ខេត្តកណ្តាល៖ កាលពីល្ងាចថ្ងៃទី២៤ កញ្ញា ២០១៨ លោក សាយ សម្ជស្សសេរី ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនជនដៃដល់ដែលវាយមិត្តភក្តិបណ្តាលឱ្យបែកក្បាលពេលផឹកទឹកត្នោតជូរ បង្កជាជម្លោះ…
ខេត្តកណ្តាល៖ កាលពីល្ងាចថ្ងៃទី២៤ កញ្ញា ២០១៨ លោក សាយ សម្ជស្សសេរី ចៅក្រមស៊ើបសួរសាលាដំបូងខេត្តកណ្តាល បានសម្រេចចេញដីការឃុំខ្លួនជនដៃដល់ដែលវាយមិត្តភក្តិបណ្តាលឱ្យបែកក្បាលពេលផឹកទឹកត្នោតជូរ បង្កជាជម្លោះ ដាក់ពន្ធនាគារបណ្តោះអាសន្នពីបទ«ហិង្សាដោយចេតនា» ដែលប្រព្រឹត្តនៅភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល តាមមាត្រា២១៧ នៃក្រមព្រហ្មទណ្ឌ។
ជនត្រូវចោទឈ្មោះខុម សុវណ្ណ ភេទប្រុស អាយុ៣៤ឆ្នាំ មានទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល ។ ចំណែកជនរងគ្រោះឈ្មោះថូ លីហួរ ភេទប្រុស អាយុ២៥ឆ្នាំ មានទីលំនៅភូមិព្រែកតាពៅ សង្កាត់ដើមមៀន ក្រុងតាខ្មៅ ខេត្តកណ្តាល មុខរបរកម្មកររោងចក្រ។
លោកវរសេនីយ៍ ស កែវពិសិដ្ឋ អធិការនគរបាលក្រុងតាខ្មៅ បានអោយដឹងថា មុនពេលកើតហេតុ ជនរងគ្រោះ និងជនជនសង្ស័យ ព្រមទាំងមិត្តភក្តិ២នាក់ទៀតបានផឹកទឹកត្នោតជូរជាមួយគ្នា លុះដល់វេលាកើតហេតុខាងលើ ក៏មានទំនាស់ពាក្យសំដីគ្នា ភ្លាមនោះជនល្មើសក៏បានស្ទុះទៅយកដំបងឈើមូលនៅក្បែរនោះវាយទៅលើជនរងគ្រោះ បណ្តាលអោយរងរបួសរយះក្បាល និងហើមចង្កេះខាងឆ្វេង ត្រូវបានបងប្អូនដឹកទៅព្យាបាលនៅមន្ទីរពេទ្យបង្អែកជ័យជំនះ ចំណែកជនសង្ស័យត្រូវបានសមត្ថកិច្ចឃាត់ខ្លួនរួមទាំងវត្ថុតាងបញ្ជូនមកកាន់អធិការដ្ឋាននគរបាលក្រុងតាខ្មៅដើម្បីចាត់ការតាមនីតិវិធី៕
ចែករំលែកព័តមាននេះ