សកម្មភាពរបស់យោធភូមិភាគទី៥ លេចធ្លោជាងគេនៅកម្ពុជា
- បាត់ដំបង
ខេត្តបាត់ដំបង ៖ ប្រតិភូការិយាល័យការពារព្រំដែន កងទ័ពជើងគោក៩នាក់ ដឹកនាំដោយលោកឧត្តមសេនីយ៍ទោ ទៀន សោភ័ណវង្ស នាយសេនាធិការរង នាយការិយាល័យការពារព្រដែន កងទ័ពជើងគោក…
ខេត្តបាត់ដំបង ៖ ប្រតិភូការិយាល័យការពារព្រំដែន កងទ័ពជើងគោក៩នាក់ ដឹកនាំដោយលោកឧត្តមសេនីយ៍ទោ ទៀន សោភ័ណវង្ស នាយសេនាធិការរង នាយការិយាល័យការពារព្រដែន កងទ័ពជើងគោក បានចូលជួបសំណេះសំណាលជាមួយលោកឧត្តមសេនីយ៍ទោ ឯក សំអូន មេបញ្ជាការរង នាយសេនាធិការយោធភូមិភាគទី៥ ក្នុងសាលប្រជុំ ទីបញ្ជាការដ្ឋានយោធភូមិភាគ វេលាម៉ោង៨ព្រឹក ថ្ងៃទី២៦ ខែកញ្ញា ឆ្នាំ២០១៨។
លោកឧត្តមសេនីយទោ ឯក សំអូន បានមានមតិស្វាគមន៍ និងបញ្ជាក់អំពីលទ្ធផល ស្តីអំពីការប្រជុំគណៈកម្មធិការព្រំដែនថ្នាក់ភូមិភាគជាមួយភាគីថៃកងទ័ពភូមិភាគទី១ បានចំនួន២៦លើក កន្លងមក យើងតែងតែយកបទពិសោធន៍ ទទួលបានលទ្ធផលល្អ មកអនុវត្តន៍ ដើម្បីបន្តសកម្មភាព ទប់ស្កាត់រាល់បញ្ហា បង្កើនការរីកចម្រើនជាប្រយោជន៍ដល់សង្គមជាតិ និងប្រជាជនទាំងសងខាងទទួលបានដូចៗគ្នា។
លោកឧត្តមសេនីយ៍ត្រី អាន សារ៉ាយ នាយការិយាល័យយោធភូមិភាគទី៥ បានអានរបាយការណ៍លទ្ធផល ក្នុងឆ្នាំ២០១៨ ដោយផ្តោតបន្តលើការអត់ធ្មត់ ការទំនាក់ទំនងល្អជារួមជាមួយគ្នាគ្រប់ទីកន្លែង ត្រូវប្រើប្រាស់គ្រប់ យន្តការ ដែលភាគីទាំងពីរបានឯកភាពរួមគ្នា ក្នុងការដោះស្រាយបញ្ហា និងបើមានទំនាស់បញ្ហានៅកន្លែងណា ត្រូវដោះស្រាយនៅកន្លែងនោះចៀសវាងទំនាស់មានការរីករាលដាលទៅកន្លែផ្សេងទៀត។
ចុងក្រោយលោកឧត្តមសេនីយ៍ទោ ទៀន សោភ័ណវង្ស បានឯកភាពទៅលើរបាយការណ៍ និងសុំកោតសរសើរ ចំពោះជំហររបស់កងទ័ពកម្ពុជាដែលឈរជើងតាមព្រំដែន រក្សាបានសន្តិសុខ ចៀសវាងបានទប់ស្កាត់គ្រប់បាតុភាព មិនល្អបាន ក៏ព្រោះតែមានថ្នាក់ដឹកនាំល្អ សំខាន់លើការចិញ្ចឹមទ័ព ការប្រឡងប្រណាំង ដែលរាល់សកម្មភាព ទាំងអស់នេះ បានឆ្លុះបញ្ចាំងពីសកម្មភាពរបស់យោធភូមិភាគទី៥ លេចធ្លោជាងគេក្នុងព្រះរាជាណាចក្រកម្ពុជា។ ហើយក៏សុំបន្តសកម្មភាពល្អបន្តទៅទៀត ដែលសំខាន់ជួយចែករំលែកបទពិសោធន៍ល្អៗដល់កន្លែងផ្សេងៗទៀត ឲ្យអនុវត្តន៍តាមទទួលបានលទ្ធផលល្អដូចៗគ្នាទៅពេលអនាគត៕
ចែករំលែកព័តមាននេះ