រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីមួយបង្កឲ្យមានការភ្ញាក់ផ្អើលបានកើតឡើងនៅព្រឹកថ្ងៃទី២៦ ខែកញ្ញា ឆ្នាំ២០១៨ ដែលស្ត្រីចំណាស់ម្នាក់បានធ្លាក់ពីលើអគារតៃវ៉ាន់ បណ្តាលឲ្យស្លាប់ ស្ថិតនៅបណ្តោយផ្លូវជាតិលេខ៤ ភូមិព្រៃស្វាយ សង្កាត់ចោមចៅ៣…
រាជធានីភ្នំពេញ ៖ តាមសេចក្តីរាយការណ៍បឋមបានឲ្យដឹងថា មានករណីមួយបង្កឲ្យមានការភ្ញាក់ផ្អើលបានកើតឡើងនៅព្រឹកថ្ងៃទី២៦ ខែកញ្ញា ឆ្នាំ២០១៨ ដែលស្ត្រីចំណាស់ម្នាក់បានធ្លាក់ពីលើអគារតៃវ៉ាន់ បណ្តាលឲ្យស្លាប់ ស្ថិតនៅបណ្តោយផ្លូវជាតិលេខ៤ ភូមិព្រៃស្វាយ សង្កាត់ចោមចៅ៣ ខណ្ឌពោធិ៍សែនជ័យ រាជធានីភ្នំពេញ ។
សេចក្តីរាយការណ៍បានបន្តថា ស្ត្រីចំណាស់ខាងលើមានឈ្មោះ ហ៊ុន ដានី អាយុ៤៨ឆ្នាំ មានទីលំនៅភូមិកំពង់បឹង ស្រុកអូរាំងឪ ខេត្តកំពង់ចាម ។ ស្ត្រីខាងលើនេះដែរជាអ្នកអនាម័យ ហើយខណៈដែលគាត់កំពុងតែធ្វើអនាម័យសុខៗក៏ស្រាប់តែធ្លាក់ពីលើអគារខាងលើបណ្តាលឲ្យស្លាប់ ។
តាមនារីឈ្មោះ ហ្គេច ស្រីម៊ី អាយុ១៨ឆ្នាំ មុខរបរកម្មការនីរោងចក្រ ត្រូវជាកូនស្រីបង្កើតរបស់ស្ត្រីរងគ្រោះ ស្នាក់នៅជាមួយម្តាយបានឲ្យដឹងថា ម្តាយរបស់ខ្លួនបានចូលបម្រើការងារជាបុគ្គលិកផ្នែកអនាម័យ នៅធនាគារ តៃវ៉ាន់ ខាងលើអស់រយៈពេលជាង១ឆ្នាំមកហើយ ស្រាប់តែនៅវេលាម៉ោងខាងលើ ស្រាប់តែជួបអកុសលបែបនេះតែម្តង ។
តាមបុគ្គលិកធនាគារខាងលើបានឲ្យដឹងថា វេលាម៉ោងខាងលើជនរងគ្រោះដើរសំអាតលើអគារ ហើយជនរងគ្រោះសំអាតនៅលើជាន់ទី២ បែរជាផុងជើងសន្លឹកស៊ីប្រូ ធ្វើជាពិដានបាក់ធ្លាក់តាំងពីជាន់ទី២ មកលើសាបស៊ីម៉ង់ត៍ បណ្តាលឲ្យបែកក្បាលធ្លាយខួរស្លាប់ភ្លាមៗ ក៏ប៉ុន្តែជនរងគ្រោះធ្លាក់ដល់ដីហើយទើបដឹងភ្ញាក់ផ្អើល ។
ករណីខាងលើកើតឡើងភ្លាមៗ ត្រូវបានហៅក្រុមសង្គ្រោះ រថយន្តសង្គ្រោះមកបំណងជួយសង្គ្រោះអាយុជីវិត តែហួសពេលទៅហើយជនរងគ្រោះធ្លាក់មកភ្លាម ស្លាប់ភ្លាម ទើបផ្អើលដល់សមត្ថកិច្ច ចុះទៅពិនិត្យដល់កន្លែងកើតហេតុ ។
ក្នងហេតុការណ៍ដ៏រន្ធត់ខាងលើ កូនស្រីរបស់ជនរងគ្រោះយំសោកបោកខ្លួននឹកអាសូរ ស្រណោះម្តាយ ដែលបានស្លាប់បាត់ជីវិត ។
ក្រោយពីកើតមានហេតុការណ៍ខាងលើសមត្ថកិច្ច មូលដ្ឋាន និងជំនាញ ចុះមកដល់កន្លែងកើតហេតុ ដើម្បីពិនិត្យកោសល្យវិច្ឆ័យ ៕
ចែករំលែកព័តមាននេះ