ខេត្តបាត់ដំបង ៖ សេចក្តីរាយការណ៍ឱ្យដឹងថា បុរសម្នាក់ដែលគេស្គាល់ប្រវត្តិច្បាស់ធ្លាប់ជាប់គុកស្ទើរ រាប់ភ្លេច ក្នុងអំពើទុច្ចរិតមិនព្រមរាងចាល ពេលនេះត្រូវម្ចាស់ផ្ទះនិងពលរដ្ឋព្រួតគ្នា វាយស្ទើរស្លាប់ស្ទើរ រស់ ដែលថ្លើមធំហ៊ានចូលលួចទ្រព្យសម្បត្តិគេដល់ក្នុងផ្ទះ…
ខេត្តបាត់ដំបង ៖ សេចក្តីរាយការណ៍ឱ្យដឹងថា បុរសម្នាក់ដែលគេស្គាល់ប្រវត្តិច្បាស់ធ្លាប់ជាប់គុកស្ទើរ
រាប់ភ្លេច ក្នុងអំពើទុច្ចរិតមិនព្រមរាងចាល ពេលនេះត្រូវម្ចាស់ផ្ទះនិងពលរដ្ឋព្រួតគ្នា វាយស្ទើរស្លាប់ស្ទើរ
រស់ ដែលថ្លើមធំហ៊ានចូលលួចទ្រព្យសម្បត្តិគេដល់ក្នុងផ្ទះ កាលពីវេលាម៉ោង០៣ និង៣០នាទីរំលង
អធ្រាត្រ ឈានចូលថ្ងៃទី២៤ កញ្ញា ស្ថិតនៅចំណុចភូមិនំក្រៀប សង្កាត់ព្រែកព្រះស្តេច ក្រុងបាត់ដំបង។
លោកឈឿង គឹមសុង នាយរងការិយាល័យព្រហ្មទណ្ឌកំរិតស្រាល និងជាប្រធានក្រុមអន្តរាគមន៍បង្ការ បង្ក្រាប នៃស្នងការខេត្តបានឲ្យដឹងថា ជនសង្ស័យរូបនេះ ឈ្មោះ សំ ស៊ីណាត ហៅពេក អាយុ៣៨ឆ្នាំ រស់នៅភូមិវត្តតាមឹម ឃុំអូរដំបង១ ស្រុកសង្កែ ។ លោកថា ជននេះបានចូលលួចយកទូរស័ព្ទចំនួន៦គ្រឿង
នៅក្នុងផ្ទះរបស់ជនរងគ្រោះឈ្មោះឈូក សុខឿន ភេទប្រុស អាយុ៣១ឆ្នាំ នៅចំណុចកើតហេតុ ខណ:ដែលម្ចាស់ផ្ទះកំពុងមានធុរៈមើលកូនឈឺនៅក្នុងផ្ទះ ហើយបើកទ្វារចំហរ។ ប៉ុន្តែក្រោយពីលួចបានត្រូវម្ចាស់ផ្ទះឃើញទាន់ក៏ដេញចាប់បានបង្កឲ្យមានការភ្ញាក់ផ្អើលដល់អ្នកភូមិព្រូតគ្នាវាយជិតងាប់ មុនពេលសមត្ថកិច្ចចុះទៅដល់។
បើតាមការបំភ្លឺពីម្ចាស់ផ្ទះបានប្រាប់សមត្ថកិច្ចថា នៅយប់កើតហេតុនោះ ក្រុមគ្រួសារគាត់មានធុរ:ដោយកូនឈឺនៅក្នុងផ្ទះ ហើយពេលនោះបានបើកទ្វារចំហរមិនបានបិទទេ។ គាត់និយាយថា ពេលនោះស្រាប់តែឃើញមនុស្សដើរចេញពីក្នុងផ្ទះដែលខ្លួនមិនស្គាល់ ទើបតាមហៅសួរនាំ ពេលនោះទើបដឹងថា ជននោះជាចោរលួចទូរស័ព្ទគាត់អស់ពីក្នុងផ្ទះរហូតដល់ទៅ៦គ្រឿង ដែលមានភស្ដុតាងជាប់ខ្លួនទៀតផង ហើយក៏មានការផ្អើលឆោឡោតែម្ដងទៅ និងបានរាយការណ៏ប្រាប់សមត្ថកិច្ចភ្លាមៗដែរ។
ចែករំលែកព័តមាននេះ