ប្រទេសកាណាដា ៖ នារី១៥រូបជារដ្ឋមន្ត្រីការបរទេស បានជួបប្រជុំគ្នាកាលពីថ្ងៃទី២១និង២២កញ្ញា នៅទីក្រុងម៉ុងរេអាល់កាណាដា ជាការជួបជុំគ្នាបែបនោះលើកដំបូង បានសន្យាជួបជុំគ្នាទៀតដោយទៀងទាត់ ដើម្បីវាយតម្លៃលើទស្សនវិស័យនារីក្នុងនយោបាយអន្តរជាតិ។ សហប្រធាននៃការជួបប្រជុំគ្នានោះលោកស្រីCHRYSTIA FREELAND…
ប្រទេសកាណាដា ៖ នារី១៥រូបជារដ្ឋមន្ត្រីការបរទេស បានជួបប្រជុំគ្នាកាលពីថ្ងៃទី២១និង២២កញ្ញា នៅទីក្រុងម៉ុងរេអាល់កាណាដា ជាការជួបជុំគ្នាបែបនោះលើកដំបូង បានសន្យាជួបជុំគ្នាទៀតដោយទៀងទាត់ ដើម្បីវាយតម្លៃលើទស្សនវិស័យនារីក្នុងនយោបាយអន្តរជាតិ។
សហប្រធាននៃការជួបប្រជុំគ្នានោះលោកស្រីCHRYSTIA FREELAND រដ្ឋមន្ត្រីការបរទេសកាណាដា ក្នុងសន្និសីទសារព័ត៌មានមួយក្រោយការជួបគ្នា ថ្លែងនាថ្ងៃទី២២កញ្ញាថា ការជួបជុំគ្នានេះ របស់រដ្ឋមន្ត្រីការបរទេសជានារី ជាឱកាសប្រវត្តិសាស្ត្រមួយ ដើម្បីអនុវត្តទស្សនវិស័យនារីលើបណ្ដាបញ្ហាអន្តរជាតិ។
ចំណែកលោកស្រីFEDERICA MOGHERINIប្រមុខការទូតសហភាពអឺរ៉ុបជាប្រភពនៃការជួបគ្នានេះ ហើយជាសហប្រធានជាមួយលោកស្រី FREELANDថ្លែងថា យើងបានពិភាក្សាគ្នាលើបញ្ហានានារបស់នារី ហើយយើងក៏ពិភាក្សាគ្នាដែរបញ្ហានៃការរស់នៅប្រចាំថ្ងៃរបស់យើង បញ្ហាសីុរី អ៊ុយក្រែន នីការ៉ាហ្គា។ល។ជាការបង្ការជម្លោះឬជាការរួមចំណែកដល់ការអភិវឌ្ឃន៍ប្រកបដោយចីរភាព។
នារី១៥រូបជាប្រមុខការទូត ជាចំនួនពាក់កណ្ដាលនៃនារីជារដ្ឋមន្ត្រីការបរទេសលើពិភពលោក បានព្រមព្រៀងជួបប្រជុំគ្នាដោយទៀងទាត់ និងជាផ្លូវការយ៉ាងយូរមួយឆ្នាំម្ដង។
ក្នុងការជួបជុំគ្នានោះ ក្រៅពីលោកស្រីFREELANDនិងលោកស្រីMOGHERINIមានលោកស្រីរដ្ឋមន្ត្រីការបរទេសអាហ្វ្រិកខាងត្បូង ប៊ុលហ្គារី កូស្តារីកា ក្រូអាស៊ី ហ្គាណា ហ្គាតេម៉ាឡា ឥណ្ឌូណេស៊ី កេនយ៉ា ណាមីប៊ី ន័រវែស ប៉ាណាម៉ា សាំងលូស៊ី និងស៊ុយអែត៕
ចែករំលែកព័តមាននេះ