សារព័ត៌មានបរទេសកាលពីពេល ថ្មីៗកន្លងមកផ្សាយថា លោកElon Musk ប្រធានក្រុមហ៊ុន«SpaceX» បានបង្ហាញឈ្មោះអ្នកធ្វើដំណើរទៅឋានព្រះចន្ទលើកដំបូងក្នុងគម្រោង«SpaceX» នោះគឺលោកYusaku Maezawa មហាសេដ្ឋីជនជាតិជប៉ុន អាយុ៤២ឆ្នាំ ។
ការធ្វើដំណើរតាមយាន«Big Falcon Rocket – BFR» ដោយរំពឹងថាអាចធ្វើដំណើរបានក្នុងរយៈពេល៤-៥ឆ្នាំខាងមុខ ប៉ុន្តែមិនទាន់បញ្ជាក់លើការចំណាយ ឬថ្ងៃខែពិតប្រាកដទេ ។
លោកMaezawa ឲ្យដឹងថាលោកត្រូវការផ្លាស់ប្ដូរបទពិសោធដល់មហាជនឲ្យបានច្រើន និងត្រៀមជ្រើសយកអ្នកចូលរួមក្នុងដំណើរកម្សាន្តប្រហែល៦ទៅ៨នាក់ដើម្បីបង្កើតជាសាច់រឿងក្នុងពេលត្រឡប់មកវិញ ។ លោក និងមិត្តរួមដំណើរគឺជាក្រុមដំបូងបានធ្វើដំណើរទៅឋានព្រះចន្ទ ចាប់តាំងពីធ្វើដំណើរដោយយាន«Apollo» នៅឆ្នាំ១៩៧២ ។
«Forbes» ជាទស្សនាវដ្ដីដ៏ល្បីបានរៀបចំណាត់ថ្នាក់ក្នុងឆ្នាំ២០១៨ ដល់លោកYusaku Maezawa អាយុ៤២ឆ្នាំមានទ្រព្យសម្បត្តិជាង២,៩ពាន់លានដុល្លារជាមហាសេដ្ឋីលំដាប់ទី១៨ របស់ជប៉ុន និងទី៨២២នៅលើពិភពលោក ៕
ចែករំលែកព័តមាននេះ