តែងតាំងអគ្គស្នងការរងនគរបាលជាតិថ្មី៣រូប
- ភ្នំពេញ
រាជធានីភ្នំពេញ ៖ នាព្រឹកថ្ងៃទី២៥ កញ្ញា នៅសាលប្រជុំអគ្គស្នងការដ្ឋាននរបាលជាតិ មានរៀបចំពិធីប្រកាសផ្ទេរភារកិច្ច និង តែងតាំងមុខតំណែង នាយនគរបាល ថ្នាក់ឧត្តមសេនីយ៍…
រាជធានីភ្នំពេញ ៖ នាព្រឹកថ្ងៃទី២៥ កញ្ញា នៅសាលប្រជុំអគ្គស្នងការដ្ឋាននរបាលជាតិ មានរៀបចំពិធីប្រកាសផ្ទេរភារកិច្ច និង តែងតាំងមុខតំណែង នាយនគរបាល ថ្នាក់ឧត្តមសេនីយ៍ នៃអគ្គស្នងការដ្ឋាននគរបាលជាតិ ដែលត្រូវឡើងកាន់តំណែងជាអគ្គស្នងការរងនគរបាលជាតិចំនួន៣រូបថ្មីបន្ថែមទៀត ។
ពិធីនេះប្រារព្ធធ្វើឡើងក្រោមអធិបតីភាពលោកនាយឧត្តមសេនីយ៍ សន្ដិបណ្ឌិត នេត សាវឿន អគ្គស្នងការនគរបាលជាតិ ។
នាយនគរបាលថ្នាក់ឧត្តមសេនីយ៍៣រូប ដែលត្រូវបានតែងតាំងជាអគ្គស្នងការរងនគរបាលជាតិនោះ រួមមាន ១-លោកឧត្តមសេនីយ៍ឯក អុិន បូរ៉ា ២-លោកឧត្តមសេនីយ៍ឯក ឆាយ គឹមខឿន និង៣-លោកឧត្តមសេនីយ៍ឯក តេង សួន ។
លោកឧត្តមសេនីយ៍ឯក អុិន បូរ៉ា បច្ចុប្បន្នជាប្រធាននាយកដ្ឋានកណ្ដាលនគរបាលយុត្តិធម៌ លោកឧត្តមសេនីយ៍ឯក ឆាយ គឹមខឿន បច្ចុប្បន្នជាប្រធានសេនាធិការ និងលោកឧត្តមសេនីយ៍ឯក តេង សួន បច្ចុប្បន្នជាប្រធាននាយកដ្ឋាននករបាលការពារព្រំដែនទឹក ។
ក្នុងពិធីប្រកាសតែងតាំងអគ្គស្នងការរងនគរបាលជាតិ៣រូបនេះ នាយឧត្តមសេនីយ៍សន្តិបណ្ឌិត នេត សា
វឿន អគ្គស្នងការនគរបាលជាតិ បានមានប្រសាសន៍ និងផ្តល់យោបល់ថ្មីៗ ពាក់ព័ន្ធទៅនឹងកិច្ចការការងារ ការពារសន្តិសុខជាតិក្នុងអាណត្តិទី៦នៃរាជរដ្ឋាភិបាលថ្មីនេះ ៕
ចែករំលែកព័តមាននេះ