រាជធានីភ្នំពេញ ៖ នាវេលាព្រឹកថ្ងៃទី២២ កញ្ញា លោកពេជ្រ កែវមុនី អភិបាលខណ្ឌមានជ័យ បាននាំយករង្វាន់ផ្តល់ជូនសិស្សានុស្សសិស្សចំនួន២៤នាក់ ដែលទើបនឹងប្រលងជាប់សញ្ញាមធ្យមសិក្សាទុតិយភូមិ ចំនួន៤៧នាក់គិតចាប់ពីនិទ្ទេស A ដល់និទ្ទេស D ដើម្បីជាការលើកកម្ពស់ និងជាការអបអរសាទរចំពេាះការខិតខំប្រឹងប្រែងរបស់ពួកគេកន្លងមក ។ អង្គពិធីខាងលើនេះ ប្រព្រឹត្តិទៅនាវិទ្យាល័យហ៊ុនសែន ចាក់អង្រែក្រោម ស្ថិតតាមបណ្តោយផ្លូវជាតិលេខ២ ក្នុងសង្កាត់ចាក់អង្រែក្រោម ខណ្ឌមានជ័យ រាជធានីភ្នំពេញ ។
លោកពេជ្រ កែវមុនី អភិបាលខណ្ឌមានជ័យ បានមានប្រសាន៍ និងថ្លែងអំណរគុណដល់ និងបានកោតសរសើរដល់ លោកគ្រូ អ្នកគ្រូទាំអស់ ដែលបានចូលរួមក្នុងការបណ្តុះបណ្តាលយ៉ាងយកចិត្តទុកដាក់ ដល់សិស្សានុសិស្សកន្លងមក ដែលសកម្មភាពទាំងនេះគឺជាការចូលរួមលើកស្ទួយគុណភាពលើវិស័យអប់រំនៅកម្ពុជា ឲ្យកាន់តែរីកចម្រើន ទៅមុខបន្តទៀត។
លោកអភិបាល ក៏បានផ្តាំផ្ញើដល់សិស្សានុសិស្ស ឲ្យខិតខំព្យាយាមរៀនសូត្រ ក្រេបយកចំណេះដឹង ដើម្បីយកចំណេះដឹងទាំងអស់នេះចូលរួមអភិវឌ្ឍន៍សង្គមជាតិយើងឲ្យកាន់តែមានការរីកចម្រើនទៅមុខបន្តទៀត ជាពិសេសត្រូវជៀសឲ្យឆ្ងាយពីការប្រើប្រាស់គ្រឿងញៀន នឹងត្រូវចូលរួមគោរពច្បាប់ចរាចរណ៍ ឲ្យបានត្រឹមត្រូវ ព្រមទាំងត្រូវធ្វើខ្លូនជា កូនល្អ សិស្សល្អ និងប្រជាណលរដ្ឋល្អ សម្រាប់សង្គមជាតិយើង ។ ជាពិសេស ក្មួយៗសិស្សានុសិស្សដែលប្រឡងជាប់ ចង់រៀនបន្តសកលវិទ្យាល័យ អាចទាក់ទៅលោកអភិបាលរង ឡុង ង៉ែត ដើម្បីទទួលយក អាហារូបករណ៍ របស់សម្ដេច តេជោ ហ៊ុន សែន នាយករដ្ឋមន្ត្រី និងរបស់ ឯកឧត្ដម ហ៊ុន ម៉ាណែត និង អាហារូបករណ៍ ផ្សេងៗទៀតបាន។
ក្នុងពីធីនេះដែរ លោក ពេជ្រ កែវមុនី អភិបាលខណ្ឌមានជ័យ បានឧបត្ថម្ភដូចជា ៖ ១-ឧបត្ថម្ភសិស្សជាប់និទ្ទេស A ទទួលបានម៉ូតូមួយគ្រឿង ម៉ាក Wave ស៊េរីឆ្នាំ២០១៨ ម្នាក់មួយគ្រឿង ចំនួន ២នាក់ ។ ២-ឧបត្ថម្ភដល់សិស្សជាប់និទ្ទេស B ទទួលបាន Computer ម្នាក់មួយគ្រឿង ចំនួន ៧នាក់ ។ ៣-ឧបត្ថម្ភដល់សិស្សជាប់និទ្ទេស C ទទួលបានថវិកា ក្នងម្នាក់ ១០០ដុល្លារ ចំនួន ១៤នាក់ ។ ៤-ឧបត្ថម្ភដល់សិស្សជាប់និទ្ទេស D ទទួលបានថវិកា ក្នុងម្នាក់ ៥០ដុល្លារ ចំនួន ២៤នាក់ផងដែរ
ទន្ទឹមនឹងនេាះ ដែរ លោកអភិបាលខណ្ឌ ក៏បានឧបត្ថម្ភថវិកាជូនដល់វិទ្យាល័យហ៊ុនសែនចាក់អង្រែ ចំនួន៥០០ដុល្លារ និងឧបត្ថម្ភថវិកាជូនបឋមសិក្សាហ៊ុនសែនចាក់អង្រែចំនួន ២៥០ដុល្លារ បន្ថែមផងដែរ ៕
ចែករំលែកព័តមាននេះ