អ្នកវិភាគបានអះអាងថា ស្គ្រីនដែលអាចបត់បែនបាន រួមជាមួយនឹងបណ្តាញអុីនធើរណែត 5G ការមេរ៉ាច្រើន និងបច្ចេកវិទ្យា Smart Biometrics ជាចំណុចដែលក្រុមហ៊ុនផលិតកំពុងសង្ឃឹមថា អាចនឹងជំរុញដល់អតិថិជនឲ្យប្តូរស្មាតហ្វូនក្នុងរយៈពេល១០ឆ្នាំខាងមុខ ។ ការលក់ស្មាតហ្វូនមើលឃើញមានការអន់ថយក្នុងទីផ្សារអភិវឌ្ឍន៍ដែលប៉ះពាល់ដល់ឱកាសក្នុងការអភិវឌ្ឍ ។
អ្នកស្រី Stephanie Lawrence អ្នកវិភាគនៅស្ថាប័ន ABI Research បានឲ្យដឹងថា ៖« ទីផ្សារស្មាតហ្វូនមើលឃើញមានការអភិវឌ្ឍបច្ចេកវិទ្យាជាច្រើនក្នុងរយៈពេលប៉ុន្មានឆ្នាំមកនេះ ហើយវានឹងបន្តកើតមានឡើងទៀត»។
អ្នកស្រីបានបន្តថា ៖« ដើម្បីឲ្យអ្នកលក់អាចផ្តល់ស្មាតហ្វូនដែលលេចធ្លោបាន ខណៈដែលបង្កើតភាពខុសប្លែកនោះ ពួកគេត្រូវតែបន្តអភិវឌ្ឍន៍ និងផ្តល់ចំណុចថ្មីៗដែលផ្គត់ផ្គង់ដល់អតិថិជននូវវិធីថ្មីក្នុងការប្រើទូរស័ព្ទរបស់ពួកគេ »។
បណ្តាញអុីនធើរណែតគឺជាការវិវត្ដដ៏ច្បាស់លាស់មួយ ។ បណ្តាញនេះនឹងចាប់អាចប្រើប្រាស់បាននៅចុងឆ្នាំ២០១៨ ដែលអាចផ្តល់អុីនធើរណែតក្នុងល្បឿនលឿន ។ ស្មាតហ្វូនដែលអាចប្រើបណ្តាញនេះបានអាចនឹងចេញលក់ក្នុងឆ្នាំ ២០១៩ ហើយ ABI ព្យាករណ៍ថា នៅឆ្នាំ ២០២៧ នឹងមានស្មាតហ្វូនដែលអាចប្រើ 5G បានដល់ទៅ១,៤ប៊ីលានគ្រឿង ។
ជាមួយគ្នានេះផងដែរ ទូរស័ព្ទដែលមានបច្ចេកវិទ្យាស្កេនខ្ចៅដៃលើអេក្រង់ នឹងមានដល់ទៅ៥៥៣លានគ្រឿង ខណៈដែលស្មាតហ្វូននាំមុខនឹងបន្ថែមកាមេរ៉ាកាន់តែច្រើនដើម្បីបង្កើនគុណភាពរូបថត ។
ជាមួយគ្នានេះផងដែរ ស្គ្រីនដែលអាចបត់បែនបានអាចប្តូររូបរាងស្មាតហ្វូនថែមទៀត។ មានព័ត៌មានលេចឡើងថា Samsung Galaxy X និងទូរស័ព្ទ RAZR នឹងមានអេក្រង់ដែលអាចបត់បែនបាន ហើយក្នុងឆ្នាំ២០២៧ នឹងមានស្មាតហ្វូនដូច្នេះដល់ទៅ២៤៨លានគ្រឿងផងដែរ ៕
ចែករំលែកព័តមាននេះ