ខេត្តរតនគីរី ៖ សមត្ថកិច្ចប៉ូលិសជំនាញបង្ក្រាបគ្រឿងញៀននៃស្នងការនគបាលខេត្តក្នុងខែកញ្ញា ឆ្នាំ២០១៨ បានចាប់ក្រុមប្រើប្រាស់ និងចែកចាយថ្នាំញៀនចំនួន២៤នាក់ ក្នុងនោះមានទាំងស្រី ទាំងប្រុស សុទ្ធតែក្មេងស្ទាវៗ ។…
ខេត្តរតនគីរី ៖ សមត្ថកិច្ចប៉ូលិសជំនាញបង្ក្រាបគ្រឿងញៀននៃស្នងការនគបាលខេត្តក្នុងខែកញ្ញា ឆ្នាំ២០១៨ បានចាប់ក្រុមប្រើប្រាស់ និងចែកចាយថ្នាំញៀនចំនួន២៤នាក់ ក្នុងនោះមានទាំងស្រី ទាំងប្រុស សុទ្ធតែក្មេងស្ទាវៗ ។
ជាក់ស្ដែងសមត្ថកិច្ចបានឃាត់ខ្លួនជនសង្សយ័ចំនួន៤នាក់កាលពីវេលាម៉ោង២រសៀលថ្ងៃទី២១ ខែកញ្ញា ឆ្នាំ២០១៨ នៅចំណុចបន្ទប់ផ្ទះសំណាក់ម៉ូតែលការឡាក់ស៊ី២ បន្ទប់លេខA១ ស្ថិតនៅភូមិអភិវឌ្ឍន៍ សង្កាត់ឡាបានសៀក ក្រុងបានលុង ។
ជនសង្ស័យចំនួន៤នាក់រួមមាន ១-ឈ្មោះធី ពិសី ភេទប្រុស អាយុ១៦ឆ្នាំ ២-ឈ្មោះផែន ចាន់វី ភេទស្រី អាយុ១៨ឆ្នាំ ៣-ឈ្មោះគង់ ដាលីន ភេទស្រី អាយុ១៧ឆ្នាំ និង៤-ឈ្មោះឡាច សុភី ភេទប្រុស អាយុ១៩ឆ្នាំ ។ ជនសង្ស័យទាំង៤នាក់នេះមានទីលំនៅក្នុងក្រុងបានលុង ។
ក្រោយពីឃាត់ខ្លួនជនសង្ស័យខាងលើ សមត្ថកិច្ចកិច្ចបានធ្វើតេស្តទឹកនោមលទ្ធផលវិជ្ជមាន គឺមានសារជាតិញៀនទាំង៤នាក់ ចំណែកវត្ថុតាងដកហូតបានរួមមានថ្នាំញៀនប្រភេទម្សៅក្រាមពណ៌សថ្លាចំនួន១ថង់ ម៉ាទឹកកកទម្ងន់០,៦៨ក្រាម និងសំបកថង់សម្រាប់វិចខ្ចប់មួយចំនួននិងសម្ភារសម្រាប់សេពគ្រឿងញៀនមួយកំប្លេផងដែរ ។
សមត្ថកិច្ចប៉ូលិសជំនាញបានអោយដឹងថា នៅក្នុងខែកញ្ញា ឆ្នាំ២០១៨ ចាប់ពីថ្ងៃទី៣ រហូតដល់ថ្ងៃទី២១ ខែកញ្ញា ឆ្នាំ២០១៨ សមត្ថកិច្ចប៉ូលិសជំនាញគ្រឿងញៀននៃស្នងការដ្ផាននគបាលខេត្តបើកប្រតិបត្តិការចាប់បានមុខសញ្ញាចែកចាយ និងប្រើប្រាស់ថ្នាំញៀនយ៉ាងសកម្មនៅក្នុងក្រុងបានលុងបានចំនួនសរុបទាំងប្រុសទាំងស្រីសុទ្ធតែក្មេងស្ទាវចំនួន២៤នាក់ ក្នុងនោះមានទាំងប្រុស មានទាំងស្រី ។
បច្ចុប្បន្ន ជនសង្សយ័ទាំង២៤នាក់ ត្រូវបានសមត្ថកិច្ចជំនាញបានកសាងសំណុំរឿងបញ្ជូន ទៅសាលាដំបូងដើម្បីចាត់ការតាមវិធីច្បាប់រួចរាល់អស់ហើយ ៕
ចែករំលែកព័តមាននេះ