ភ្ញាក់ផ្អើលក្រោយប្រទះឃើញបុរសម្នាក់ដេកស្តូកក្នុងវីឡា
- សៀមរាប
ខេត្តសៀមរាប ៖ បុគ្គលិកក្រុមហ៊ុនទេសចរណ៍SK ជាជនជាតិកូរ៉េ ខាងត្បូងម្នាក់ បានដេកស្លាប់ក្នុងបន្ទប់ Penthouse ១ នៅវីឡាវឌ្ឍនៈតារាអង្គរ ដោយសារមានជម្ងឺប្រចាំកាយ…
ខេត្តសៀមរាប ៖ បុគ្គលិកក្រុមហ៊ុនទេសចរណ៍SK ជាជនជាតិកូរ៉េ ខាងត្បូងម្នាក់ បានដេកស្លាប់ក្នុងបន្ទប់ Penthouse ១ នៅវីឡាវឌ្ឍនៈតារាអង្គរ ដោយសារមានជម្ងឺប្រចាំកាយ (ក្រិនថ្លើម) កាលវេលាម៉ោងប្រហែល៤ទៀបភ្លឺ ឈានចូលថ្ងៃទី ២៧ ខែកញ្ញា ឆ្នាំ២០១៨ ស្ថិតនៅភូមិ សាលាកន្សែង សង្កាត់ ស្វាយដង្គំ ក្រុងខេត្តសៀមរាប។
ជនរងគ្រោះដែលស្លាប់ខាងលើឈ្មោះ LEE DONGKEUN ភេទប្រុស អាយុ៣៧ឆ្នាំ ជាជនជាតិកូរ៉េខាងត្បូង កាន់លិខិតឆ្លងដែនលេខM០១៣៤១៩៩៩ មុខរបរបុគ្គលិកក្រុមហ៊ុនទេសចរណ៍SK ស្នាក់នៅទីតាំងខាងលើ។
តាមប្រភពពីសមត្ថកិច្ចនគរបាលជំនាញខេត្តបានប្រាប់ឱ្យដឹងនៅព្រឹកថ្ងៃទី២៨ ខែកញ្ញានេះថា បន្ទាប់ពីទទួលបានព័ត៌មានខាងលើភ្លាម កម្លាំងជំនាញបានចុះទៅដល់កន្លែងកើតហេតុ រួចធ្វើការពិនិត្យទៅលើសព និងធ្វើកោសល្យវិច្ច័យ បានសន្និដ្ឋានថា ជនរងគ្រោះពិតជាស្លាប់ដោយសារជម្ងឺក្រិនថ្លើម មិនមែនជាករណីបទល្មើសឃាតកម្មអ្វីឡើយ។
បច្ចុប្បន្ន សពជនរងគ្រោះខាងលើត្រូវបានសមត្ថកិច្ចយកទៅតម្កល់ទុកនៅក្នុងមន្ទីរពេទ្យបង្អែកខេត្តសៀមរាប ដើម្បីរង់ចាំក្រុមគ្រួសារ និងស្ថានទូតមកទទួលយកទៅធ្វើបុណ្យតាមប្រពៃណី៕
ចែករំលែកព័តមាននេះ