ប្រទេសលីប៊ី ៖ យោងតាមតុល្យការមួយទទួលបាននាថ្ងៃទី២៣ កញ្ញា ពីក្រសួងសុខាភិបាលលីប៊ីថា ការប្រយុទ្ធគ្នារយៈពេលប៉ុន្មានសប្ដាហ៍ចុងក្រោយនេះ រវាងបណ្ដាក្រុមដែលប្រជែងគ្នានៅក្រុងទ្រីប៉ូលី រដ្ឋធានីលីប៊ី បណ្ដាលឲ្យមនុស្សស្លាប់យ៉ាងតិច១១៥នាក់ និងជិត៤០០នាក់រងរបួស។…
ប្រទេសលីប៊ី ៖ យោងតាមតុល្យការមួយទទួលបាននាថ្ងៃទី២៣ កញ្ញា ពីក្រសួងសុខាភិបាលលីប៊ីថា ការប្រយុទ្ធគ្នារយៈពេលប៉ុន្មានសប្ដាហ៍ចុងក្រោយនេះ រវាងបណ្ដាក្រុមដែលប្រជែងគ្នានៅក្រុងទ្រីប៉ូលី រដ្ឋធានីលីប៊ី បណ្ដាលឲ្យមនុស្សស្លាប់យ៉ាងតិច១១៥នាក់ និងជិត៤០០នាក់រងរបួស។
ការប្រយុទ្ធគ្នាទាំងនេះកើតមានរវាងពួកយុទ្ធជននៃកងពលតូចទី៧ ឬហៅកងពលKANIYAT មានប្រភពមកពីក្រុងTARHOUNA ជាទីក្រុងមួយស្ថិតនៅចម្ងាយ៦៥គីឡូម៉ែត្រភាគអាគ្នេយ៍រដ្ឋធានី និងបណ្ដាកងពលតូចបដិវត្តន៍ក្រុងទ្រីប៉ូលី រួមជាមួយក្រុមកងពលតូច NAWASI ជាក្រុមប្រដាប់អាវុធសំខាន់២ឈរជើងនៅក្រុងទ្រីប៉ូលី។ ក្រុមកងពលតូចលេខ៧ រួមជាមួយក្រុមប្រដាប់អាវុធឯទៀតៗដែលធ្វើប្រតិបត្តិការនៅខាងក្រៅរដ្ឋធានី កាលពីដំណាច់ខែសីហា បានបើកការវាយលុកមួយលើក្រុងទ្រីប៉ូលី។ ពួកគេទាមទារលក្ខន្តិកៈផ្លូវការមួយពីអាជ្ញាធរ។
លោក WEDAD ABO AL NIRAN នៃផ្នែកសារព័ត៌មានរបស់ក្រសួងសុខាភិបាលបញ្ជាក់ថា តុល្យការអាចមានការកើនឡើងដោយសារស្ថានភាពធ្ងន់ធ្ងររបស់អ្នករបួសមួយចំនួន និងព្រោះតែការប្រយុទ្ធគ្នានៅបន្តទៀត។
ទោះមានកិច្ចព្រមព្រៀងឈប់បាញ់គ្នាចុះហត្ថលេខានាថ្ងៃទី៤ កញ្ញា ក្រោមការឧបត្ថម្ភរបស់អង្គការសហប្រជាជាតិក្ដី ក៏ការប៉ះទង្គិចគ្នាផ្ទុះជាថ្មីនាសប្ដាហ៍នេះ ពិសេសនៅសង្កាត់ SALAHEDDINE និងតាមផ្លូវទៅកាន់ព្រលានយន្តហោះអន្តរជាតិក្រុងទ្រីប៉ូលី ដែលធ្លាប់រងការបំផ្លាញកាលពីឆ្នាំ២០១៤ ដោយការប្រយុទ្ធគ្នាប្រហាក់ប្រហែលគ្នានេះដែរ។
រដ្ឋាភិបាលរួបរួមជាតិដឹកនាំដោយលោក FAYEZ SERAJ ទទួលស្គាល់ដោយអង្គការសហប្រជាជាតិ នៅតែពុំទាន់អាចត្រួតត្រាលើផ្នែកខាងកើតប្រទេស ដែលត្រួតត្រាដោយកងទ័ពជាតិលីប៊ីរបស់សេនាប្រមុខ KHALIFA HAFTAR។
លីប៊ីត្រូវហែកហួរប្រកាប់ប្រចាក់គ្នាជាប់រដឹក ក្រោយអន្តរាគមន៍របស់ពួកលោកខាងលិច ជួយពួកបះបោរកម្ចាត់លោកមូអាម៉ាកាដាហ្វីមក។ក្រោយកម្ចាត់លោកកាដាហ្វី ដែលពេលលោកកាន់អំណាចប្រទេសរុងរឿង អាចដើរជួយគេឯង ទីបំផុតប្រជាជនទទួលបានត្រឹមតែការខកចិត្តស្ដាយក្រោយប៉ុណ្ណោះ។ប្រទេសត្រូវហែកហួរគ្នាត្រួតត្រាដោយពួកក្រុមប្រដាប់អាវុធ ហើយមានរដ្ឋាភិបាលដល់ទៅ២ ពុំដឹងជាពេលណាបានសុខសាន្តឡើយ៕
ចែករំលែកព័តមាននេះ