ប្រទេសអ៊ីរ៉ង់ ៖ ទីភ្នាក់ងារព័ត៌មានអ៊ីរ៉ង់ MIZAN បានរាយការណ៍នាថ្ងៃទី២៤ កញ្ញា ថា ភ្នាក់ងារសន្តិសុខអ៊ីរ៉ង់ បានចាប់ខ្លួនជនសង្ស័យមួយចំនួនធំទាក់ទិននឹងការវាយប្រហារភេរវកម្ម កាលពីថ្ងៃទី២២…
ប្រទេសអ៊ីរ៉ង់ ៖ ទីភ្នាក់ងារព័ត៌មានអ៊ីរ៉ង់ MIZAN បានរាយការណ៍នាថ្ងៃទី២៤ កញ្ញា ថា ភ្នាក់ងារសន្តិសុខអ៊ីរ៉ង់ បានចាប់ខ្លួនជនសង្ស័យមួយចំនួនធំទាក់ទិននឹងការវាយប្រហារភេរវកម្ម កាលពីថ្ងៃទី២២ កញ្ញា លើក្បួនព្យុហយាត្រាយោធាមួយនៅក្រុងAHVAZ។
រដ្ឋមន្ត្រីស៊ើបការណ៍អ៊ីរ៉ង់លោក MAHMOUD ALAVI នៅខាងក្រៅពិធីបញ្ចុះសពជនរងគ្រោះច្រើននាក់ថ្លែងថា យើងនឹងកំណត់អត្តសញ្ញាណពួកភេរវករ ទាក់ទិននឹងការវាយប្រហារនេះ។ផ្នែកមួយធំនៃបណ្ដាញនោះត្រូវបានចាប់ខ្លួនរួចហើយ។
ការវាយប្រហារនេះបណ្ដាលឲ្យមនុស្សស្លាប់២៥នាក់ ជាការវាយប្រហារយ៉ាងបង្ហូរឈាម ពុំធ្លាប់ជួបប្រទះប្រឆាំងកងឆ្មាំបដិវត្តន៍អ៊ីរ៉ង់ ហើយចាត់ទុកជាអន្លូងធ្ងន់មួយសំពងលើក្បាលម៉ាស៊ីនសន្តិសុខអ៊ីរ៉ង់ ពេលដែលសហរដ្ឋអាមេរិកនិងអារ៉ាប៊ីសាអ៊ូឌីត ខិតខំធ្វើឲ្យអ៊ីរ៉ង់នៅឯកោក្នុងតំបន់មជ្ឈឹមបូព៌ា។
កាលពីថ្ងៃទី២៣ កញ្ញា មុនពេលចាកចេញពីទីក្រុងតេហេរ៉ង់ទៅកាន់ក្រុងញូវយ៉ក ចូលរួមក្នុងមហាសន្និបាត អ.ស.ប ប្រធានាធិបតីអ៊ីរ៉ង់លោកហាសាន់រ៉ូហានី បានចោទប្រកាន់ប្រទេសជាច្រើនក្នុងនោះមានអាមេរិកផងថា ជាអ្នករៀបចំការវាយប្រហារនេះ។
កងឆ្នាំបដិវត្តន៍អ៊ីរ៉ង់ បានសន្យាពីការសងសឹកវិញដោយពុំត្រាប្រណីឡើយ។ មេបញ្ជាការរងកងកម្លាំងនោះកាលពីថ្ងៃទី២៤ កញ្ញា បានគំរាមអាមេរិក និងអ៊ីស្រាអែល ដែលលោកថា រង់ចាំការឆ្លើយតបវិញយ៉ាងបំផ្លិចបំផ្លាញបំផុត៕
ចែករំលែកព័តមាននេះ