កងទ័ពត្រូវប្រកាន់យកទស្សនៈវិស័យទាំង៥នេះ
- បាត់ដំបង
ខេត្តបាត់ដំបង ៖ កងទ័ពត្រូវប្រកាន់យកទស្សនៈវិស័យទាំង៥ នៅក្នុងខ្លួនដែលកំពុងមានសព្វថ្ងៃនេះ ក្នុងរយៈពេល៣ថ្ងៃ គឺថ្ងៃទី២៥ ដល់២៧ ខែកញ្ញា ឆ្នាំ២០១៨ ថ្លែងក្នុងពិធីសំណេះ…
ខេត្តបាត់ដំបង ៖ កងទ័ពត្រូវប្រកាន់យកទស្សនៈវិស័យទាំង៥ នៅក្នុងខ្លួនដែលកំពុងមានសព្វថ្ងៃនេះ ក្នុងរយៈពេល៣ថ្ងៃ គឺថ្ងៃទី២៥ ដល់២៧ ខែកញ្ញា ឆ្នាំ២០១៨ ថ្លែងក្នុងពិធីសំណេះ សំណាលរវាងប្រតិភូការិយាល័យការពារព្រំដែន កងទ័ពជើងគោកដល់នាយទាហាន នាយទាហានរង គ្រប់កងការពារព្រំដែនទិសយោធភូមិភាគទី៥ ក្នុងឱកាសមុនបុណ្យភ្ជុំបិណ្ឌនេះ ដែលមានដល់កងការពារព្រំដែនលេខ៥០១ ក្នុងឃុំថ្មដា ស្រុកវាលវែង ខេត្តពោធិសាត់, លេខ៥០២ ក្នុងឃុំស៊ុង ស្រុកសំឡូត ខេត្តបាត់ដំបង , លេខ៥០៤ ក្នុងស្រុកសាលាក្រៅ ខេត្តប៉ៃលិន និងលេខ៥០៣ ក្នុងស្រុកស្វាយចេក ខេត្តបន្ទាយមានជ័យ ។
ក្រោមការដឹកនាំរបស់លោកឧត្តមសេនីយ៍ទោ ទាន សោភ័ណវង្ស នាយការិយាល័យការពារព្រំដែនកងទ័ពជើងគោកអមដំណើរដោយលោកឧត្តមសេនីយ៍ទោ អេង ហុង មេបញ្ជាការងយោធភូមិភាគទី៥ , លោកឧត្តមសេនីយ៍ត្រី ហែម ថ្លៃថ្លា នាយរងការិយាល័យព្រំដែនកងទ័ពជើងគោក ប្រចាំទិសយោធភូមិភាគទី៥ លោកឧត្តមសេនីយ៍ត្រី អាន សារ៉ាយ នាយការិយាល័យព្រំដែនយោធភូមិភាគទី៥ ព្រមទាំងមន្ត្រីព្រំដែនជាច្រើនទៀតបានមកចូលរួម ។
លោកវរសេនីយ៍ឯក ច័ន្ទ ប៊ុនឌី មេបញ្ជាការកងការពារព្រំដែនលេខ៥០១ បានអានរបាយការណ៍អំពីសភាពការណ៍ទូទៅ និងលក្ខណៈភូមិសាស្ត្រនៅតំបន់នេះជាតំបន់ព្រៃភ្នំដែលទើបតែមានភាពងាយស្រួលក្នុងការធ្វើដំណើរតាមផ្លូវថ្មី លេខ៥៥ ចេញពីខេត្តពោធិ៍សាត់ទៅមានចម្ងាយ១៨១គីឡូម៉ែត្រទៅដល់ព្រំដែនដែលមានព្រំប្រទល់ជាមួយខេត្តត្រាតប្រទេសថៃ និងជាប់ជាមួយខេត្តកោះកុងប៉ែកមាត់សមុទ្រនៃប្រទេសកម្ពុជាដែលរាជរដ្ឋាភិបាលបានកសាងផ្លូវផ្សារភ្ជាប់វិស័យសេដ្ឋកិច្ចពីតំបន់មួយទៅតំបន់មួយសម្រួលដល់ការផ្លាស់ប្តូរកសិផលពីគ្នាទៅវិញទៅមករបស់កសិករទាំងក្នុងស្រុក និងជាមួយប្រទេសេជិតខាងផងដែរ ហើយចំពោះអង្គភាព ដែលបានឈរជើងនៅទីនេះ ទើបតែមានភាពងាយស្រួលនៅពេលថ្មីៗនេះដែរ ក្នុងការកសាងអង្គភាព បន្ទាប់ពីបានរក្សាការពារសន្តិសុខសណ្តាប់ធ្នាប់តាមព្រំដែនរួចមក ។
បន្ទាប់មកលោកឧត្តមសេនីយ៍ទោ អេង ហុង បានថ្លែងថា សូមគ្រប់កងកម្លាំងតាមព្រំដែនពង្រឹងជំហរការងារក្នុងជួរកងទ័ពបន្ថែមទៀត ក្នុងអាណត្តិទី៦នេះឲ្យកាន់តែមានគុណភាពបន្ថែមទៀត សំខាន់កិច្ចសហប្រតិបត្តការរួមគ្នាទាំងក្នុងមូលដ្ឋាន និងប្រទេសជិតខាង ដើម្បីរួមគ្នារក្សាសុខសន្តិសុខក្នុងប្រទេសយើងមានសុខសន្តិភាព ហើយរួមគ្នាកាត់បន្ថយរាល់បញ្ហាដែលកើតមានឡើងពីនៅច្រើនឲ្យមកនៅមានតិច ហើយពីមានតិចឲ្យរលាយបាត់អស់កុំនាំគ្នាទុកបញ្ហាដល់រាជរដ្ឋភិបាលដោះស្រាយជំនួនយើងគ្រប់ទីកន្លែងទាំងអស់ ។
លោកឧត្តមសេនីយ៍ទោ ទាន សោភ័ណវង្ស បានបញ្ជាក់អំពីការពង្រឹងកសាងការពារ គ្រប់តាមខ្សែក្រវ៉ាត់ព្រំដែន ដោយមានគណកម្មការរួមគ្នាជាមួយប្រទេសជិតខាងបានរៀបចំខ្សែបន្ទាត់សម្រេចបានរួចរាល់ស្ទើរតែទាំងស្រុង ដោយនៅសេសសល់ជាមួយប្រទេសវៀតណាមប្រមាណ១០% , ប្រទេសឡាវប្រមាណ២០% និងប្រទេសថៃមានប្រវែងជាង៨០០គីឡូម៉ែត្រផ្នែកដីគោក និងជាង២០០គីឡូម៉ែត្រផ្នែកទឹកដែលបានរៀបចំបង្គោលបានប្រមាណ៧០បង្គោលឡាក់ ហើយនៅសល់បន្តិចបន្តួចទៀត យើងកំពុងតែរួមសហការបន្តធ្វើជាមួយគ្នាបន្តទៅទៀត ។
លោកឧត្តមសេនីយ៍ទោបានបន្តទៀតថា បញ្ហាព្រំដែន គឺជារឿងប្រវត្តិសាស្ត្រដែលបានបន្សល់ទុកកិច្ចការ ការពារទាំងអស់នេះបន្តមកឲ្យយើងរក្សាកុំឲ្យបាត់បង់ដោយយើងកំពុងរក្សាការពារទាំងមោទនៈភាពខ្លោចផ្សា ក្នុងការបាត់បង់ទាំងសោកស្តាយដែលប្រប្រវត្តិសាស្ត្របន្សល់ទុកមក ហើយសូមបន្តរួមធ្វើកិច្ចសហការ រៀបចំសណ្តាប់ធ្នាប់ទប់ស្កាត់រាល់បទល្មើស ដែលកើតមានតាមព្រំដែនជំរុញលើកស្ទួយវិស័យសេដ្ឋកិច្ចសំខាន់រួមកិច្ចសហប្រតិបត្តការល្អរួមគ្នាជាមួយប្រទេសជិតខាងឲ្យបានល្អបន្ថែមទៀត ។ លោកបានផ្តាំផ្ញើ និងកោតសរសើរបន្ថែមអំពីវិស័យការកសាងអង្គភាពរឹងមាំមានការរីកចម្រើនលើគ្រប់វិស័យដែលយោធភូមិភាគទី៥ បានដាក់ចេញកន្លងមក គឺលទ្ធផលល្អដែលជាគម្រូគេក្នុងប្រទេសកម្ពុជា និងពង្រឹងទំនាក់ទំនងល្អ រួមសហការជាមួយគ្រប់មជ្ឈដ្ឋានបន្តការកសាងអំពើល្អជាមួយគ្រប់សកម្មភាពរួមចំណែកជួយជំរុញការអភិវឌ្ឍតាមខ្សែបន្ទាត់ព្រំដែន ហើយការពារឲ្យបានដាច់ខាតរាល់សកម្មភាពណាដែលបណ្តាលឲ្យកើតមានសកម្មភាពបដិវត្តន៍ពណ៌កើតឡើងបានឡើយ ។
លោកឧត្តមសេនីយ៍ទោ បានផ្តាំផ្ញើរក្សាអនុវត្តន៍ឲ្យបានក្នុងចំណោមទស្សនៈវិស័យ (ស៥) ដែលមាន ១-ផ្នែកសុខភាពឲ្យបានល្អ ២-ផ្នែកសាមគ្គីភាពឲ្យបានរឹងមាំគ្រប់សកម្មភាពទាំងអស់ ៣-ផ្នែកសមត្ថភាពត្រូវបង្កើនការយល់ដឹងបន្ថែមគ្រប់ជំនាញ ដែលមាននៅក្នុងអង្គភាព ដើម្បីក្រេបយកចំណេះដឹងមកដាក់ក្នុងខ្លួនបន្ថែមទៀត ៤- ផ្នែកសកម្មភាពក្នុងកិច្ចការប្រចាំថ្ងៃមានវិន័យសណ្តាប់ធ្នាប់សំលៀកបំពាក់សមរម្យ និង៥- ផ្នែកសីលធម៌ត្រូវមានជាទូទៅ ជាមួយអង្គភាពសំខាន់ពលរដ្ឋដែលកំពុងរស់នៅជុំវិញខ្លួនយើងសព្វថ្ងៃនេះ ដោយរួមចំណែកក្នុងការអភិវឌ្ឍដោយផ្ទាល់ជាមួយសង្គមជាតិ ។
ចុងក្រោយអំណោយសម្រាប់ចែកគ្រប់ទាំង៤កងអង្គភាពព្រំដែនមាន៖ មី១២០កេស , ទឹកក្រូច ទឹកផ្លែឈើ១២០កេស , នំធុង១២០ធុង, ដោយក្នុងមួយកងព្រំដែនទទួលបានមី៣០កេស , ទឹកផ្លែឈើ ទឹកក្រូច៣០កេស, នំធុង៣០ធុង ,សម្រាប់បុណ្យភ្ជុំបិណ្ឌខាងមុខនេះ ៕
ចែករំលែកព័តមាននេះ