រាជធានីភ្នំពេញ ៖ ក្នុងនាមជាមេដឹកនាំអាស៊ានមួយរូបសម្តេចតេជោ ហ៊ុន សែន នាយករដ្ឋមន្ត្រីបានសម្តែងការអបអរសាទចំពោះលទ្ធផលជោគជ័យដ៏ប្រវត្តិសាស្ត្រនៃជំនួបកំពូលលើកទី២នៃថ្នាក់ដឹកនាំកូរ៉េខាងជើង និងកូរ៉េខាងត្បូង ។ ការសម្តែងការសារទនេះធ្វើខណៈដែលកិច្ចជំនួបនៃបងប្អូនបង្កើតកូរ៉េខាងជើង និងកូរ៉េខាងត្បូង…
រាជធានីភ្នំពេញ ៖ ក្នុងនាមជាមេដឹកនាំអាស៊ានមួយរូបសម្តេចតេជោ ហ៊ុន សែន នាយករដ្ឋមន្ត្រីបានសម្តែងការអបអរសាទចំពោះលទ្ធផលជោគជ័យដ៏ប្រវត្តិសាស្ត្រនៃជំនួបកំពូលលើកទី២នៃថ្នាក់ដឹកនាំកូរ៉េខាងជើង និងកូរ៉េខាងត្បូង ។
ការសម្តែងការសារទនេះធ្វើខណៈដែលកិច្ចជំនួបនៃបងប្អូនបង្កើតកូរ៉េខាងជើង និងកូរ៉េខាងត្បូង កាលពីពេលថ្មីកន្លងមកនេះបានទទួលផ្លៃផ្កាគួរឲ្យកត់សម្គាល់ ។ ការសាទររបស់ប្រមុខដឹកនាំប្រទេសកម្ពុជានេះដែរ ខណៈដែលជួបជជែកពិភាក្សារវាងនាយករដ្ឋមន្ត្រីកូរ៉េ ក្នុងឱកាសនៃការអញ្ជើញចូលរួមគោរពវិញ្ញាណក្ខន្ធសពលោក ត្រាន់ ដាយក្វាង ប្រធានរដ្ឋវៀត ណាម នារសៀលថ្ងៃទី២៦ ខែកញ្ញា ឆ្នាំ២០១៨ ។
សម្តេចតេជោនាយករដ្ឋមន្ត្រី និងគណៈប្រតិភូជាន់ខ្ពស់រាជរដ្ឋាភិបាលកម្ពុជាបានទទួលជួបពិភាក្សាការងារទ្វេភាគីជាមួយលោក លី ណាក់យ៉ុន (Lee Nak Yeon) នាយករដ្ឋមន្ត្រីនៃសាធារណៈរដ្ឋកូរ៉េ ។ យោងតាមបណ្តាញសង្គមហ្វេសប៊ុករបស់សម្តេចតេជោបានលើកឡើងថា ក្នុងជំនួបពិភាក្សាការងារទ្វេភាគីគ្នានេះ គឺឆ្លើយតបតាមសំណើររបស់លោកប្រធានាធិបតីម៉ូជីអ៊ិន ក្នុងការស្នើសុំឲ្យលោកនាយករដ្ឋមន្ត្រី លី ណាក់យ៉ុន អញ្ជើញជួបសំដែងការគួរសមដោយផ្ទាល់ចំពោះសម្តេចតេជោនាយករដ្ឋមន្ត្រី ដើម្បីបានថ្លែងនូវសារផ្ទាល់មាត់ពីលោក ប្រធានាធិបតី ជូនចំពោះសម្តេចតេជោ និងគណបក្សប្រជាជនកម្ពុជាដែលទទួលបានជ័យជំនះភ្លូកទឹកភ្លូកដីពីការបោះឆ្នោតសកលជ្រើសតាំងតំណាងរាស្ត្រនីតិកាលទី៦ កាលពីថ្ងៃទី២៩ ខែកក្កដា ឆ្នាំ២០១៨កន្លងទៅ ។
ក្នុងជំនួបពិភាក្សាគ្នានោះដែរ លោកនាយករដ្ឋមន្ត្រីកូរ៉េ លី ណាក់យ៉ុន មានប្រសាសន៍សំដែងនូវការស្វាគមន៍យ៉ាងកក់ក្តៅបំផុតជូនចំពោះសម្តេចតេជោដែលត្រូវបានជ្រើសតាំងជានាយករដ្ឋមន្ត្រីនីតិកាលទី៦ នៃរដ្ឋសភា កាលពីថ្ងៃទី០៦ ខែកញ្ញានេះ ។ ក្នុងឱកាសជំនួបពិភាក្សាគ្នានោះដែរ សម្តេចតេជោនាយករដ្ឋមន្ត្រី និងលោកនាយករដ្ឋមន្ត្រីកូរ៉េបានធ្វើការពិភាក្សាគ្នាយ៉ាងយកចិត្តទុកដាក់ទៅលើទំនាក់ទំនង និងកិច្ចសហប្រតិបត្តិការទ្វេភាគីដែលបង្កើតឡើងដោយសម្តេចតេជោនាយករដ្ឋមន្ត្រីមានអាយុកាលជាង២១ឆ្នាំកន្លងមក ក្នុងនោះភាគីទាំងពីរបានវាយតម្លៃខ្ពស់ចំពោះភាពរីកចម្រើននៃទំនាក់ទំនងការទូតរបស់ប្រទេសទាំងពីរដែលមានរយៈពេលជាង២១ឆ្នាំកន្លងមក ។
តាមរយៈជំនួបពិភាក្សាទ្វេភាគីនោះដែរមេដឹកនាំនៃប្រទេសទាំងពីរកម្ពុជាសាធារណរដ្ឋកូរ៉េ បានធ្វើការពិភាក្សាគ្នាយ៉ាងយកចិក្តទុកដាក់បំផុត និងមានការទទួលខុសត្រូវខ្ពស់ជុំវិញការធ្វើឲ្យកាន់តែប្រសើរឡើងនៃទំនាក់ទំនងទ្វេភាគីការពិភាក្សាគ្នាអំពីតំបន់ និងអន្តរជាតិ ។ នៅចំពោះមុខលោកនាយករដ្ឋមន្ត្រីកូរ៉េសម្តេចតេជោនាយករដ្ឋមន្ត្រីបានប្រកាសគាំទ្រ និងអបអរសាទរយ៉ាងកក់ក្តៅបំផុតក្នុងនាមជាមេដឹកនាំអាស៊ានមួយរូបចំពោះលទ្ធផលជោគជ័យជាប្រវត្តិសាស្ត្រនៃជំនួបកំពូលលើកទី២រវាងលោកប្រធានាធិបតីកូរ៉េខាងត្បូង ម៉ូជិនអ៊ិន ជាមួយនិងលោកប្រធានាធិបតីកូរ៉េខាងជើង គីម ជុងអ៊ុន នៅទីក្រុងព្យុងយ៉ាងកូរ៉េខាងជើងដែលនាំ ដល់ភាពធូរស្រាលនៅឧបទ្វីបកូរ៉េក៏ដូចជា តំបន់ និងសម្រាប់ពិភពលោកទាំងមូលផងដែរ ៕
ចែករំលែកព័តមាននេះ