ទីក្រុងប៊ែរឡាំង ៖ អតីតមន្ត្រីពាណិជ្ជកម្មចិនម្នាក់បាននិយាយកាលពីថ្ងៃសុក្រថា ទំនាក់ទំនងសេដ្ឋកិច្ចនិងពាណិជ្ជកម្មរវាងប្រទេសចិននិងសហភាពអឺរ៉ុប(EU) កំពុងស្ថិតក្នុងដំណាក់កាលដ៏សំខាន់ ខណៈដែលមានភាពមិនប្រាកដប្រជាជុំវិញពិភពលោក ។ លោក Wei Jianguo…
ទីក្រុងប៊ែរឡាំង ៖ អតីតមន្ត្រីពាណិជ្ជកម្មចិនម្នាក់បាននិយាយកាលពីថ្ងៃសុក្រថា ទំនាក់ទំនងសេដ្ឋកិច្ចនិងពាណិជ្ជកម្មរវាងប្រទេសចិននិងសហភាពអឺរ៉ុប(EU) កំពុងស្ថិតក្នុងដំណាក់កាលដ៏សំខាន់ ខណៈដែលមានភាពមិនប្រាកដប្រជាជុំវិញពិភពលោក ។
លោក Wei Jianguo អតីតអនុរដ្ឋមន្ត្រី និងអនុប្រធាមមជ្ឈមណ្ឌលផ្លាស់ប្តូរសេដ្ឋកិច្ចអន្តរជាតិរបស់ប្រទេសចិន (CCIEE) បានប្រាប់ដល់សារព័ត៌មានក្នុងស្រុកថា ភាគីទាំងសងខាងមិនគួរមើលគ្នាជាដៃគូប្រកួតប្រជែងទេ តែជាដៃគូសហការវិញ ។
មជ្ឈមណ្ឌលCCIEE បានរៀបចំក្រុមអ្នកប្រាជ្ញនាំមុខមកពីប្រទេសចិនឲ្យធ្វើដំណើរកម្សាន្ត និងពិភាក្សាជាមួយនឹងដៃគូខាងអឺរ៉ុបពីទំនាក់ទំនងពាណិជ្ជកម្មនិងសេដ្ឋកិច្ចក្នុងប្រទេសចិន, EU និងសហរដ្ឋអាមេរិក ។
លោក Wei បានបន្តថា ៖« EU គឺជាទីផ្សារដ៏ធំមួយ ហើយប្រទេសចិនជាដៃគូពាណិជ្ជកម្មធំជាងគេរបស់ពួកគេផងដែរ ។ កិច្ចសហប្រតិបត្តិការវាងភាគីទាំងសងខាង អាចដោះស្រាយបញ្ហាជាច្រើនដែលរួមមានការបង្កើតវិធានសម្រាប់សេដ្ឋកិច្ចអន្តរជាតិ និងប្រព័ន្ធពាណិជ្ជកម្មអន្តរជាតិជាដើម »។
លោក Wei ជឿចាក់ថា ប្រទេសចិននិង EU អាចខិតខំបន្ថែមក្នុងការការពារប្រព័ន្ធពាណិជ្ជកម្មពហុភាគីដោយយោងតាមច្បាប់ ដោយក្នុងនោះរួមមានការកែទម្រង់អង្គការពាណិជ្ជកម្មពិភពលោក និងអង្គការសហប្រជាជាតិ ការផ្តួចផ្តើមគំនិតខ្សែក្រវាត់មួយ ផ្លូវមួយ ជាដើម ។
លោកបានបន្ថែមថា ៖« ខណៈដែលកំពុងមានភាពមិនប្រាកដប្រជាជុំវិញពិភពលោក ការរាប់អានមិត្តនិងដៃគូពាណិជ្ជកម្មដែលអាចជឿជាក់បានមានសារសំខាន់ជាងការអភិវឌ្ឍទីផ្សារធំមួយ »។
លោក Wei ប្រទះឃើញថា អ្នកជំនាញអឺរ៉ុបមានការយល់ច្រឡំនឹងប្រទេសចិនដែលរួមមានយុទ្ធសាស្ត្រឧស្សាហកម្មរបស់ប្រទេសចិន សហគ្រាសរដ្ឋ និងតួនាទីរបស់រដ្ឋាភិបាលក្នុងសេដ្ឋកិច្ចប្រទេសជាដើម ៕
ចែករំលែកព័តមាននេះ