ខេត្តរតនគីរី ៖ ក្រុមជនសង្សយ័៣នាក់ ក្នុងនោះមានស្រីម្នាក់ផងដែរជាមុខសញ្ញាប្រើប្រាស់ និងចែកចាយគ្រឿងញៀនយ៉ាងសកម្ម ត្រូវសមត្ថកិច្ចចាប់បានកាលពីវេលាម៉ោង១០និង៤០នាទីយប់ ថ្ងៃទី២៤ ខែកញ្ញា ឆ្នាំ២០១៨ ស្ថិតនៅហាងម៉ាស្សាឈ្មោះមិត្តភាព ក្នុងភូមិមួយ ឃុំឡាមិញ ស្រុកបកែវ ។
បើតាមរបាយការណ៏សមត្ថកិច្ចស្រុកបានអោយដឹងថា ជនសង្ស័យទាំង៣នាក់ខាងលើរួមមាន ១-ឈ្មោះ
ឡេង ប្រុស ភេទប្រុស អាយុ២៣ឆ្នាំ មុខរបមិនពិតប្រាកដ ២-ឈ្មោះជា អូន ភេទប្រុស អាយុ៣០ឆ្នាំ មានស្រុកកំណើតភូមិមុខដា ឃុំរមាសហែក ខេត្តស្វាយរៀង និង៣-ឈ្មោះយុទ្ធ សុពុទ្ធា ភេទស្រី អាយុ២៣ឆ្នាំ ។
សមត្ថកិច្ចបានបញ្ជាក់ថា ជនសង្សយ័ទាំង៣នាក់នេះបានមកស្នាក់នៅភូមិឃុំកើតហេតុខាងលើអស់រយៈពេល២ទៅ៣ឆ្នាំ ហើយនាំគ្នាប្រកបមុខរបរលក់គ្រឿងញៀនក្នុងភូមិសាស្ត្រស្រុកបកែវយ៉ាងសកម្ម ។
ក្នុងករណីរបង្ក្រាបបានជនសង្សយ័៣នាក់ខាងលើនោះ សមត្ថកិច្ចដកហូតបានវត្ថុតាងបានថ្នាំញៀនប្រភេទម៉ាទឹកកកចំនួន៦ថង់តូច និង២ថង់ធំ និងសម្ភារសម្រាប់សេពគ្រឿងញៀនមួយកំប្លេផងដែរ ។
បច្ចុប្បន្នជនសង្សយ័ទាំង៣នាក់ រួមនឹងវត្ថុតាងត្រូវបានយកមករក្សាទុកបណ្ដោះអាសន្ននៅអធិការដ្ឋាន
នគរបាលស្រុកបកែវកសាងសំណុំរឿងបញ្ជូនទៅសាលាដំបូងខេត្តចាត់ការតាមវិធីច្បាប់ ៕
ចែករំលែកព័តមាននេះ