រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីនឹងដឹកនាំគណៈប្រតិភូចូលរួមកិច្ចប្រជុំសមហាសន្និបាតលើកទី៧៣ នៅទីក្រុងញូយ៉ក សហរដ្ឋអាមេរិក ។ សម្តេចតេជោបានបញ្ជាក់ថា «ថ្ងៃទី២៧…
រាជធានីភ្នំពេញ ៖ សម្តេចតេជោ ហ៊ុនសែន នាយករដ្ឋមន្ត្រីនឹងដឹកនាំគណៈប្រតិភូចូលរួមកិច្ចប្រជុំសមហាសន្និបាតលើកទី៧៣ នៅទីក្រុងញូយ៉ក សហរដ្ឋអាមេរិក ។
សម្តេចតេជោបានបញ្ជាក់ថា «ថ្ងៃទី២៧ កញ្ញា ខាងមុខនេះខ្ញុំនឹងដឹកនាំគណៈប្រតិភូជាន់ខ្ពស់កម្ពុជាទៅចូលរួមកិច្ចប្រជុំទូទៅលើកទី៧៣ នៃមហាសន្និបាតអង្គការសហប្រជាជាតិ (UN) ដែលកម្ពុជាមានតួនាទីដ៏សំខាន់ ជាអនុប្រធាននៃមហាសន្និបាត (Vice President of the 73rd Session of the UN General Assembly 2018-2019) នៅទីក្រុងញ៉ូវយ៉ក សហរដ្ឋអាមេរិក (New York, USA) ។
សម្តេចក៏បានបន្ថែមថា ក្នុងពេលស្នាក់នៅទីនោះសម្តេចនឹងឆ្លៀតពេលជួបសំណេះសំណាលសួរសុខទុក្ខបងប្អូនប្រជាពលរដ្ឋខ្មែរ – អាមេរិកាំងដែលកំពុងរស់នៅក្នុងសហរដ្ឋអាមេរិកផងដែរ ។ សម្តេចតេជោបានបញាក់ទៀតថា «ទោះបីរស់នៅទីណាក៏ដោយ គឺបងប្អូនជាមហាគ្រួសារខ្មែរតែមួយរបស់កម្ពុជា ។ ខ្ញុំសូមផ្តាំផ្ញើសួរសុខទុក្ខបងប្អូនខ្មែរ – អាមេរិកាំងនៅគ្រប់រដ្ឋទាំងអស់ និងសូមអរគុណក្មួយៗ និងបងប្អូនដែលកំពុងត្រៀមខ្លួនមកទទួលស្វាគមន៍ខ្ញុំនៅពេលដ៏ខ្លីខាងមុខនេះ» ។
សួូមជម្រាបសម្រាប់ដំណើរទស្សនកិច្ចរបស់ប្រមុខរាជរដ្ឋាភិបាលចូលកិច្ចប្រជុំមហាសន្និបាតអង្កការសហប្រជាជាតិនេះក្រុមប្រឹក្សក៏មានគម្រោងធ្វើបាតុកម្មផងដែរ ។ បាតុកម្មនេះដឹកនាំ ដោយលោក សម រង្ស៊ី អតីតប្រធានគណបក្សសង្គ្រោះជាតិដែលកំពុងរស់នៅក្រៅប្រទេស ។ យ៉ាងណាក្តីបើតាមអ្នកនាំពាក្យរាជរដ្ឋាភិបាល លោក ផៃ ស៊ីផាន ធ្លាប់បានបញ្ជាក់ថា សម្រាប់ទស្សនកិច្ចនេះនឹងមានការរស្វាគមន៍ពីប្រជាពលរដ្ឋដែលរស់នៅក្នុងទឹកដីសហរដ្ឋអាមេរិកយ៉ាងច្រើនផងដែរ ៕
ចែករំលែកព័តមាននេះ