ខេត្តកំពត ៖ លោកវេជ្ជបណ្ឌិត ពេជ្រ ប៊ុនហាប់ ត្រូវបានជួបគ្រោះថ្នាក់ចរាចរណ៍ដែលរថយន្តក្រឡុងស៊ីម៉ង់ត៍បុកឲ្យដាច់កង់ផ្នែកខាងឆ្វេងម្ខាង បណ្ដាលឲ្យឆេះសន្ធោសន្ធៅ កាលពីវេលាម៉ោង២១យប់ ថ្ងៃទី២២ ខែកញ្ញានេះ…
ខេត្តកំពត ៖ លោកវេជ្ជបណ្ឌិត ពេជ្រ ប៊ុនហាប់ ត្រូវបានជួបគ្រោះថ្នាក់ចរាចរណ៍ដែលរថយន្តក្រឡុងស៊ីម៉ង់ត៍បុកឲ្យដាច់កង់ផ្នែកខាងឆ្វេងម្ខាង បណ្ដាលឲ្យឆេះសន្ធោសន្ធៅ កាលពីវេលាម៉ោង២១យប់ ថ្ងៃទី២២ ខែកញ្ញានេះ នៅលើកំណាត់ផ្លូវជាតិលេខ៣១ ត្រង់ចំណុចភូមិព្រៃផ្ដៅ ឃុំភ្នំកុង ស្រុកអង្គរជ័យ ខេត្តកំពត ។
ប្រជាពលរដ្ឋនៅកន្លែងកើតហេតុបាននិយាយថា លោកពេជ្រ ប៊ុនហាប់ បានបើករថយន្តម៉ាកឡិចស៊ីស RX – ៣៣០ តែម្នាក់ឯងទេ បន្ទាប់ពីបានចូលរួមពិសាអាហាររួចរាល់ ក្នុងកម្មវិធីខួបកំណើតក្រុមសាច់ញាតិនៅស្រុកអង្គជ័យ ហើយក៏បើករថយន្តគោលបំណងត្រឡប់ទៅផ្ទះនៅផ្សារទូកមាសវិញ ។ លុះបើកមកដល់កន្លែងកើតហេតុខាងលើស្រាប់តែរថយន្តក្រឡុកស៊ីម៉ងត៍បើកមកពីត្បូងទៅជើងបានបុក បណ្ដាលឲ្យដាច់កង់មុខខាងឆ្វេង ឆេះយ៉ាងសន្ធោសន្ធៅបំផុតសល់តែគ្រោងឆ្អឹង ។
ទោះជាបែបណាលោកពេជ្រ ប៊ុនហាប់ ត្រូវបានពលរដ្ឋជាច្រើននាក់វាយទម្លុះកញ្ជក់រថយន្តយកមនុស្សចេញឲ្យផុតពីការស្លាប់ តែលោកបានរងរបួសរលាក់ខ្លួនប្រាណហើយត្រូវបានក្រុមគ្រួសារបញ្ជូនទៅព្យាបាលនៅប្រទេសថៃផងដែរ ។
ចំណែកលោកទូច ចន្ធូ អធិការរងទទួលផែនសណ្ដាប់ធ្នាប់ចរាចរណ៍ស្រុកអង្គរជ័យនិយាយថា រថយន្តបង្កជាមួយរថយន្តក្រឡុកស៊ីម៉ងត៍ ហើយនគរបាលបានស្ទាក់ចាប់បានហើយ ។ បច្ចុប្បន្នរថយន្តក្រឡុកស៊ីម៉ង់ត៍ត្រូវបានរក្សាទុកនៅអធិការដ្ឋានស្រុក រីឯរថយន្តលោកវេជ្ជបណ្ឌិត ទុកក្បែរចិញ្ចើមផ្លូវជាតិលេខ៣១ ៕
ចែករំលែកព័តមាននេះ