រាជធានីភ្នំពេញ ៖ បុរសម្នាក់កំពុងតែជិះម៉ូតូមួយគ្រឿង ស្រាប់តែទូរស័ព្ទរោទិ៍បានដកទូរស័ព្ទយកមកនិយាយ ត្រូវបានចោរ២នាក់ ឆក់ទូរស័ព្ទដៃបានសម្រេច សំណាងល្អត្រូវបានសមត្ថកិច្ចប៉ុស្តិ៍នគរបាលទួលសង្កែទី១ ឃាត់ខ្លួនដែលហេតុការណ៍នេះបានកើតឡើង កាលពីវេលាម៉ោង៧និង១៥នាទីយប់ ថ្ងៃទី២៧…
រាជធានីភ្នំពេញ ៖ បុរសម្នាក់កំពុងតែជិះម៉ូតូមួយគ្រឿង ស្រាប់តែទូរស័ព្ទរោទិ៍បានដកទូរស័ព្ទយកមកនិយាយ ត្រូវបានចោរ២នាក់ ឆក់ទូរស័ព្ទដៃបានសម្រេច សំណាងល្អត្រូវបានសមត្ថកិច្ចប៉ុស្តិ៍នគរបាលទួលសង្កែទី១ ឃាត់ខ្លួនដែលហេតុការណ៍នេះបានកើតឡើង កាលពីវេលាម៉ោង៧និង១៥នាទីយប់ ថ្ងៃទី២៧ ខែកញ្ញា ឆ្នាំ២០១៨ តាមបណ្តោយផ្លូវ៥៩៨ នៅចំណុចម្តុំផ្សារទំនប់ ស្ថិតនៅក្នុងសង្កាត់ទួលសង្កែទី១ ខណ្ឌឬស្សីកែវ ។
ជនសង្ស័យទី១-មានឈ្មោះ ចាន់ រក្សា ភេទប្រុស អាយុ៣៣ឆ្នាំ មុខរបរមិនពិតប្រាកដ ស្នាក់នៅភូមិស្ពានខ្ពស់ ខេត្តស្វាយរៀង និងជនសង្ស័យទី២- ឈ្មោះ ហ៊ឹម សុខ ភេទប្រុស អាយុ២៤ឆ្នាំ ភេទប្រុស មានស្រុកកំណើតនៅខេត្តកំពង់ចាម ។
សាក្សីដែលឃើញហេតុការណ៍បានឲ្យដឹងថា មុនពេលកើតហេតុគេបានឃើញជនរងគ្រោះម្នាក់មិនស្គាល់អត្តសញ្ញាណជិះម៉ូតូមួយគ្រឿងម៉ាកសង់កូរ៉េ ពណ៌ឈាមជ្រូក បើកបរតាមបណ្តោយផ្លូវ៥៩៨ ក្នុងទិសដៅពីជើងទៅត្បូង ខណៈពេលបើកមកដល់ចំណុចកើតហេតុខាងលើនេះ ជនរងគ្រោះដកទូរស័ព្ទដៃយកមកនិយាយ ក៏ស្រាប់តែមានបុរស២នាក់ ជាជនសង្ស័យជិះម៉ូតូមួយគ្រឿងម៉ាកហុងដាឌ្រីម ពណ៌ខ្មៅ បើកបរមកស្របទិសដៅ ហើយជិះទៅជិតជនរងគ្រោះក៏បានធ្វើសកម្មភាពឆក់ទូរស័ព្ទដៃរបស់ជនរងគ្រោះម៉ាក iPhone ប៉ុន្តែមិនដឹងថា ម៉ាកiPhone 6 ឬមួយ iPhone X នោះទេ ពីព្រោះភ្លាមៗនោះដែរជនរងគ្រោះគាត់ជិះម៉ូតូដេញតាមជនសង្ស័យ និងស្រែកថា ចោរទៅដល់ក្បែររង្វង់មូលកាំកូស៊ីធីក៏ជនសង្ស័យជិះទៅបុកជញ្ជាំងផ្ទះរបស់ប្រជាពលរដ្ឋ បណ្តាលឲ្យដួលម៉ូតូទាំងសងខាង ភ្លាមៗនោះដែរជនសង្ស័យក៏ត្រូវបានប្រជាពលរដ្ឋស្វាគមន៍មួយដៃមួយជើង បណ្តាលឲ្យរងរបួសធ្ងន់យ៉ាងដំណំម្នាក់ ។
រីឯម្នាក់ទៀតរងរបួសស្រាល ចំណែកឯខាងជនរងគ្រោះម្នាក់ទៀតក៏មានរបួសចំជើងខាងស្តាំ ត្រូវបានដឹកយកទៅព្យាបាលនៅគ្លីនិកពន្លឺ ហើយភ្លាមៗនោះដែរសមត្ថកិច្ចក៏បានដល់អន្តរាគមន៍ឃាត់យកជនសង្ស័យយកទៅប៉ុស្តិ៍ទួលសង្កែទី១ ។
ក្រោយពេលកើតហេតុជនរងគ្រោះបានទៅដាក់ពាក្យបណ្តឹងនៅប៉ុស្តិ៍នគរបាលទួលសង្កែទី១ដើម្បីចាត់ការទៅតាមនីតិវិធី ៕
ចែករំលែកព័តមាននេះ