ខេត្តកណ្ដាល ៖ ប្រភពព័ត៌មានច្បាស់ការបានបង្ហើបនៅព្រឹកថ្ងៃទី២៥ កញ្ញា នេះថា ស្ត្រីឈ្មោះកែវ រតនៈ ហៅហ្គិច ដែលធ្លាប់មានរឿងអាស្រូវជាច្រើន និងកំពុងជាប់ពន្ធនាគារខេត្តកណ្ដាល ដែលបានបង្កហិង្សាផ្អើលក្នុងពន្ធនាគារជាមួយអ្នកទោសជាស្រីដូចគ្នានោះ តុលាការកំពុងមានចំណាត់ការហើយ ប៉ុន្តែរឿងនាងហ្គិចដែលប្តឹងលោក ហឿន វណ្ណារិទ្ធ អនុប្រធានពន្ធនាគារខេត្តកណ្ដាល ពាក់ព័ន្ធការប្រើហិង្សាលើនាងហ្គិច ដូចជាស្ងាត់ឈឹង ដោយគេមិនដឹងមានអ្វី នៅពីក្រោយពីការប្តឹងនោះទេ ។
ប្រភពព័ត៌មានច្បាស់ការណ៍មួយចេញពីពន្ធនាគារខេត្តកណ្ដាលបង្ហើប កាលពីថ្ងៃទី៩ កញ្ញាថា នាងហ្គិច ដែលកំពុងជាបគុក ព្រោះដុតរោងចក្រនោះ បានវៃតប់គ្នាជាមួយអ្នកទោសស្រីៗដូចគ្នា ។ ក្រោយមក អនុប្រធានពន្ធនាគារ ទទួលផែនសន្តិសុខ ឈ្មោះ ហឿន វណ្ណារិទ្ធ បានចូលទៅឃាត់ កុំឱ្យមានការវាបតប់
គ្នា ។ ប៉ុន្តែក្រោយមក នាងហ្គិចបានចោទប្រកាន់ ឈ្មោ ណារិទ្ធ ថា បានប្រើហិង្សាលើនាង ហើយបានប្តឹងទៅតុលាការរាជធានីភ្នំពេញតែម្ដង ។
គួរបញ្ជាក់ថា ស្ត្រីឈ្មោះ កែវ រតនៈ ហៅហ្គិច ដែលធ្លាប់មានរឿងអាស្រូវជាច្រើន និងធ្លាប់ជាប់ពន្ធនាគារផងនោះ ឥឡូវនេះ ត្រូវបានព្រះរាជអាជ្ញាខេត្តកណ្ដាលនៅព្រឹកថ្ងៃទី១៨ មេសា ឆ្នាំ២០១៨ សម្រេចចោទប្រកាន់ចំនួន៣បទល្មើស រួចបញ្ជូនទៅចៅក្រមស៊ើបសួរ ចាត់ការបន្តតាមនីតិវិធី។
មន្ត្រីតុលាការថ្លែងថា នាង កែវ រតនៈ ហៅ ហ្គិច ត្រូវបានលោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្តកណ្ដាល ចោទប្រកាន់ពីបទ “ប្រើប្រាស់ឯកសារសាធារណៈក្លែង បទគំរាមកំហែងថានឹងសម្លាប់ និងបទធ្វើឱ្យខូចខាតដោយចេតនាមានស្ថានទម្ងន់ទោសដោយសារការប្រើប្រាស់វិធីគ្រោះថ្នាក់ដល់បុគ្គល ” ប្រព្រឹត្តនៅចំណុចរោងចក្រផលិតគ្រឿងសង្ហារឹម និងក្តាកុងផ្លាកេ ប្រាយវ៉េ ហ្វើនីឈ័រ ភូមិទឹកជា ឃុំពើក ស្រុកអង្គស្នូល ខេត្តកណ្តាល កាលពីអំឡុងឆ្នាំ២០១៨ តាមមាត្រា៧៨ច្បាប់ស្ដីពីចរាចរណ៍ផ្លូវគោក និងតាមមាត្រា៦៣០ មាត្រា២៣៣ មាត្រា៤១៣នៃក្រមព្រហ្មទណ្ឌ។
គួរបញ្ជាក់ថា នេះពុំមែនជាលើកទី១ទេ ដែលស្ត្រីឈ្មោះ កែវ រតន: ហៅ ហ្គិច បានបង្កការអុកឡុកធ្វើឱ្យភ្ញាក់ផ្អើលដល់សង្គមនោះ ។ កាលពីដប់ឆ្នាំមុន ស្ត្រីរូបនេះធ្លាប់បានដកកាំភ្លើងបាញ់គំរាមពលរដ្ឋ នៅជិតវត្តសន្សំកុសល ហើយត្រូវបានតុលាការផ្តន្ទាទោសពីបទ បាញ់បោះសេរី និងប្រើប្រាស់អាវុធខុសច្បាប់ ។ ក្រោយមកចុងឆ្នាំ២០១៦កន្លងទៅ ស្ត្រីរូបនេះបានបើកបរក្រោមឥទ្ធិពលគ្រឿងស្រវឹង បង្កគ្រោះថ្នាក់ធ្ងន់ធ្ងរដល់យុវជនពីររូប ត្រូវបានតុលាការសម្រេចឃុំ ខ្លួនដាក់ពន្ធនាគារផងដែរ ។
ចែករំលែកព័តមាននេះ