ខេត្តព្រះសីហនុ ៖ បន្ទាប់ពីមានក្រដាសចំនួនពីរសន្លឹក ត្រូវបានស្ថាប័នតុលាការខេត្តព្រះសីហនុ យកមកបិទនៅត្រង់ចំណុចដីទំនាស់ ស្ថិតក្នុងភូមិគគី ឃុំបិតត្រាំង ស្រុកព្រៃនប់ ក្រុមប្រជាពលរដ្ឋជាច្រើនគ្រួសារដែលកំពុងរងការចោទប្រកាន់ (ជាភាគីកូនបំណុល)…
ខេត្តព្រះសីហនុ ៖ បន្ទាប់ពីមានក្រដាសចំនួនពីរសន្លឹក ត្រូវបានស្ថាប័នតុលាការខេត្តព្រះសីហនុ យកមកបិទនៅត្រង់ចំណុចដីទំនាស់ ស្ថិតក្នុងភូមិគគី ឃុំបិតត្រាំង ស្រុកព្រៃនប់ ក្រុមប្រជាពលរដ្ឋជាច្រើនគ្រួសារដែលកំពុងរងការចោទប្រកាន់ (ជាភាគីកូនបំណុល) កំពុងមានប្រតិកម្មយ៉ាងខ្លាំងទៅនឹងកំណត់ហេតុនេះ ។
ដោយសារតែក្នុងខ្លឹមសារនៃកំណត់ហេតុ បានបញ្ជាក់ថា ក្រឡាបញ្ជីដែលចុះអនុវត្តដីការរក្សាការពារដីការសម្រេចចាត់ចែងជាបណ្តោះអាសន្នក្នុងសំណុំរឿងរដ្ឋបវេណីនេះ បានអានខ្លឹមសារអោយពួកគាត់ស្តាប់ ដោយមានការឯកភាពពីពួកគាត់។
ប្រភពពីប្រជាពលរដ្ឋបានអះអាងយ៉ាងដូច្នោះ បន្ទាប់ពីស្ថាប័នតុលាការខេត្តព្រះសីហនុ បានយកកំណត់អនុវត្តដីការសម្រេចចាត់ចែងជាបណ្តោះអាសន្នលេខ៦៦៤ ត.រ/១៤ចុះថ្ងៃទី២២ ខែឧសភា ឆ្នាំ២០១៨ របស់សាលាដំបូងខេត្តព្រះសីហនុ ដែលសមាសភាពចូលរួមមាន លោក កុល ផាលី ស្នងការរងនគរបាលខេត្តព្រះសីហនុ លោក កែវ សុផល មេបញ្ជាការរងកងរាជអាវុធហត្ថខេត្ត និងលោក ងោ ស្រ៊ុនភាគីម្ចាស់បំណុល មកបិទចំណុចដីទំនាស់ផ្ទុយពីការពិត។
ព្រោះក្នុងខ្លឹមសារនៃកំណត់ហេតុបានបញ្ជាក់ថា ក្រឡាបញ្ជីឈ្មោះ ឈុំ សូរីយាបានអានដីការសម្រេចចាត់ចែងជាបណ្តោះអាសន្នលេខ៦៦៤ ត.រ/១៤ចុះថ្ងៃទី២២ ខែឧសភា ឆ្នាំ២០១៨ អោយពួកគាត់ស្តាប់ ដោយមានការឯកភាពពីពួកគាត់ និងសរសេរថា ពួកគាត់បានព្រមព្រៀងផ្តិតមេដៃដែលខ្លឹមសារទាំងនេះវាផ្ទុយពីការពិត ។
ខណៈពេលនោះលោកស្រីក្រឡាបញ្ជីឈ្មោះ ឈុំ សូរីយា ពុំបានអានរដីការសម្រេចចាត់ចែងជាបណ្តោះអាសន្នលេខ៦៦៤ ត.រ/១៤ចុះថ្ងៃទី២២ខែឧសភាឆ្នាំ២០១៨នោះទេ លើសពីនេះ ពួកគាត់ក៏ពុំបានផ្តិតមេដៃនោះដែរ ។
ដូចនេះ តើតុលាការចេញកំណត់ហេតុនេះ មានន័យថា ម៉េច? តើតុលាការមានអ្វីជាភស្តុតាងដែលបញ្ជាក់ថា ពួកគាត់បានផ្តិតមេដៃ? និង លោកស្រី ឈុំ សូរិយា បានអានដីការសម្រេចចាត់ចែងជាបណ្តោះអាសន្នលេខ ៦៦៤ ត.រ/១៤ចុះថ្ងៃទី២២ ខែឧសភា ឆ្នាំ២០១៨ នៅចំពោះមុខពួកគាត់ ដូចនេះ ស្តែងចេញពីសកម្មភាពទាំងនេះ ។
សូមអស់លោក ឯកឧត្តម និងស្ថាប័នពាក់ព័ន្ធជួយពិនិត្យ និងវាយតម្លៃផង ជាពិសេសឯកឧត្តម រដ្ឋមន្ត្រីក្រសួងយុត្តិធម៌ សូមឯកឧត្តមពិនិត្យលើសកម្មភាពរបស់មន្ត្រីថ្នាក់ក្រោមផង តើវាត្រឹមត្រូវទេ នៅក្នុងសំណំរឿងនេះ?
ចែករំលែកព័តមាននេះ