សហរដ្ឋអាមេរិក-កូរ៉េខាងជើង ៖ សហរដ្ឋអាមេរិកកាលពីថ្ងៃទី២៦កញ្ញា បានភ្ជាប់ការចរចាដោយផ្ទាល់ឡើងវិញជាមួយកូរ៉េខាងជើង ដោយរដ្ឋមន្ត្រីការបរទេសលោក MIKE POMPEO នឹងទៅកាន់ក្រុងព្យុងយ៉ាងជាថ្មីនាខែតុលា ក្រោយភាពទ័លច្រកច្រើនសប្ដាហ៍។ លោកPOMPEOបានជួបរួចហើយនៅអ.ស.បជាមួយសមភាគីកូរ៉េខាងជើងលោកRI…
សហរដ្ឋអាមេរិក-កូរ៉េខាងជើង ៖ សហរដ្ឋអាមេរិកកាលពីថ្ងៃទី២៦កញ្ញា បានភ្ជាប់ការចរចាដោយផ្ទាល់ឡើងវិញជាមួយកូរ៉េខាងជើង ដោយរដ្ឋមន្ត្រីការបរទេសលោក MIKE POMPEO នឹងទៅកាន់ក្រុងព្យុងយ៉ាងជាថ្មីនាខែតុលា ក្រោយភាពទ័លច្រកច្រើនសប្ដាហ៍។ លោកPOMPEOបានជួបរួចហើយនៅអ.ស.បជាមួយសមភាគីកូរ៉េខាងជើងលោកRI YONG HO។
ប្រធានាធិបតីអាមេរិកលោកដូណាល់ត្រាំ ប្រកាសនាសប្ដាហ៍នេះ នៅអ.ស.បថា លោកនឹងជួបជាមួយលោកគីមជុងអ៊ុនជាថ្មីនាពេលឆាប់ៗខាងមុខ តែកាលបរិច្ឆេទនិងទីកន្លែងនៅពុំទាន់បញ្ជាក់នៅឡើយ តែលោកPOMPEOថា អាចប្រហែលជាក្រោយខែតុលាបន្តិច។
ចាប់ពីលោកគីមជុង អ៊ុន បញ្ជូនសារលិខិតមួយជូនដល់លោកត្រាំ និងការជួបគ្នាកំពូលអន្តរកូរ៉េលើកទី៣មក គេអាចអះអាងពីការខិតចូលជិតគ្នាគួរឲ្យភ្ញាក់ផ្អើល ក្រោយឆ្នាំ២០១៧ ដែលពោរពេញដោយការគំរាមកំហែងនៃសង្គ្រាមនុយក្លេអ៊ែរ។
អ្នកសង្កេតការណ៍ជាច្រើនយល់ថា លោកគីមជុងអ៊ុនចង់បានទំនាក់ទំនងដោយផ្ទាល់ជាមួយលោកត្រាំ ដោយជឿជាក់ថាអាចទទួលបានសម្បទាននានាពីលោកត្រាំ។ កូរ៉េខាងជើងទាមទារសម្រាប់កាយវិការដំបូងៗឆ្ពោះទៅរកការរំសាយនុយក្លេអ៊ែរ ពិសេសសេចក្ដីប្រកាសមួយដែលបញ្ចប់ជាផ្លូវការសង្គ្រាមកូរ៉េ ដែលតាមពិតគ្រាន់តែបញ្ចប់តាមរយៈការចុះហត្ថលេខាលើយុទ្ធសន្តិភាពមួយប៉ុណ្ណោះ។ចំណែករដ្ឋការអាមេរិកវិញប៉ុនប៉ងឲ្យទទួលបានការធានា លើការរីកចម្រើនគ្រប់គ្រាន់មុនការជួបគ្នាកំពូលថ្មីនាពេលខាងមុខ៕
ចែករំលែកព័តមាននេះ