រាជធានីភ្នំពេញ ៖ យោងតាមមន្ត្រីនៃមជ្ឈមណ្ឌលកំចាត់មីនកម្ពុជាបានលើកឡើងថាគិតត្រឹមតែរយៈពេល៨ខែ ឆ្នាំ២០១៨ នេះអត្រាគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាមមានជនរងគ្រោះចំនួន៣២នាក់ គឺមានការកើនឡើង៣% បើធៀបទៅនឹងរយៈពេលដូចគ្នាឆ្នាំ២០១៧មានចំនួនប្រមាណ៩នាក់ ដោយសារគ្រាប់មីនកប់ក្នុងដីនៅច្រើន ហើយពលរដ្ឋខ្វះការយល់ដឹងពីគ្រាប់មីននិងយុទ្ធភ័ណ្ឌមិនទាន់ផ្ទុះ…
រាជធានីភ្នំពេញ ៖ យោងតាមមន្ត្រីនៃមជ្ឈមណ្ឌលកំចាត់មីនកម្ពុជាបានលើកឡើងថាគិតត្រឹមតែរយៈពេល៨ខែ ឆ្នាំ២០១៨ នេះអត្រាគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាមមានជនរងគ្រោះចំនួន៣២នាក់ គឺមានការកើនឡើង៣% បើធៀបទៅនឹងរយៈពេលដូចគ្នាឆ្នាំ២០១៧មានចំនួនប្រមាណ៩នាក់ ដោយសារគ្រាប់មីនកប់ក្នុងដីនៅច្រើន ហើយពលរដ្ឋខ្វះការយល់ដឹងពីគ្រាប់មីននិងយុទ្ធភ័ណ្ឌមិនទាន់ផ្ទុះ ។
យោងតាមរបាយការណ៍របស់មជ្ឈមណ្ឌលជាតិរក្សាសន្តិភាពបោសសម្អាតមីន និងកាកសំណល់សង្គ្រាមចេញផ្សាយកាលពីចុងសប្តាហ៍មុននេះក្នុងពិធីផ្សព្វផ្សាយអប់រំកាត់បន្ថយគ្រោះថ្នាក់ដោយសារមីន សំណល់ជាតិផ្ទុះពីសង្គ្រាម នៅសាលាហ្វឹកហ្វឺនកងកម្លាំងរក្សាសន្តិភាពពហុជាតិ នាស្រុកភ្នំស្រួច ខេត្តកំពង់ស្ពឺ ដែលបានបញ្ជាក់ប្រាប់អ្នកសារព័ត៌មាន ។
ក្នុងរបាយការណ៍នេះបង្ហាញថា ៨ខែ ឆ្នាំ២០១៨ អាត្រាគ្រោះថ្នាក់មានចំនួន៣២នាក់ កើនទ្បើង ៣ភាគរយក្នុងឆ្នាំ២០១៧ គឺមានចំនួនប្រមាណ៩នាក់ ។ បើគិតពីឆ្នាំ ១៩៧៩ ដល់ឆ្នាំ២០១៧ អ្នករងគ្រោះថ្នាក់ដោយសារមីន និងសំណល់ជាតិផ្ទុះពីសង្គ្រាម មានចំនួនជាង ៦៤,៧២០នាក់ ។
ប្រភពពីលោកឧត្តមសេនីយ៍ឯក ផល សាម៉ន អគ្គនាយកមជ្ឈមណ្ឌលជាតិរក្សាសន្តិភាពទទួលបន្ទុកផ្នែកគ្រាប់មីន និងកាកសំណល់សង្គ្រាមបានប្រាប់អ្នកសារព័ត៌មានអោយដឹងថា បញ្ហារងគ្រោះថ្នាក់ដោយសារមីន មានការកើនឡើងជាងឆ្នាំមុននេះ ដោយសារគ្រាប់មីនភាគច្រើនមានកប់នៅក្នុងដី ជាពិសេសនៅតាមតំបន់ព្រំដែនកម្ពុជា ថៃ ក្នុងខេត្ត កោះកុង ប៉ៃលិន បាត់ដំបង ហើយប្រជាពលរដ្ឋរស់នៅតំបន់នោះ ខ្វះការយល់ដឹងពីគ្រាប់មីនកប់ក្នុងដី។
លោកថា ពួកគាត់ជួបគ្រោះថ្នាក់ដោយសារគ្រាប់មីន ពេលពួកគាត់ចុះភ្ជួររុករានព្រៃដើម្បីយកដីធ្វើកសិកម្ម ។ ចំពោះការផ្សព្វផ្សាយពីបញ្ហាគ្រោះថ្នាក់មីននេះក្នុងរបាយការណ៍បញ្ជាក់ថា ៨ខែឆ្នាំ២០១៨ មានប្រជាជនចូលរួមស្តាប់ចំនួន ២១៩៥នាក់ ដែលធ្វើអោយកម្ពុជា ត្រូវបានគេចាត់ទុកថាជាប្រទេសមួយ ដែលមានចំនួនជនរងគ្រោះថ្នាក់ដោយសារមីនច្រើនជាងគេបើធៀបទៅប្រទេសក្នុងតំបន់ ៕
ចែករំលែកព័តមាននេះ