ខេត្តរតនគីរី ៖ បុរសវយ័ចំណាស់ជនជាតិទំពូនម្នាក់ផឹកស្រាស មិនដែលលស់ថ្ងៃភ្លេចបាយភ្លេចទឹក រហូតដល់ខ្យល់គស្លាប់ យ៉ាងអាណោចអាធ័ម។ ហេតុការណ៍ស្លាប់នេះបានកើតឡើងនៅថ្ងៃទី២៤ ខែកញ្ញា ឆ្នាំ២០១៨ វេលាម៉ោង១ និង៣០នាទីរសៀល នៅក្នុងភូមិកែងសាន់ ឃុំសេដា ស្រុកលំផាត់។ ក្រោយពីមានករណីនេះកើតឡើងសមត្ថកិច្ចប៉ូលិសឃុំ និងស្រុកបានចុះទៅកន្លែងកើតហេតុ ធ្វើការត្រួតពិនិត្យសាកសពជនរងគ្រោះផងដែ។
ហើយសមត្ថកិច្ចបានឲ្យអ្នកសារព័ត៌មានដឹងថា ជនរងគ្រោះមានឈ្មោះ សៃ ហាន ភេទប្រុស អាយុ៦៣ឆ្នាំ ជនជាតិទំពួន មានមុខរបកសិករ រស់នៅភូមិឃុំកើតហេតុខាងលើ។ សមត្ថកិច្ចខាងលើបានបញ្ជាក់ថា ជនរងគ្រោះរូបនោះជាទម្លាប់ របស់គាត់ ចូលចិត្តហូបស្រាស ជាប្រចាំថ្ងៃតែម្ដងក្នុងមួយខែៗហូបស្រាស អស់២៥ថ្ងៃទៅហើយ។ នៅមុនថ្ងៃកើតហេតុ នៅថ្ងៃទី២៣ ខែកញ្ញា ឆ្នាំ២០១៨ វេលាម៉ោង៧យប់ ជនរងគ្រោះបានទៅកំដរ បុណ្យសពអ្នកភូមិម្នាក់នៅក្បែផ្ទះរបស់គាត់មួយយប់ទល់ភ្លឺ។
ជនរងគ្រោះគិតតែពីហូបស្រាស រហូតមួយយប់ទល់ភ្លឺមិនហូបបាយហូបទឹកនោះទេ។ ពេលចប់កម្មវិធីបុណ្យសពអ្នកភូមិ នៅថ្ងៃទី២៤ វរលាម៉ោង៩ព្រឹក ជនរងគ្រោះបានប្រឡប់មកផ្ទះវិញ ហើយជនរងគ្រោះបានដេកនៅលើគ្រាមុខផ្ទះ របស់គាត់ស្រាប់តែជនរងគ្រោះបានដាច់ខ្យល់ស្លាប់ដោយមិនដឹងខ្លួន។ សមត្ថកិច្ចបានធ្វើការ ត្រូតពិនិត្យសាកសពលទ្វផលឃើញថាសពជនរងគ្រោះពិតជាបានស្លាប់ដោយសារខ្យល់គ ពិតប្រាកដមែន គ្មានរឿងឃាតកម្មអ្វីកើតឡើងទេគួបផ្សំនឹងជនរងគ្រោះញៀននឹងស្រាស ផងនោះ ទើបបណ្ដលឲ្យជនរងគ្រោះគាំងបេះដូងស្លាប់បែបនេះ៕
ចែករំលែកព័តមាននេះ