រាជធានីភ្នំពេញ ៖ សេចក្តីរាយការណ៍ឱ្យដឹងថា លោកឧកញ៉ា ឡុង ហួរ ជាថៅកែក្រុមហ៊ុនប្រេង LHR ក្រោយប្រើអំណាចយកដងអំបោសវាយក្បាលសន្តិសុខឯកជនម្នាក់របួសដេរអស់៥ថ្នេរនោះ ត្រូវឧកញ៉ានៅមិនសុខ បានព្យាយាមសម្របសម្រួលជាមួយបុរសរងគ្រោះ ដោយបានអង្វរ.ក សុំខាងជនរងគ្រោះដកពាក្យបណ្ដឹង និងព្រមសងថ្លៃរបួសទៀតផង ។
ថ្វីដ្បិតតែខាងជនរងគ្រោះយល់ព្រមទទួលយកសំណងនូវប្រាក់បន្តិចបន្តួចខាងលើ និងព្រមដកពាក្យបណ្ដឹងវិញក្ដី ប៉ុន្តែបើតាមច្បាប់មិនអាចបញ្ចប់ត្រឹមនេះបានឡើយ គឺនៅជាប់បណ្ដឹងអាជ្ញានៅឡើយ ហើយនគរបាល បានបញ្ជូនសំណុំរឿងមួយនេះទៅកាន់សាលាដំបូងរាជធានីភ្នំពេញ ដើម្បីចាត់ការបន្ត។
ប្រភពបន្តថា ក្រោយជនរងគ្រោះបានដាក់ពាក្យប្ដឹងអន្តរាគមន៍ ហើយរហូតមកដល់ថ្ងៃទី២៦ កញ្ញា លោកឧកញ៉ាបានធ្វើការសម្របសម្រួលជាមួយជនរងគ្រោះ ដើម្បីសុំឲ្យជនរងគ្រោះដកពាក្យបណ្ដឹងចេញវិញឈប់ប្ដឹងប្តល់ជាថ្នូរនិងប្រាក់ចំនួន៧០០ដុល្លារ ដោយនឹកស្មានថា ចប់រឿងត្រឹមនោះ ។ ចំណែកជនរងគ្រោះក៏យល់ព្រមទទួលយក និងដកពាក្យបណ្ដឹងរួចហើយដែរ ហើយនេះគឺជាសិទ្ធិរបស់គាត់។
ប៉ុន្តែតាមច្បាប់មិនអាចបញ្ចប់រឿង ត្រឹមការសម្រួលគ្នាក្រៅប្រព័ន្ធច្បាប់បែបនេះឡើយ ថ្វីដ្បិតតែជនរងគ្រោះព្រមទទួលយកសំណង និងដកបណ្ដឹងមែន តែឧកញ៉ា ឡុង ហួរ នៅមិនទាន់រួចខ្លួននៅឡើយទេ គឺនៅជាប់បណ្ដឹងអាជ្ញាមួយទៀត ហើយនគរបាលបានកសាងសំណុំរឿងបញ្ជូនទៅសាលាដំបូងចាត់ការតាមច្បាប់ហើយ ។
គួររំលឹកថា ៖ ពិតឬលោកឧកញ៉ា ឡុង ហ៊ួរ? ខឹងយាមដេកវាយក្បាល៣ដងអំបោស
ចែករំលែកព័តមាននេះ