ប្រទេសគុយវ៉ែត ៖ អគារខ្ពស់កប់ពពកមួយកំពុងសាងសង់របស់ធនាគារជាតិគុយវ៉ែត បានក្លាយជាចំណីភ្លើងឆាបឆេះហុយផ្សែងយ៉ាងសន្ធោសន្ធៅ កាលពីថ្ងៃទី២៧ កញ្ញា ២០១៨ ស្ថិតនៅក្នុងទីក្រុងគុយវ៉ែតស៊ីធី។
ភ្លើងនេះចាប់ផ្តើមឆាបឆេះពីខាងក្រោមទៅ ហើយសាបព្រោះភាពចលាចលបង្ខំឲ្យកម្មករ២៥០០នាក់ដែលធ្វើការក្នុងការដ្ឋាននោះ រត់ចេញពីអគារក្នុងរយៈពេលដ៏ខ្លីបំផុត។
ចំណែកបណ្ដាញសង្គមបានបង្ហោះវីដេអូ និងរូបភាពទាំងឡាយនៃគ្រោះមហន្តរាយនោះ ដោយបង្ហាញពីពពកផ្សែងខ្មៅខ្មួលខ្មាញ់ ហុយចេញពីផ្នែងខាងក្រោមនៃអគារខ្ពស់នេះ ព្រមទាំងមានការជះអណ្ដាតភ្លើងចេញផងដែរ។
ធនាគារគុយវ៉ែត បានប្រកាសពីអគ្គិភ័យនេះ នៅទីតាំងថ្មីនៃធនាគារជាតិ ហើយចេញផ្សាយសេចក្ដីប្រកាសមួយដែលអះអាងថា កម្មករ២៥០០នាក់ត្រូវជម្លៀសចេញពីទីតាំងនោះក្នុងពេលយ៉ាងឆាប់ ហើយពុំមាននិយាយពីអ្នករងរបួសឡើយ។ ភ្លើងចាប់ឆាបឆេះនាវេលាព្រឹក ក្នុងសង្កាត់ហិរញ្ញវត្ថុ ហើយអាចពន្លត់ឈ្នះនាវេលាម៉ោង១៦ម៉ោងក្នុងស្រុក។ ចំណែកអគារដ៏ខ្ពស់នេះ បានកសាងដោយទីភ្នាក់ងារ FOSTER និង PARTNERS ត្រូវមានកម្ពស់ដល់ទៅ៣០០ម៉ែត្រ ខណៈពេលកសាងរួចរាល់៕
ចែករំលែកព័តមាននេះ