ប៉េអឹម៣រូបត្រូវឡើងទៅបំភ្លឺឱ្យច្បាស់រឿងទារប្រាក់១ម៉ឺនដុល្លារ…ថ្នូរនឹងការដោះលែងវិញ
- បាត់ដំបង
ខេត្តបាត់ដំបង៖ មន្ត្រីកងរាជអាវុធហត្ថខេត្តចំនួន៣រូប ដែលទើបបែកធ្លាយនូវរឿងរ៉ាវដ៏អាស្រូវបំផុត កាលពីពេលថ្មីៗនេះ នឹងត្រូវចូលខ្លួនមកបំភ្លឺនៅសាលាដំបូងខេត្តជាបន្តបន្ទាប់ ក្នុងអំឡុងពាក់កណ្ដាលខែតុលាខាងមុខនេះ តាមរយៈដីកាកោះរបស់តំណាងអយ្យការអមសាលាដំបូងខេត្ត ដែលគេសង្ស័យថា ការចូលខ្លួនបំភ្លឺនេះ អាចជាប់ពាក់ព័ន្ធក្នុងសំណុំរឿងចាប់អ្នកដឹកជញ្ជូនសត្វព្រៃបង្ខាំងក្នុងរថយន្ត…
យោងតាមដីកាកោះរបស់តំណាងអយ្យការអមសាលាដំបូងខេត្ត ដែលកោះសន្តិភាពទទូលបាននៅព្រឹកថ្ងៃទី២១ កញ្ញា បានឱ្យដឹងថា មន្ត្រីកងរាជអាវុធហត្ថទាំង៣រូប ដែលត្រូវចូលខ្លួនទៅបំភ្លឺនៅក្នុងបន្ទប់អយ្យការនោះមាន ១-ឈ្មោះពៅ ទុំ អាយុ៤៥ឆ្នាំ ជាមន្ត្រីកងរាជអាវុធហត្ថខេត្ត មានភារកិច្ចប្រចាំស្នាក់ការសន្តិសុខ៥០៨ទិសទន្លេសាប ត្រូវចូលខ្លួនទៅបំភ្លឺនៅម៉ោង៩ព្រឹកថ្ងៃទី១៦ តុលា ២០១៨ ។ ២-ឈ្មោះទ្រី តិចសែ អាយុ៥០ឆ្នាំ ជាមន្ត្រីកងរាជអាវុធហត្ថខេត្ត ត្រូវចូលខ្លួនទៅបំភ្លឺនៅម៉ោង៩ព្រឹកថ្ងៃទី១៧ តុលា ២០១៨ និង៣-ឈ្មោះប៊ុត សុភ័ក្រ អាយុ៤៩ឆ្នាំ ជាមន្ត្រីកងរាជអាវុធហត្ថខេត្ត ។
បើតាមប្រភពព័ត៌មានបានឱ្យដឹងថា អ្នកដឹកជញ្ជូនសត្វព្រៃម្នាក់ ឈ្មោះតី តុលា អាយុ២៩ឆ្នាំ រស់នៅភូមិថ្វាង ឃុំកោះជីវាំង ស្រុកឯកភ្នំ និងម្នាក់ទៀត ឈ្មោះតី រស្មី ជាបងបង្កើតរបស់ឈ្មោះតុលា ដែលស្ថិតក្នុងសំណុំរឿងជំរិតទារប្រាក់នេះដែរ និងអាចជាសាក្សីដ៏សំខាន់ផង ត្រូវបានតំណាងអយ្យការអមសាលាដំបូងខេត្ត ចេញដីកោះឲ្យចូលបំភ្លឺរួចហើយ កាលពីព្រឹកថ្ងៃទី១៣ កញ្ញា កន្លងទៅថ្មីៗនេះ។
ឈ្មោះតី តុលា បានបញ្ជាក់ថា ក្រោយពេលត្រូវឃាត់ខ្លួនមន្ត្រីឈ្មោះទុំ បានបញ្ជូនខ្លួន និងវត្ថុតាងត្រឡប់មកកាន់ស្នាក់ការ៥០៨ នៅក្នុងភូមិព្រែកចាស់ ឃុំកោះជីវាំង វិញ ហើយបង្ខំឱ្យខ្លួនបង់ប្រាក់ចំនួន១ម៉ឺនដុល្លារ ជាថ្នូរនឹងការដោះលែងមិនដាក់គុក ។ ប៉ុន្តែពេលចរចាមិនត្រូវរ៉ូវគ្នា ទើបមន្ត្រីឈ្មោះទុំ និងឈ្មោះសែ ចាប់បញ្ជូនខ្លួនតាមកាណូតទៅកាន់ចំណុចមេទឹក ឬមេជ្រៃ ដែលស្ថិតក្នុងភួមិសាស្ត្រស្រុកពួក ខេត្តសៀមរាប វិញ ដែលមានមន្ត្រីឈ្មោះសុភ័ក្រ បើករថយន្តមកចាំទទូលនៅទីនោះ ។ តី តុលា បានបញ្ជាក់ថា «ពេលនោះមន្ត្រីគេ(ប៉េអិម)បានចាប់ខ្ញុំវ៉ៃខ្នោះដៃ រុញចូលក្នុងរថយន្ត ដើម្បីបង្ខំឲ្យខ្ញុំបង់ប្រាក់ ហើយបងប្រុសខ្ញុំឈ្មោះរស្មី ក៏បានទៅដល់ ដើម្បីជួយដោះស្រាយរឿងលុយកាក់នេះ»។
សាក្សីរូបនេះបានបញ្ជាក់ថា «ប្អូនប្រុសខ្ញុំ ត្រូវលោកប៉េអិមចាប់វ៉ៃខ្នោះបង្ខាំងទុក នៅក្នុងរថយន្តឡង់គ្រីស្ស័រ សូម្បីតែខ្សែ.កប្លាទីនទម្ងន់៣តំឡឹងរបស់ប្អូនខ្ញុំ ក៏ត្រូវឈ្មោះទុំ ដោះយកទុកដែរ ។ មន្ត្រីទាំងនោះ បានគំរាមកំហែងវាយតប់ពេលប្អូនខ្ញុំសុំចុះនោមម្ដងៗ រីឯខ្ញុំក៏ត្រូវគេឲ្យអង្គុយក្នុងរថយន្តជាមួយគ្នាដែរ ដើម្បី
ទង្វើរបស់ក្រុមមន្ត្រីប៉េអឹមឈ្មោះទុំ បានរងការស្ដីបន្ទោសយ៉ាងខ្លាំងពីកម្លាំងសមត្ថកិច្ច និងអាជ្ញាធរស្រុកពួក ដោយបន្ទោសថា «ហេតុអ្វីបានអស់លោកបង្ក្រាបបទល្មើសក្នុងដែនដីខ្ញុំ បែរជាមិនរាយការណ៍ឱ្យខាងខ្ញុំដឹងផង?» មិនតែប៉ុណ្ណោះ ភាគីទាំង២ថែមទាំងប្រឈមមុខដាក់គ្នាយ៉ាងតឹងតែងទៀតផង រហូតមានការអន្តរាគមន៍សម្របសម្រូលពីថ្នាក់ដឹកនាំរៀងៗខ្លួន ទើបខាងអាជ្ញាធរនិងសមត្ថកិច្ចស្រុកពួកយល់ព្រមឲ្យបញ្ជូនប្អូនខ្លួនមកកាន់ខេត្តបាត់ដំបង ។
កោះសន្តិភាព មិនអាចទំនាក់ទំនងសុំការបំភ្លឺពីមនន្ត្រីកងរាជអាវុធហត្ថឈ្មោះពៅ ទុំ ឈ្មោះប៊ុត សុភ័ក្រ និងឈ្មោះទ្រី តិចសែ ដែលត្រូវចូលបំភ្លឺនៅតុលាការពាក់ព័ន្ធនិងករណីខាងលើនេះបានទេ នៅព្រឹកថ្ងៃទី២២កញ្ញា នេះ ។ ដោយឡែក លោកឧត្តមសេនីយត្រី មាស សុវណ្ណ មេបញ្ជាការកងរាជអាវុធហត្ថខេត្ត ក៏មិនអាចសុំការបំភ្លឺបានដែរ ជុំវិញករណីនេះ ។
ចែករំលែកព័តមាននេះ