក់ស្លាកលេខភ្នំពេញ ៣B-២១៧៩ មានសណ្តោងរ៉ឺម៉ក ពាក់ស្លាកលេខ ភ្នំពេញ៤A-១៦៩៥ អ្នកបើកបរមិនស្គាល់អត្តសញ្ញាណ។
ប្រភពព័ត៌មានពីសមត្ថកិច្ច បានឲ្យដឹងថា មុនពេលកើតហេតុ គេឃើញរថយន្តកុងតឺន័រខាងលើបើកបរលើផ្លូវជាតិលេខ៤ ក្នុងទិសដៅពីកើតទៅលិចបើកបរក្នុងល្បឿនលឿន លុះដល់កន្លែងកើតហេតុ បានរេចង្កូតបុកម៉ូតូ១គ្រឿងខាងលើផ្លោងចេញពីថ្នល់ បណ្តាលឲ្យអ្នកបើកបរម៉ូតូរងរបួសធ្ងន់។ ក្រោយបង្កហេតុ អ្នកបើកបររថយន្តបង្ក បានទុករថយន្តចោល រត់គេចខ្លួនដោយសុវត្ថិភាព។
ក្រោយកើតហេតុ សមត្ថកិច្ចបានចុះទៅដល់កន្លែងកើតហេតុ និងបញ្ជូនជនរងគ្រោះ ទៅកាន់មន្ទីរពេទ្យដើម្បីសង្គ្រោះ។ចំណែកយានយន្តទាំង២គ្រឿង សមត្ថកិច្ចបាននាំយកមករក្សាទុកនៅការិយាល័យចរា
ចរណ៍ខេត្តកំពង់ស្ពឺ ដើម្បីធ្វើការស្រាវជ្រាវរកអ្នកបើកបររថយន្តឲ្យចូលខ្លួនមកដោះស្រាយតាមច្បាប់៕
ចែករំលែកព័តមាននេះ