អត្ថប្រយោជន៍នៃការពិសាផ្លែប៉ោមក្នុងរយៈពេលយូរ ។ តើមានអ្វីខ្លះទៅ ?
ក្នុងផ្លែប៉ោម មានសារធាតុដែលអាចជួយការពារក្រពះ និងពោះវៀនអ្នកមិនឲ្យមានបញ្ហាឡើយ ។ ដូចនេះវានឹងអាចជួយធ្វើឲ្យអ្នកអាចចៀសពីជំងឺក្រពះ និងពោះវៀនបាន។
នៅពេលដែលអ្នកញ៉ាំច្រើន វានឹងជួយបញ្ចុះសម្ពាធឈាមអ្នក ដោយធ្វើឲ្យសម្ពាធឈាមអ្នកមិនងាយបុកឡើងមកឡើយ ។ ដូចនេះ អ្នកអាចជ្រើសរើសផ្លែប៉ោមមកបរិភោគបាន។
ប្រសិនជាអ្នកចង់មានរាងស្អាត អ្នកអាចពិសារផ្លែប៉ោមបាន ។ វានឹងជួយរក្សារាងអ្នកឲ្យស្អាតដូចដែលអ្នកប្រាថ្នា ព្រោះសារធាតុដែលមានក្នុងនោះ នឹងធ្វើឲ្យអ្នកអាចស្រកបានតាមចិត្តអ្នក ។
ចំពោះអ្នកដែលមានអាការខ្វះឈាម ផ្លែប៉ោមអាចជួយអ្នកបាន ។ វានឹងជួយប៉ូវឈាមអ្នកមកវិញក្រោយពេលដែលអ្នកញ៉ាំរួច ។
ផ្លែប៉ោមនឹងអាចជួយការពារបេះដូងអ្នក ដោយធ្វើឲ្យបេះដូងអ្នកមិនងាយជួបនឹងបញ្ហាឡើយ ។ ម្យ៉ាងទៀត វានឹងជួយការពារមិនឲ្យសរសៃឈាមអ្នកកករឹងនោះទេ ។ ដូចនេះអ្នកនឹងមិនងាយប្រទះនឹងជំងឺស្លាប់មួយចំហៀងខ្លួនឡើយ ។
ក្រោយពេលដែលអ្នកពិសារផ្លែប៉ោមរួច វានឹងជួយធ្វើឲ្យស្បែកអ្នកភ្លឺថ្លាជាងមុន ដោយធ្វើឲ្យអ្នកមិនងាយចាស់ឡើយ មិនបាច់ប្រើឡេក៏អាចសបានដែរ ។
ផ្លែប៉ោម នឹងជួយការពារអ្នកមិនឲ្យមានអាការៈពុកឆ្អឹងនោះទេ ព្រោះវាអាចជួយស្រូបយកជាតិកាល់ស្យូមទាំងឡាយ ដោយការពារឲ្យឆ្អឹងអ្នករឹងមាំតែម្តង ។
ចំពោះអ្នកដែលញ៉ាំផ្លែប៉ោមច្រើន កាឡូរីដែលមានក្នុងរាងកាយនឹងចុះទាប ។ ជាហេតុដែលធ្វើឲ្យអ្នកមិនងាយលើសជាតិខ្លាញ់ក្នុងរាងកាយឡើយ ។ ដូចនេះអ្នកអាចបរិភោគផ្លែប៉ោមឲ្យច្រើនបាន ព្រោះវាអាចផ្តល់អត្ថប្រយោជន៍ច្រើនណាស់ដល់សុខភាពអ្នក (ប្រភពពី៖ Health.com.kh) ៕
ចែករំលែកព័តមាននេះ