ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងរវាងអ្នកបើកម៉ូតូបើកវ៉ាជែងនៅលើស្ពានក្នុងស្ថាន ភាពងងឹត ជ្រុលទៅបុកពីក្រោយគោយន្តកន្ត្រៃ បណ្តាលអោយរងរបួសធ្ងន់ ស្រាលពីនាក់ នៅនិងកន្លែងកើតហេតុ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦និង២៦នាទីយប់ថ្ងៃទី២៦ ខែកញ្ញា…
ខេត្តកណ្តាល ៖ គ្រោះថ្នាក់ចរាចរណ៍មួយបានកើតឡើងរវាងអ្នកបើកម៉ូតូបើកវ៉ាជែងនៅលើស្ពានក្នុងស្ថាន
ភាពងងឹត ជ្រុលទៅបុកពីក្រោយគោយន្តកន្ត្រៃ បណ្តាលអោយរងរបួសធ្ងន់ ស្រាលពីនាក់ នៅនិងកន្លែងកើតហេតុ។ ហេតុការណ៍គ្រោះថ្នាក់ចរាចរណ៍នេះបានកើតឡើងកាលពីវេលាម៉ោង៦និង២៦នាទីយប់ថ្ងៃទី២៦ ខែកញ្ញា ឆ្នាំ ២០១៨ នៅលើស្ពានមិត្តភាពកម្ពុជា-ចិន (ស្ពានព្រែកក្តាម) ស្រុកពញ្ញាឮ ខេត្តកណ្តាល។
ជនរងគ្រោះទាំង២នាក់ខាងលើ ម្នាក់ឈ្មោះ ឆែម ទិត ភេទប្រុស អាយុ៣៥ឆ្នាំ ជាអ្នកបើកបរម៉ូតូ មានទីលំនៅភូមិចំការ ឃុំស្វាយ ស្រុកសាមគ្គីមានជ័យ ខេត្តកំពង់ឆ្នាំង ចំណែកអ្នករួមដំណើរមានឈ្មោះ ផាន រ៉ា ភេទស្រី អាយុ៣២ឆ្នាំ មានទីលំនៅភូមិសំបូរ ឃុំសំបូរ ស្រុកបាធាយ ខេត្តកំពង់ចាម ។
សាក្សីបានប្រាប់អោយដឹងថា នៅវេលាហេតុខាងលើមាន គេឃើញម៉ូតូមួយគ្រឿងជិះគ្នា២នាក់ ដោយបុរសម្នាក់ជាអ្នកបើកបរម៉ូតូម៉ាកហុងដាឌ្រីម ធុនC125 ពណ៌ខ្មៅ ពាក់ស្លាកលេខ បាត់ដំបង ១W-៨៩២៦ បើកបរលើស្ពានក្នុងទិសដៅពីលិចទៅកើត លុះមកដល់កន្លែងកើតខាងលើបានវ៉ាជែងក្នុងល្បឿនលឿនគេចមិនផុតក៏បុកពីក្រោយគោយន្តដែលបើកបរស្របទិសគ្នាចំផ្នែកខាងឆ្វេង បណ្តាលអោយដួលអូសមកបុកនឹងខឿនស្ពាន(សម្រាប់អ្នកថ្មើរជើង) រងរបួសធ្ងន់ទាំង២នាក់តែម្តង។
ក្រោយពេលកើតហេតុ កម្លាំងជំនាញបានចុះដល់កន្លែងកើតហេតុ និងធ្វើការវាស់វែងកន្លែងកើតហេតុ រួចនាំយកមធ្យោបាយពាក់ព័ន្ធមករក្សាទុកជាបណ្តោះអាសន្ននៅអធិការដ្ឋាននគរបាល ដើម្បីចាត់ការតាមនីតិវិធីនៃច្បាប់។ ករណីនេះបណ្តាលមកពីអ្នកបើកបរម៉ូតូមានល្បឿនលឿនវ៉ាជែងលើស្ពានខ្វះការប្រុងប្រយ័ត្ន៕ 
ចែករំលែកព័តមាននេះ