ប្រទេសរុស្សុី ៖ មេដឹកនាំប្រឆាំងរុស្សុីសំខាន់មួយរូប លោកអាឡិចសីណាវ៉ាល់នីត្រូវចាប់ខ្លួនទៀតនាថ្ងៃទី២៤កញ្ញាពេលចេញពីពន្ធនាគារ ហើយត្រូវទទួលការកាត់ទោសថ្មីឲ្យជាប់គុក២០ថ្ងៃទៀត ពីបទអំពាវនាវឲ្យធ្វើបាតុកម្មប្រឆាំងការកែទម្រង់ការចូលនិវត្តន៍។ ខណៈដែលលោកណាវ៉ាល់នីរងការវិនិច្ឆ័យទោសដោយតុលាការក្រុងមូស្គូមួយ អ្នកនាំពាក្យរបស់លោក លោកស្រីKIRA LARMYCH…
ប្រទេសរុស្សុី ៖ មេដឹកនាំប្រឆាំងរុស្សុីសំខាន់មួយរូប លោកអាឡិចសីណាវ៉ាល់នីត្រូវចាប់ខ្លួនទៀតនាថ្ងៃទី២៤កញ្ញាពេលចេញពីពន្ធនាគារ ហើយត្រូវទទួលការកាត់ទោសថ្មីឲ្យជាប់គុក២០ថ្ងៃទៀត ពីបទអំពាវនាវឲ្យធ្វើបាតុកម្មប្រឆាំងការកែទម្រង់ការចូលនិវត្តន៍។
ខណៈដែលលោកណាវ៉ាល់នីរងការវិនិច្ឆ័យទោសដោយតុលាការក្រុងមូស្គូមួយ អ្នកនាំពាក្យរបស់លោក លោកស្រីKIRA LARMYCH តាមTWITTER សរសេរថា លោកណាវ៉ាល់នីជាប់ពន្ធនាគារ២០ថ្ងៃទៀត។
មេដឹកនាំប្រឆាំងរូបនេះទទួលសេរីភាពបានតែប៉ុន្មានវិនាទីប៉ុណ្ណោះ ក្រោយចេញពីមណ្ឌលឃុំឃាំងនាព្រឹកព្រលឹម បន្ទាប់ពីជាប់នៅទីនោះ៣០ថ្ងៃព្រោះតែបាតុកម្មពុំមានការអនុញ្ញាតមួយកាលពីខែមករា ដោយនាឱកាសនៃបាតុកម្មនេះលោកអំពាវនាវឲ្យធ្វើពហិការការបោះឆ្នោតប្រធានាធិបតីថ្ងៃទី១៨មីនា។ជនប្រឆាំងអាយុ៤២ឆ្នាំរូបនោះដែលជាប់ពន្ធគារ១៧២ថ្ងៃរយៈពេលប៉ុន្មានឆ្នាំចុងក្រោយនេះ ត្រូវនាំខ្លួនមកកាន់ស្នងការដ្ឋានប៉ូលិសមួយ ហើយបន្ទាប់ពីឃុំខ្លួន៨ម៉ោង ត្រូវបាននាំមកកាន់តុលាការ។លោកទទួលការចោទប្រកាន់ពីបទអំពាវនាវឲ្យធ្វើបាតុកម្មមួយនាំឲ្យប៉ះពាល់ដល់សុុខភាពមនុស្ស ដែលចង់និយាយសំដៅលើប៉ូលិស។
លោកណាវ៉ាល់នីបានអំពាវនាវដល់ពលរដ្ឋរុស្សុីឲ្យលើកគ្នាធ្វើបាតុកម្ម នាថ្ងៃទី៩កញ្ញាប្រឆាំងគម្រោងនៃការកែទម្រង់ការចូលនិវត្តន៍ដ៏សំខាន់របស់រដ្ឋាភិបាល ៕
ចែករំលែកព័តមាននេះ