ខេត្តឧត្តរមានជ័យ ៖ រថយន្តមួយគ្រឿងបុកគ្នាជាមួយម៉ូតូកង់បីមានដឹកការ៉េមលក់ក្នុងទិសដៅបញ្ច្រាសគ្នាយ៉ាងពេញទំហឹង បណ្តាលឱ្យមនុស្សម្នាក់ស្លាប់ ភ្លាមៗនៅនឹងកន្លែង ។ ហេតុការណ៍នេះបានកើតឡើងកាល ពីវេលាម៉ោង៣និង៥០នាទីល្ងាចថ្ងៃទី២១ កញ្ញា ២០១៨…
ខេត្តឧត្តរមានជ័យ ៖ រថយន្តមួយគ្រឿងបុកគ្នាជាមួយម៉ូតូកង់បីមានដឹកការ៉េមលក់ក្នុងទិសដៅបញ្ច្រាសគ្នាយ៉ាងពេញទំហឹង បណ្តាលឱ្យមនុស្សម្នាក់ស្លាប់ ភ្លាមៗនៅនឹងកន្លែង ។ ហេតុការណ៍នេះបានកើតឡើងកាល
ពីវេលាម៉ោង៣និង៥០នាទីល្ងាចថ្ងៃទី២១ កញ្ញា ២០១៨ នៅចំណុចផ្លូវជាតិមួយខ្សែលេខ៦៨B ជាផ្លូវកោង ស្ថិតនៅក្នុងភូមិពុរ សង្កាត់កំរោង ក្រុងសំរោង ខេត្តឧត្តរមានជ័យ។
ជនរងគ្រោះដែលស្លាប់ឈ្មោះប៉ាន់ វ៉ាន់ភេទប្រុស អាយុ៥២ឆ្នាំ ជាអ្នកបើកបរម៉ូតូកង់៣លក់ការ៉េម រស់នៅភូមិភ្នៀត សង្កាត់សំរោង ក្រុងសំរោង ខេត្តឧត្តរមានជ័យ ចំណែករថយន្តម៉ាកកាមរីពណ៍ស គ្មានស្លាកលេខ អ្នកបើកបរបានរត់គេចខ្លួនបាត់ស្រមោល។
សាក្សីនៅនឹងកន្លែងកើតហេតុបានឱ្យដឹងថា គេបានឃើញអ្នកបើកបរម៉ូតូដឹកការ៉េមលក់បើកបរម៉ូតូនៅខាងស្តាំដៃរបស់ខ្លួន ហើយរថយន្តម៉ាកកាមារីបើកបរក្នុងទិសដៅបញ្ច្រាសគ្នា ក្នុងល្បឿនលឿន ស្រាបតែមកដល់កោងក៏ជ្រុលចង្កូតទៅបុកម៉ូតូយ៉ាងពេញទំហឹងបណ្តាលឱ្យអ្នកបើកបរម៉ូតូកង់បីមានលក់ការ៉េមស្លាប់ភ្លាមៗនៅនឹងកន្លែងកើតហេតុ ចំណែកអ្នកបើកបររថយន្តបានរត់គេចខ្លួនបាត់ស្រមោល។
ប៉ូលិសផ្នែកចរាចរណ៍ក្រុងសំរោងបានឱ្យដឹងថា ក្រោយពិកើតហេតុ សមត្តកិច្ចជំនាញបានចុះទៅធ្វើការវាស់វែង នឹងធ្វើការពិនិត្យរកឃើញថា រថយន្តម៉ាកកាមរីបើកបរដោយមិនគោរពច្បាប់ចរាចរណ៍ ។
ក្រោយពីបានធ្វើការវាសវែងរួច សមត្ថកិច្ចបានប្រគល់សពទៅឱ្យក្រុមគ្រួសារ និងសាច់ញាតិយកទៅធ្វើបុណ្យទៅតាមប្រពៃណី ចំណែកវត្ថុតាងរថយន្ត និងម៉ូតូត្រូវបានសមត្ថកិច្ចនាំយកទៅរក្សាទុក្ខនៅអធិការក្រុងដើម្បីរង់ចាំធ្វើការដោះស្រាយ៕
ចែករំលែកព័តមាននេះ