រាជធានីភ្នំពេញ៖ ទៅរស់នៅអាមេរិកចោលការងារសិល្បៈកំពុងតែលូតលាស់ អ្នកនាងតូច ស្រីពេជ្រ រំពឹងថាជីវិតប្តីប្រពន្ឋនឹងមានសេចក្តីសុខ តែមិនបានប៉ុន្មានផងនាងបែកបាក់គ្នា ។ ទន្ទឹមលេចលេចលឺរឿងបែកបាក់នេះ តារាសម្ដែងតូច ស្រីពេជ្រ…
រាជធានីភ្នំពេញ៖ ទៅរស់នៅអាមេរិកចោលការងារសិល្បៈកំពុងតែលូតលាស់ អ្នកនាងតូច ស្រីពេជ្រ រំពឹងថាជីវិតប្តីប្រពន្ឋនឹងមានសេចក្តីសុខ តែមិនបានប៉ុន្មានផងនាងបែកបាក់គ្នា ។ ទន្ទឹមលេចលេចលឺរឿងបែកបាក់នេះ តារាសម្ដែងតូច ស្រីពេជ្រ បានបង្ហោះរូបថតអោបថើបបុរសយ៉ាងផ្អែមល្ហែម ។
ឃើញរូបភាពនោះ ទស្សនិកជននៅក្នុងស្រុកអបអរដ្បិតនាងរកបានអ្នកស្អំបេះដូងក្រោយពីរងការឈឺចុកចាប់ក្នុងរឿងស្នេហា ហើយខាតបង់ឱកាសប្រឡូកសិល្បៈដែលកំពុងតែកាក់កប ។ បុរសថ្មីនោះមិនទាន់បង្ហាញអត្តសញ្ញាណទេ ។ រូបថតដែលបានបង្ហោះធ្វើឲ្យអ្នកគាំទ្ររបស់ស្រីពេជ្រ ចោទជាសំនួរនៅលើហ្វេសប៑ុក តើជាគូស្នេហ៍ថ្មីពិតមែន ឬយ៉ាងណា ? ទោះជាយ៉ាងណាក្តីនាងបានភ្ជាប់នឹងឃ្លាលើរូបថា «សំណប់ចិត្ត» ដែលរឹតតែធ្វើឲ្យ ម្នាក់ៗយល់ថា ជាស្នេហាថ្មីរបស់នាងហើយ ទើបនាងហ៊ានបង្ហោះ ដោយមិនខ្លាចភ្នែកមហាជនបែបនេះ ។
នៅមិនទាន់ដឹងថា បុរសដែលកៀកកើយអ្នកនាងតូច ស្រីពេជ្រ គឺជាអ្នកណាឲ្យប្រាកដនោះទេ ក្រៅពីមានការប៉ាន់ស្មានថា គឺជាអាណិកជនខ្មែរនៅអាមេរិកដែលរស់នៅរដ្ឋជាមួយនាង ក្រោយពេលនាងដាច់ស្រេចជាមួយស្វាមី ហើយមានដំណឹងថា នាងរើផ្ទះបែកពីអតីតស្វាមី ទៅរស់នៅរដ្ឋផ្សេង ។
អ្នកគាំទ្រសង្ឃឹមថា តូច ស្រីពេជ្រ នឹងបញ្ជាក់ឲ្យប្រាកដថា តើបុរសដែលអ្នកនាងថតកៀកកើយនោះ ជាគូស្នេហ៍ថ្មី ឬគ្រាន់តែថតលេងដើម្បីឲ្យមានការយល់ច្រឡំ ។
តារាសម្ដែងអ្នកនាងតូច ស្រីពេជ្រ បានបែកបាក់ស្វាមីនៅលើទឹកដីអាមេរិក តែនាង និងស្វាមីនៅរាប់អានគ្នាដើម្បីកូនស្រី និងដើម្បីកុំឲ្យមានរឿងចម្រូងចម្រាសណាមួយ ដែលនាំឲ្យខ្ចរខ្ចាយដល់មនុស្សនៅជុំវិញខ្លួនប៉ុណ្ណោះ ។ មានប្រភពបញ្ជាក់ថា តារាស្រីរូបនេះសម្រេចចិត្តបែកបាក់ស្វាមី គឺបន្ទាប់ពីនាង និងស្វាមី មានរឿងមិនចុះសម្រុងនឹងគ្នាច្រើន ព្រមជាមួយនឹងគម្លាតការងាររៀងខ្លួន ធ្វើឲ្យគូស្នេហ៍របស់អ្នកនាង កាន់តែឆ្ងាយមនោសញ្ចេតនាពីគ្នា ។
ម្យ៉ាងហេតុផលជីវិតរស់នៅលើទឹកដីថ្មី ដែលមិនឲ្យនាងស៊ាំនឹងបរិយាកាសដែលប្ដីផ្សេងប្រពន្ធផ្សេង ដូចខ្វះភាពកក់ក្ដៅនោះផង ទើបធ្វើឲ្យនាងកាន់តែមានអារម្មណ៍តូចចិត្ត ។ សភាពខ្វែងគំនិតក៏តម្រូវឲ្យនាងសុំបែកស្វាមី ដោយសន្តិវិធី ។
អ្នកនាងតូច ស្រីពេជ្រ និងស្វាមី ត្រូវគេទម្លាយថា នៅមិនទាន់សម្រេចចិត្តប្ដឹងលែងលះដល់ប្រព័ន្ធតុលាការនៅឡើយទេ ដោយសារតែស្វាមីនាង ចង់ទទួលបានលិខិតផ្លូវការ ដែលអាចរស់នៅលើទឹកដី១អាមេរិកដោយស្របច្បាប់សិន ទើបសម្រេចចិត្តលែងគ្នាដល់ផ្លូវច្បាប់ ៕
ចែករំលែកព័តមាននេះ