ទីក្រុងហូជីមិញ ៖ អនុប្រធាននាយកដ្ឋានការដាំដុះដែលស្ថិតក្រោមក្រសួងកសិកម្មនិងអភិវឌ្ឍន៍ជនបទ បានឲ្យដឹងថា វិស័យផ្លែឈើរបស់វៀតណាមគួរផ្តោតទៅលើការទទួលបានជំនឿទុកចិត្តពីអតិថិជនក្នុងស្រុកសិន មុននឹងផ្តោតលើការនាំចេញ ។ លោក Nguyen Nhu…
ទីក្រុងហូជីមិញ ៖ អនុប្រធាននាយកដ្ឋានការដាំដុះដែលស្ថិតក្រោមក្រសួងកសិកម្មនិងអភិវឌ្ឍន៍ជនបទ បានឲ្យដឹងថា វិស័យផ្លែឈើរបស់វៀតណាមគួរផ្តោតទៅលើការទទួលបានជំនឿទុកចិត្តពីអតិថិជនក្នុងស្រុកសិន មុននឹងផ្តោតលើការនាំចេញ ។
លោក Nguyen Nhu Cuong ប្រធាននាយកដ្ឋានរូបនេះបន្តថា ផលិតផលផ្លែឈើដែលមានគុណភាពខ្ពស់ត្រូវបានទទួលទានក្នុងស្រុក នឹងបង្កើតជាមូលដ្ឋានដ៏ល្អមួយសម្រាប់ការនាំចេញនាពេលអនាគត ។
ទីផ្សារក្នុងស្រុកគឺជាទីតាំងដ៏មានប្រសិទ្ធ ភាពសម្រាប់វិស័យផ្លែឈើក្នុងការស្វែង រកអតិថិជន។ ខណៈដែលសេដ្ឋកិច្ចកំពុងតែអភិវឌ្ឍន៍ និងប្រាក់ចំណូលរបស់ប្រជាជនកើនឡើង អតិថិជនក្នុងស្រុកយល់ដឹងកាន់តែច្រើន និងទាមទារឲ្យអាហារនិងផ្លែឈើស្របនឹងស្តង់ដាសុវត្ថិភាពនិងអនាម័យជាដើម ។
ប្រសិនបើវិស័យផ្លែឈើចង់ទាក់ទាញអតិថិជនក្នុងស្រុកនោះ ពួកគេត្រូវតែសម្របនឹងផលិតផលដែលមានគុណភាពខ្ពស់ដែលអាចជួបនឹងស្តង់ដានាំចេញបាន ។
ក្នុងពេលបច្ចុប្បន្ននេះ ប្រទេសវៀតណាមមានផ្លែឈើប្រមាណ៧០ប្រភេទដែលមានលក់ក្នុងស្រុក ដោយមានពាក់កណ្តាលត្រូវបាននាំចេញទៅកាន់សហរដ្ឋអាមេរិក, អូស្ត្រាលី, អឺរ៉ុប, កូរ៉េខាងត្បូង, ជប៉ុន, មជ្ឈិមបូព៌ា និងឥណ្ឌាជាដើម ។
ព្រោះតែកិច្ចព្រមព្រៀងពាណិជ្ជកម្មសេរីរវាងប្រទេសវៀតណាមនិងប្រទេសដទៃ ចាប់មានប្រសិទ្ធភាព ប្រទេសវៀតណាមត្រូវប្រកួតប្រជែងជាមួយនឹងផ្លែឈើដែលនាំចូលពីប្រទេសដទៃជុំវិញពិភពលោក ។
យោងតាមទិន្នន័យបានឲ្យដឹងថា អតិថិជនវៀតណាមចំណាយប្រមាណ១,២ប៊ីលានដុល្លារលើផ្លែឈើនាំចូល ៕
ចែករំលែកព័តមាននេះ