អ្នកជំងឺប្រមាណជាង៣០០០នាក់ នៅមន្ទីរពេទ្យបង្អែកខេត្តស្វាយរៀងព្យាបាលដោយឥតគិតថ្លៃ
- ស្វាយរៀង
ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌលស្វាយរៀង នាព្រឹកថ្ងៃទី២៥ ខែកញ្ញា ឆ្នាំ២០១៨ បានធ្វើការកោតសរសើរ…
ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌលស្វាយរៀង នាព្រឹកថ្ងៃទី២៥ ខែកញ្ញា ឆ្នាំ២០១៨ បានធ្វើការកោតសរសើរ…
ខេត្តស្វាយរៀង ៖ លោកជំទាវកិត្តិសង្គហបណ្ឌិត ម៉ែន សំអន តំណាងរាស្ត្រមណ្ឌលស្វាយរៀង នាព្រឹកថ្ងៃទី២៥ ខែកញ្ញា ឆ្នាំ២០១៨ បានធ្វើការកោតសរសើរ និងថ្លែងអំណរគុណដល់គម្រោងព្យាបាលរបស់ក្រុមគ្រូពេទ្យស្ម័គ្រចិត្តអង្គការខេមបូឌាវី សិន(អូស្ត្រាលី) ដែលដឹកនាំដោយលោក ជេក ម៉េងលី ប្រធានអង្គការ Cambodia Vission រួមជាមួយអង្គការនានា ។
ទី១- មូលនិធិសមធម៌ ក្នុងការបង់ថ្លៃសេវាជួសជូនអ្នកជំងឺក្រីក្រសម្រាកពេទ្យ ទី២- អង្គការ Eye care Foundation ទី៣- អង្គការCHC ទី៤ – អង្គការដើមត្នោត និង Marie Stop ទី៥- អង្គការ Operation Smile និងទី៦- អង្គការ JICAដែលបានចូលរួមចំណែកដ៏សំខាន់ក្នុងគម្រោងនេះដោយឥតគិតថ្លៃស្របតាមតម្រូវការរបស់ប្រជាពលរដ្ឋក្នុងខេត្តស្វាយរៀង កំពុងតែមានការខ្វះខាត ។
លោកជំទាវបានមានប្រសាសន៍ដូច្នេះ ក្នុងឱកាសដែលលោកស្រីបានអញ្ជើញជាអធិបតីក្នុងពិធីសម្ពោធគម្រោងព្យាបាលភ្នែកឡើងបាយ ភ្នែកដុះកន្ទុយថ្លែន និងជំងឺ គ – ថ្លង់ របស់ក្រុមគ្រូពេទ្យស្ម័គ្រចិត្តនៃអង្គការខេមបូឌាវីសិន (អូស្ត្រាលី) ដែលមានអ្នកជំងឺបានទទួលការព្យាបាលប្រមាណជាង៣០០០នាក់ នៅមន្ទីរពេទ្យបង្អែកខេត្តស្វាយរៀង ដោយឥតគិតថ្លៃ ។
ឆ្លៀតក្នុងឱកាសនោះលោកជំទាវ ម៉ែន សំអន ក៏បានមានប្រសាសន៍បន្តទៀតថា សកម្មភាពមនុស្សធម៌នេះពិតជាមានតម្លៃណាស់ ដែលកើតចេញអំពីទឹកចិត្តដ៏ថ្លៃថ្លារបស់បងប្អូនប្រជាពលរដ្ឋខ្មែរ ដែលរស់នៅប្រទេសអូស្ត្រាលី បានរួមគ្នាបង្កើតជាក្រុមមួយធ្វើការងារមនុស្សធម៌នេះ និងបានចូលរួមចំណែកជាមួយរាជរដ្ឋាភិបាលកម្ពុជាក្នុងការកាត់បន្ថយភាពក្រីក្រ ។ លោកជំទាវម៉ែនសំអនក៏បានផ្តាំផ្ញើដល់ក្រុមគ្រូពេទ្យទាំងអស់ត្រូវខិតខំបង្កើនការយកចិត្តទុកដាក់ផ្តល់ការថែទាំ និងព្យាបាលជំងឺជូនប្រជាពលរដ្ឋ ជាប្រចាំប្រកបដោយគុណភាព និងត្រូវពង្រឹងការផ្តល់សេវាជាប្រចាំការ២៤ម៉ោង លើ២៤ម៉ោង ។
ក្នុងនោះត្រូវពង្រឹងការគោរពក្រមសីលធម៍ វិជ្ជាជីវៈ ឱ្យបានល្អប្រសើរ និងមានឥរិយាបទរាក់ទាក់ និងទន់ភ្លន់ សុភាពរាបសារាល់ពេលផ្តល់សេវាជូនប្រជាពលរដ្ឋដោយមិនត្រូវរើសអើង ឬប្រកាន់វណ្ណៈឡើយ គឺធ្វើយ៉ាងណាផ្តល់សេវាព្យាបាលប្រកបដោយគុណភាព និងតម្លាភាព ។ ម្យ៉ាងទៀតត្រូវពង្រឹងការងារអប់រំសុខភាព ជាពិសេសពន្យល់ និងណែនាំអ្នកជំងឺឱ្យបានច្បាស់លាស់ ក្នុងពេលថែទាំ និងព្យាបាលជំងឺព្រមទាំងពង្រឹងបន្ថែមការធ្វើអនាម័យ នៅតាមមូលដ្ឋានសុខាភិបាលឱ្យបានល្អប្រសើរ និងត្រូវយកចិត្តទុកដាក់ការត្រួតពិនិត្យការចម្លងរោគនៅគ្រប់មូលដ្ឋានសុខាភិបាលដែលជាបញ្ហាសំខាន់មួយផងដែរ ក្នុងវិស័យសុខាភិបាល ។លោកជំទាវម៉ែនសំអនក៏បានសំណូមពរឲ្យលោក ជេក ម៉េងលី បន្តដឹកនាំក្រុមគ្រូពេទ្យស្ម័គ្រចិត្តមកព្យាបាលនៅខេត្តស្វាយរៀង នៅគម្រោងបន្តបន្ទាប់ទៀត ៕
ចែករំលែកព័តមាននេះ