ខេត្តសៀមរាប ៖ រថយន្តកែច្នៃបានបុកគ្នាជាមួយម៉ូតូមួយគ្រឿងក្នុងទិសដៅបញ្ច្រាសគ្នាពេញទំហឹង បណ្តាលឱ្យស្លាប់ ភ្លាមៗនៅកន្លែងកើតហេតុ បង្កឱ្យមានការកកស្ទះមួយសន្ទុះនៅលើដងផ្លូវជាតិលេខ៦។ ហេតុការគ្រោះថ្នាក់ចរាចរណ៍រវាងរថយន្តកែច្នៃ បុកជាមួយម៉ូតូនោះ បានកើតឡើងនៅវេលាម៉ោង២ និង១០នាទីឈានចូលថ្ងៃទី២៣…
ខេត្តសៀមរាប ៖ រថយន្តកែច្នៃបានបុកគ្នាជាមួយម៉ូតូមួយគ្រឿងក្នុងទិសដៅបញ្ច្រាសគ្នាពេញទំហឹង បណ្តាលឱ្យស្លាប់ ភ្លាមៗនៅកន្លែងកើតហេតុ បង្កឱ្យមានការកកស្ទះមួយសន្ទុះនៅលើដងផ្លូវជាតិលេខ៦។
ហេតុការគ្រោះថ្នាក់ចរាចរណ៍រវាងរថយន្តកែច្នៃ បុកជាមួយម៉ូតូនោះ បានកើតឡើងនៅវេលាម៉ោង២ និង១០នាទីឈានចូលថ្ងៃទី២៣ ខែកញ្ញា ឆ្នាំ២០១៨នេះ ស្ថិតនៅកំណាត់ផ្លូវជាតិលេខ៦ ត្រង់ចំណុចភូមិលលៃ ឃុំបាគង ស្រុកប្រាសាទបាគង ខេត្តសៀមរាប។
ប្រភពបានបញ្ជាក់ថា ជនរងគ្រោះដែលស្លាប់ឈ្មោះ ឈ្នាង ទើន ភេទប្រុស អាយុ២៥ឆ្នាំ រស់នៅភូមិមមាញ ឃុំរលួស ស្រុកប្រាសាទបាគង ខេត្តសៀមរាប ជាអ្នកបើកបរម៉ូតូម៉ាកហុងដា ស៊េរីឆ្នាំ២០១០ ពណ៌ខ្មៅ ពាក់ស្លាកលេខ សៀមរាប ១J-៩៦៤៩ ។ចំណែករថយន្តកែច្នៃ ម៉ាកម៉ាស្តា គ្មានស្លាកលេខ បើកបរដោយបុរសម្នាក់មិនស្គាល់អត្តសញ្ញាណ បានរត់គេចខ្លួនបាត់ស្រមោល ។
តាមប្រភពពីមន្ត្រីនគរបាលស្រុកប្រាសាទបាគង បានប្រាប់ឱ្យដឹងថា មុនពេលកើតហេតុ មានពលរដ្ឋរាយការណ៍មកសមត្ថកិច្ចមូលដ្ឋានថា មានរថយន្តកែច្នៃមួយគ្រឿង គ្មានស្លាកលេខ ម៉ាកម៉ាស្តា ដែលបើកបរមកពីទិសខាងត្បូងឆ្លងផ្លូវ ទៅទិសខាងជើងបានបុកម៉ូតូមួយគ្រឿង ពេញទំហឹងម៉ាកហុងដាដែលបើកបរក្នុងទិសដៅបញ្ច្រាសគ្នាពីលិចទៅកើត បណ្តាលឱ្យម្ចាស់ម៉ូតូស្លាប់ភ្លាមៗ ។
បន្ទាប់មកកម្លាំងជំនាញក៏បានចុះទៅដល់កន្លែងកើតហេតុ ប៉ុន្តែរថយន្តកែច្នៃ បានគេចខ្លួនបាត់ រួចកម្លាំងជំនាញក៏បានធ្វើការវាស់វែង យកម៉ូតូចេញពីកន្លែងកើតហេតុ ដើម្បីកុំឱ្យស្ទះចរាចរណ៍។
មូលហេតុ បណ្តាលមកពីអ្នកបើកបររថយន្តកែច្នៃ បើកបរមកពីទិសខាងត្បូងឆ្លងផ្លូវទៅទិសខាងជើង ខ្វះការប្រុងប្រយ័ត្ន ហើយអ្នកបើកបរបានរត់គេចខ្លួនបាត់ មុនពេលសមត្ថកិច្ចទៅដល់ ។
បច្ចុប្បន្ន សពជនរងគ្រោះត្រូវបានសមត្ថកិច្ចជំនាញធ្វើការប្រគល់ឱ្យក្រុមគ្រួសារ យកទៅធ្វើបុណ្យតាមប្រពៃណី៕
ចែករំលែកព័តមាននេះ