ក្រុមហ៊ុនបច្ចេកវិទ្យាចិន Huawei បានអនុវត្តយុទ្ធសាស្ត្រទីផ្សារដ៏ច្នៃប្រឌិតមួយកាលពីសប្តាហ៍មុន ដោយបានចែក Power Bank មិនគិតថ្លៃដល់អតិថិជនដែលបានរង់ចាំដាច់យប់សម្រាប់ការចេញលក់ iPhone XS និង…
ក្រុមហ៊ុនបច្ចេកវិទ្យាចិន Huawei បានអនុវត្តយុទ្ធសាស្ត្រទីផ្សារដ៏ច្នៃប្រឌិតមួយកាលពីសប្តាហ៍មុន ដោយបានចែក Power Bank មិនគិតថ្លៃដល់អតិថិជនដែលបានរង់ចាំដាច់យប់សម្រាប់ការចេញលក់ iPhone XS និង XS Max ដំបូងនៅហាង Apple Store មួយក្នុងប្រទេសសិង្ហបុរី ។
បុគ្គលិកពាក់ឯកសណ្ឋាន Huawei ត្រូវបានប្រទះឃើញដើរតាមជួរមនុស្សរង់ចាំដ៏វែងនៅក្រៅហាង Apple Store កាលពីថ្ងៃទី២០ ខែកញ្ញាកន្លងមក និងចែកផលិតផលដោយមិនគិតថ្លៃដល់អ្នកកំពុងរង់ចាំទាំងនោះ ។
យោងតាមគេហទំព័រ Mothership.sg បានឲ្យដឹងថា បុគ្គលិក Huawei បានដើរចែក Power Bank ដែលមានកម្លាំងថាមពល 10.000 mAh ប្រមាណ២០០គ្រឿង ដែលមានតម្លៃលក់រាយប្រមាណ៦០ដុល្លារក្នុង១គ្រឿង។
លើសពីនេះទៀត ពួកគេក៏បានដើរចែកទឹកផ្លែឈើមិនគិតថ្លៃនៅកម្មវិធីលក់ iPhone ថ្មីនៅឯទីក្រុងឡុងដ៍ទៀតផង ។ បុគ្គលិក Huawei បានចតរថយន្តរបស់ពួកគេ និងផ្តល់ជាកន្លែងបញ្ចូលថ្មទូរស័ព្ទ និងទឹកផ្លែឈើកំប៉ុងដល់អ្នកកំពុងរងចាំជាដើម ។
យោងតាមការស្រាវជ្រាវជាច្រើនបានឲ្យដឹងថា កាលពីខែកក្កដាកន្លងមក ក្រុមហ៊ុន Huawei បានយកឈ្នះ Apple ក្នុងការក្លាយជាក្រុមហ៊ុនស្មាតហ្វូនដែលគ្រប់គ្រងទីផ្សារស្មាតហ្វូនបានច្រើនជាងគេលេខពីរ បន្ទាប់ពី Samsung ៕
ចែករំលែកព័តមាននេះ