ខេត្តព្រះសីហនុ ៖ ករណីអគ្គីភ័យឆាបឆេះក្លិបកម្សាន្តមួយកន្លែងដែលមានយីហោ ដុងហ្វាងអ៊ិនធើធេនមិន ជនជាតិចិន បានកើតឡើងនៅវេលាម៉ោង១០និង៣០នាទីព្រឹកថ្ងៃទី២៣ ខែកញ្ញា ឆ្នាំ២០១៨ ដែលក្លិបកម្សាន្តជនជាតិចិន មានទីតាំងស្ថិតនៅតាមបណ្តោយវិថីឯករាជ្យ…
ខេត្តព្រះសីហនុ ៖ ករណីអគ្គីភ័យឆាបឆេះក្លិបកម្សាន្តមួយកន្លែងដែលមានយីហោ ដុងហ្វាងអ៊ិនធើធេនមិន ជនជាតិចិន បានកើតឡើងនៅវេលាម៉ោង១០និង៣០នាទីព្រឹកថ្ងៃទី២៣ ខែកញ្ញា ឆ្នាំ២០១៨ ដែលក្លិបកម្សាន្តជនជាតិចិន មានទីតាំងស្ថិតនៅតាមបណ្តោយវិថីឯករាជ្យ ត្រង់ចំណុចជាប់ និងកាស៊ីណូ (ជីង បុរី ) ក្បែររង្វង់មូលតោ០២ ស្ថិតក្នុងក្រុម១៧ ភូមិ០៤ សង្កាត់លេខ០៤ក្រុង-ខេត្តព្រះសីហនុ ។
សមត្ថកិច្ចដែលចុះអន្តរាគមន៍បាញ់ទឹកពន្លត់បានធ្វើការសន្និដ្ឋានជាជំហ៊ានដំបូងថា ករណីខាងលើបណ្តាលមកពីឆ្លងចរន្តអគ្គិសនី ហើយពេលនេះបានរថយន្តបង្ការ និងពន្លត់អគ្គិភ័យស្នងការ-រដ្ឋាននគរបាលខេត្តព្រះសីហនុ និងរថយន្តបង្ការ និងពន្លត់អគ្គិភ័យទីបញ្ជាការកងរាជអាវុធហត្ថខេត្តព្រះសីហនុជាច្រើនរថយន្ត កំពុងតែមមាញឹកក្នុងការបាញ់ទឹកពន្លត់ ដោយបានប្រើប្រាស់អស់រយៈពេលប្រមាណជា០២ម៉ោង ទើបរលត់ទៅវិញ នៅវេលាម៉ោង១២គត់ ។
នៅក្នុងហេតុការណ៍ខាងលើមិនបណ្តាលឲ្យមានរងរបួស ឬបាត់បង់អាយុជីវិតមនុស្សទេ ។ ប៉ុន្តែការសន្និដ្ឋានពីការខូចខាតទ្រព្យសម្បត្តិសមត្ថកិច្ចមិនទាន់ធ្វើការសន្និដានបាននៅឡើយទេ ដោយហេតុថា នៅក្នុងខាងក្នុងក្លិបវាស្មុគ្រស្មាញងងឹតសូន្យសុង ដោយសារចរន្តភ្លើងត្រូវបានកាត់ផ្តាច់ការពារដល់ការឆ្លងចរន្តឆក់ដល់សមត្ថកិច្ចដែលចុះជួយអន្តរាគមន៍ ។
គួររំលឹកឲ្យដឹងឡើងវិញដែរថា ករណីអគ្គិភ័យឆាបឆេះគ្រឿងក្នុងក្លិបកម្សាន្ត នៅពេលវេលាខាងលើ ជាលើកទី០២បន្ទាប់ ពីករណីអគ្គិភ័យឆាបឆេះគ្រឿងក្នុងក្លិបកម្សាន្ត (L.V) នាពេលកន្លងមក ដែលបណ្តាលឲ្យអ្នកចម្រៀងបុរសសំបូរស្នេហ៍រូបស្រស់សោភាម្នាក់ត្រូវបានអគ្គិភ័យឆាបឆេះរលេះរលួយសាច់ ហើយបានស្លាប់ ក្រោយពេលដែលក្រុមគ្រួសារបានបញ្ជូនទៅព្យាបាលនៅឯប្រទេសវៀតណាម ៕
ចែករំលែកព័តមាននេះ