រាជធានីភ្នំពេញ ៖ ជនសង្ស័យ១៤នាក់ត្រូវបានកម្លាំងចម្រុះនៃសង្កាត់ស្ទឹងមានជ័យទី២ មានអាជ្ញាធរមូលដ្ឋានដឹកនាំដោយលោកចៅសង្កាត់ និងកម្លាំងកងរាជអាវុធហត្ថខណ្ឌមានជ័យធ្វើការចុះរដ្ឋបាលពិនិត្យ និងឃាត់ខ្លួនដើម្បីបន្តនីតិវិធីក្រោយមានបណ្តឹងពីពលរដ្ឋជិតខាងលើបញ្ហាគ្រឿងញៀន និងបញ្ហាអសន្តិសុខផ្សេងៗ ។ ការចុះរដ្ឋបាលខាងលើនេះធ្វើឡើងនៅវេលាម៉ោង១៥និង៣០នាទីរសៀលថ្ងៃទី២២ ខែកញ្ញា…
រាជធានីភ្នំពេញ ៖ ជនសង្ស័យ១៤នាក់ត្រូវបានកម្លាំងចម្រុះនៃសង្កាត់ស្ទឹងមានជ័យទី២ មានអាជ្ញាធរមូលដ្ឋានដឹកនាំដោយលោកចៅសង្កាត់ និងកម្លាំងកងរាជអាវុធហត្ថខណ្ឌមានជ័យធ្វើការចុះរដ្ឋបាលពិនិត្យ និងឃាត់ខ្លួនដើម្បីបន្តនីតិវិធីក្រោយមានបណ្តឹងពីពលរដ្ឋជិតខាងលើបញ្ហាគ្រឿងញៀន និងបញ្ហាអសន្តិសុខផ្សេងៗ ។
ការចុះរដ្ឋបាលខាងលើនេះធ្វើឡើងនៅវេលាម៉ោង១៥និង៣០នាទីរសៀលថ្ងៃទី២២ ខែកញ្ញា ឆ្នាំ២០១៨ នៅចំណុចសំណង់មិនរៀបរយ ស្ថិតក្នុងក្រុមទី១៧ ភូមិឬស្សី៣ សង្កាត់ស្ទឹងមានជ័យទី២ ខណ្ឌមានជ័យ រាជធានីភ្នំពេញ ។
ជនសង្ស័យទាំង១៤នាក់ដែលត្រូវបានឃាត់ខ្លួនមានឈ្មោះទី១-ស ចាន់មករា ភេទប្រុស អាយុ២៧ឆ្នាំ មុខរបរបើកឡាន ស្នាក់នៅដើមមៀន ខណ្ឌសែនសុខ (ធ្លាប់ជាប់មណ្ឌល៦ខែ១០ថ្ងៃ) , ទី២- ឈ្មោះ អ៊ុក វតនៈវិចិត្រ ហៅណាក់ ភេទប្រុស អាយុ២១ឆ្នាំ មុខរបររើសអេតចាយ , ទី៣ឈ្មោះ កែវ តួ ភេទប្រុស អាយុ២៦ឆ្នាំ មុខរបររើសអេតចាយ , ទី៤- ឈ្មោះ ប៊ុន ចាន់ទី ភេទប្រុស អាយុ២០ឆ្នាំ មុខរបរលក់សាច់ពិសេស ស្នាក់នៅផ្ទះជួល សង្កាត់បឹងទំពន់១ ,ទី៥ – ឈ្មោះ ម៉ម សុខសំណាង ភេទប្រុស អាយុ២៣ឆ្នាំ មុខរបររើសអេតចាយ , ទី៦- ឈ្មោះ ដាន ផល្លា ភេទប្រុស អាយុ២០ឆ្នាំ មុខរបររើសអេតចាយ,ទី៧ – ឈ្មោះ ចេក វាសនា ភេទប្រុស អាយុ១៨ឆ្នាំ មុខរបររើសអេតចាយ , ទី៨- ឈ្មោះ តក់ ណន ភេទប្រុស អាយុ២៥ឆ្នាំ , ទី៩- ឈ្មោះ អ៊ុក សេរីវុធ ភេទទី៣ អាយុ២៣ឆ្នាំ មុខរបររើសអេតចាយ , ទី១០- ឈ្មោះ សួន សិត ភេទប្រុស អាយុ២០ឆ្នាំ មុខរបររើសអេតចាយ,ទី១១- ឈ្មោះ សុខ សាន្ត ភេទប្រុស អាយុ២១ឆ្នាំ មុខរបររើសអេតចាយ,ទី១២- ឈ្មោះ អ៊ុក រស្មី ភេទប្រុស អាយុ២១ឆ្នាំ មុខរបររើសអេតចាយ,ទី១៣-ឈ្មោះ ព្រឿង កូលីន ភេទប្រុស អាយុ១៨ឆ្នាំ មុខរបររើសអេតចាយ និងទី១៤-ឈ្មោះ ម៉ូយ ឌុក ភេទស្រី អាយុ១៨ឆ្នាំ មុខរបររើសអេតចាយ ។
មន្ត្រីកងរាជអាវុធហត្ថខណ្ឌឲ្យដឹងថា មុនឈានដល់ការចុះរដ្ឋបាលឃាត់ខ្លួន គឺកម្លាំងអាវុធហត្ថបានទទួលពាក្យបណ្តឹងជាច្រើនពីប្រជាពលរដ្ឋរស់នៅក្បែរតំបន់នោះលើក្រុមជនមួយចំនួនធំមានការជួញដូរ និងសេពគ្រឿងញៀនយ៉ាងអាណាធិបតេយ្យ ពិសេស គឺក្រុមជនសង្ស័យដែលតែងកាន់ដាវដំបង និងសម្ភារៈផ្សេងៗដើរសម្លុតគេឯង និងមានពេលខ្លះឈានដល់ប្រើហិង្សាលើពលរដ្ឋដែលមិនដឹងអ្វីសោះផងដែរ បង្កឲ្យពលរដ្ឋក្បែរនោះកើតការព្រួយបារម្ភ និងភ័យខ្លាចអំពីសុខសុវត្ថិភាពរបស់ពួកគាត់ និងក្រុមគ្រួសារសាច់ញាតិ ។
ក្រោយទទួលបានបណ្តឹងពីក្រុមពលរដ្ឋកម្លាំងកងរាជអាវុធហត្ថខណ្ឌសហការជាមួយក្រុមអាជ្ញាធរមូលដ្ឋានបាននាំគ្នាចុះរដ្ឋបាលនៅតំបន់អាណាធិបតេយ្យខាងលើតែម្តងដោយធ្វើការពិនិត្យមើលរាល់បុគ្គលដែលសង្ស័យទាំងអស់ ។ ជាលទ្ធិផលជាក់ស្តែងកម្លាំងចម្រុះបានឃាត់មនុស្ស១៤នាក់ ក្នុងនោះស្រីម្នាក់ ដោយដកហូតបានវត្ថុតាងរួមមាន៖ ម្សៅក្រាមសថ្លាចំនួន០២កញ្ចប់ , ដបសម្រាប់សេពចំនួន០៤ , ដែកកេសចំនួន០៣ និឧបករណ៍ពាក់ព័ន្ធមួយចំនួនផ្សេងទៀតផងដែរ ។
ក្រោយការឃាត់ខ្លួនពួកគេត្រូវបានបញ្ចូនខ្លួនទៅកាន់ការិយាល័យប្រឆាំងបទល្មើសគ្រឿងញៀននៃទីបញ្ជាការដ្ឋានកងរាជអាវុធហត្ថរាជធានីភ្នំពេញ ដើម្បីសាកសួរនាំបន្ថែម និងបន្តនីតិវិធី ។ មន្ត្រីអាវុធហត្ថបញ្ជាក់ឲ្យដឹងថា ក្រុមជនសង្ស័យទាំង១៤នាក់ខាងលើ គឺសុទ្ធសឹងតែមានសារធាតុញៀននៅក្នុងខ្លួន ហើយនៅក្នុងនោះដែរក៏មានមួយចំនួនជាមុខសញ្ញាលួច និងឆក់យ៉ាងសកម្មដែលកម្លាំងកងរាជអាវុធហត្ថខណ្ឌមានជ័យតាមដានជាប់មករហូតផងដែរ ៕
ចែករំលែកព័តមាននេះ