រថយន្តពីរគ្រឿងបុកគ្នា បណ្ដាលឲ្យស្លា.ប់មនុស្សម្នាក់នៅនឹងកន្លែង
- ព្រះសីហនុ
ខេត្តព្រះសីហនុ ៖ នៅវេលាម៉ោង១៧ និង៣០នាទី ថ្ងៃទី២៥ ខែកញ្ញា ឆ្នាំ២០១៨ នៅចន្លោះគីឡូម៉ែត្រលេខ ១៤២-១៤៣ ស្ថិតក្នុងភូមិ-ឃុំចម្ការហ្លួង…
ខេត្តព្រះសីហនុ ៖ នៅវេលាម៉ោង១៧ និង៣០នាទី ថ្ងៃទី២៥ ខែកញ្ញា ឆ្នាំ២០១៨ នៅចន្លោះគីឡូម៉ែត្រលេខ ១៤២-១៤៣ ស្ថិតក្នុងភូមិ-ឃុំចម្ការហ្លួង ស្រុកកំពង់សិលា ខេត្តព្រះសីហនុ មានគ្រោះថ្នាក់ចរាចរណ៍មួយកើតឡើង លើផ្លូវជាតិលេខ៤។ រវាងរថយន្តកូរ៉េពីរតោនកន្លះ ក្បាលពណ៌ខៀវ ពាក់ស្លាកលេខ ភ្នំពេញ 3C-5112 មានទិសដៅពីភ្នំពេញទៅខេត្តព្រះសីហនុ អ្នកបើកបរមិនស្គាល់អត្តសញ្ញាណ(រត់បាត់)។
បានប៉ះជាមួយនឹងរថយន្ត តួរីស ពណ៌សម្បកឪឡឹក ពាក់ស្លាកលេខ ភ្នំពេញ 2AB-6106 មានទិសដៅបញ្ច្រាសគ្នាបណ្តាលឲ្យអ្នកបើកបរ ឈ្មោះ ហេង បូរ៉ា ភេទប្រុស អាយុ២៦ឆ្នាំ មានទីលំនៅភូមិ ចម្ការដី ឃុំពងទឹក ស្រុកដំណាក់ចង្អើរ ខេត្តកំពត ស្លាប់នៅនឹងកន្លែង។ ចំពោះមុខកម្លាំងអាវុធហត្ថ ស្នាក់ការសន្តិសុខ៤០២ សហការជាមួយកម្លាំងរបស់អធិការដ្ឋាន នគរបាលស្រុកកំពង់សិលា នៅការពារកន្លែងកើតហេតុ និងជួយសម្រួលចរាចរណ៍។
ចំពោះសាកសពរង់ចាំក្រុមគ្រួសារធ្វើការប្រគល់-ទទួល យកទៅធ្វើបុណ្យតាមប្រពៃណី រីឯវត្ថុតាងទាំងពីរខាងលើរង់ចាំរថយន្តស្ទូចយកទៅរក្សាទុកនៅអធិការដ្ឋាននគរបាល ស្រុកកំពង់សិលាបន្តតាមនីតិវិធី៕
ចែករំលែកព័តមាននេះ