ខេត្តកំពង់ស្ពឺ ៖ បុរស២នាក់ រស់នៅភូមិផ្សេងគ្នា ដោយសារមានវិបត្តិផ្ទាល់ខ្លួនដោះស្រាយមិនចេញបានសម្រេចចិត្តចងកធ្វើអត្តឃាតក្នុងផ្ទះរៀងៗខ្លួន បណ្តាលឱ្យស្លាប់បាត់បង់ជីវិតដោយគ្មានសាច់ញាតិណាជួយសង្គ្រោះទាន់ឡើយ។ ករណីខាងលើនេះ បានកើតឡើងនៅភូមិ២ផ្សេងៗគ្នា ស្ថិតក្នុងឃុំ-ស្រុក និងថ្ងៃតែមួយ…
ខេត្តកំពង់ស្ពឺ ៖ បុរស២នាក់ រស់នៅភូមិផ្សេងគ្នា ដោយសារមានវិបត្តិផ្ទាល់ខ្លួនដោះស្រាយមិនចេញបានសម្រេចចិត្តចងកធ្វើអត្តឃាតក្នុងផ្ទះរៀងៗខ្លួន បណ្តាលឱ្យស្លាប់បាត់បង់ជីវិតដោយគ្មានសាច់ញាតិណាជួយសង្គ្រោះទាន់ឡើយ។
ករណីខាងលើនេះ បានកើតឡើងនៅភូមិ២ផ្សេងៗគ្នា ស្ថិតក្នុងឃុំ-ស្រុក និងថ្ងៃតែមួយ គឺម្នាក់រស់នៅភូមិព្រៃទួល ធ្វើអត្តឃាតនៅម៉ោង៨ និង៣០នាទីព្រឹក និងម្នាក់ទៀតរស់នៅភូមិត្រពាំងពោធិ ឃុំវល្លិសរ ស្រុកសំរោងទង ធ្វើអត្តឃាតនៅម៉ោង៩ព្រឹកថ្ងៃទី២២ ខែកញ្ញា ឆ្នាំ២០១៨។
ជនរងគ្រោះដែលស្លាប់ទាំង២នាក់ខាងលើ ទី១-ឈ្មោះអ៊ីម កេ ភេទប្រុស អាយុ៣៥ឆ្នាំ រស់នៅភូមិព្រៃទួល ឃុំវល្លិសរ ស្រុកសំរោងទង និងទី២-ឈ្មោះអឹន សុជាតិ ភេទប្រុស អាយុ២១ឆ្នាំ រស់នៅភូមិត្រពាំងពោធិ ឃុំវល្លិសរ ស្រុកសំរោងទង។
ប្រភពព័ត៌មានពីសមត្ថកិច្ចស្រុកសំរោងទង បានឲ្យដឹងថា ជនរងគ្រោះទី១ បានយកខ្សែភ្លើងពណ៌ស ចងកសម្លាប់ខ្លួនភ្ជាប់នឹងឈើផ្ទោងដំបូលផ្ទះបាយ កម្ពស់២ម៉ែត្រ។ចំណែកឯជនរងគ្រោះទី២ បានយកក្រមាពណ៌ខ្មៅលាយពណ៌ទឹកក្រូច ចងកសម្លាប់ខ្លួនភ្ជាប់នឹងធ្នឹមក្រោមផ្ទះ កម្ពស់២ម៉ែត្រ។
យោងតាមការបំភ្លឺពីសាច់ញាតិបានប្រាប់សមត្ថកិច្ចថា ជនរងគ្រោះសុទ្ធតែមនុស្សមានវិបត្តិផ្លូវចិត្តរៀងៗខ្លួន ។
ករណីអត្តឃាតនេះមិនមានសាច់ញាតិណាម្នាក់ដឹងទេថាតើបុរសទាំង២នាក់ដែលសម្រេចចិត្តចងកអ្វើអត្តឃាតនេះមានវិបត្តិអ្វីឡើយទើបសម្រេចចិត្តបញ្ចប់ជីវិតខ្លួនបែបនេះ។
ក្រោយពីអាជ្ញាធរភូមិ និងនគរបាលបច្ចេកទេសធ្វើកោសល្យវិច័យរួច បានប្រគល់សពឲ្យក្រុមគ្រួសារ ចាត់ចែងធ្វើបុណ្យតាមប្រពៃណីរៀងៗខ្លួន៕
ចែករំលែកព័តមាននេះ