«China Xinhua News» បានផ្សាយថា នៅពេលកូនចៅប្រឡងជាប់មហាវិទ្យាល័យ គឺជាមោទនភាពមួយរបស់ក្រុមគ្រួសារជនជាតិចិន។ ជាក់ស្ដែងសម្រាប់លោកយាយអាយុ៨៨ឆ្នាំ និងលោកតាអាយុ៩០ឆ្នាំ អ្នកខេត្តសានតុង បានចំណាយពេលជិះរថយន្តរយៈពេល៤ម៉ោង…
«China Xinhua News» បានផ្សាយថា នៅពេលកូនចៅប្រឡងជាប់មហាវិទ្យាល័យ គឺជាមោទនភាពមួយរបស់ក្រុមគ្រួសារជនជាតិចិន។ ជាក់ស្ដែងសម្រាប់លោកយាយអាយុ៨៨ឆ្នាំ និងលោកតាអាយុ៩០ឆ្នាំ អ្នកខេត្តសានតុង បានចំណាយពេលជិះរថយន្តរយៈពេល៤ម៉ោង ដើម្បីនាំចៅទៅមហាវិទ្យាល័យមួយនៅក្រុងហ៊ើយវ៉ាង ខេត្តសានតុង ក្នុងពេលបើកបវេសនកាលថ្មី ។
លោកយាយទោះបីជាក្នុងដៃមានកាន់ឈើច្រត់ ប៉ុន្តែបានរំលេចដោយស្នាមញញឹមប្រកបដោយសេចក្ដីសុខ និងមានមោទនភាពរួមទាំងបានបង្ហាញក្ដីរំភើបដែលចៅប្រឡងជាប់ ។ លោកយាយបានបញ្ជាក់ថា ចង់ឃើញមហាវិទ្យាល័យ ទើបធ្វើឲ្យសប្បាយចិត្ត ព្រោះចៅដែលខំចិញ្ចឹមតាំងពីតូចបានប្រឡងជាប់ និងផ្ដល់ប្រាក់ដល់ចៅចំនួន២.០០០យាន់សម្រាប់ចាយវាយ ។
ចំណែកម្ដាយរបស់យុវជននោះនិយាយថា ជាដំបូងគាត់មានក្ដីបារម្ភក្នុងពេលធ្វើដំណើរផ្លូវឆ្ងាយ ប៉ុន្តែឪពុកម្ដាយរបស់គាត់មានក្ដីរំភើប និងសប្បាយចិត្តដែលពួកគាត់អាចជូនដំណើរចៅបាន ហើយវាជាផ្នែកមួយឆ្លុះបញ្ចាំងឲ្យឃើញថា ពួកគាត់មានសុខភាពល្អ ៕
ចែករំលែកព័តមាននេះ